سؤال فني في الجيربوكس المتقدم

[alymonir]

كنت عايز أعرف حاجة
بشوف في بعض السيارات المتقدمة في الجيربوكس, يوجد داخل الصالون بجوار عصاية الفتيس الأوتوماتيك عجلة مدورة زي بكرة التكييف كدة
مش عارف دي لها علاقة بالجير بوكس ولا لأ , و ايه دي بالضبط
يوجد صورة كمثال مرفقة

[alymonir]

ايه يا شبااااب
مفيش حد عارف ولا إيه ؟؟؟

[Injection]

لأ ياباشا مالهاش علاقة أساسية بالفتيس, دى بتتحكم منها فى كمبيوتر العربية, يعنى مثلا فى الصورة اللى حضرتك حتطها, فى التابلوه فى شاشة, الشاشة دى جزء من نظام متكامل بيتحكم فى كل حاجة فى العربية.

زى درجة حرارة التكييف, أسلوب قيادة العربية (رياضى, هادى), الجى بى أس, العفشة ناشفة ولا ضعيفة, البلوتوث, الوقت والتاريخ وأستجابة الفتيس , وأوبشنز تانية بتختلف حسب العربية.

البكرة عاملة زى الماوس, بتلفها يمين بتنزل على الأختيار اللى تحت (من خلال الشاشة), شمال بتطلع على الأختيار اللى فوق, تدوس فى النص تختار, وبتتحرك يمين وشمال وفوق وتحت على المحور الرأسى والأفقى وهكذا, وبتختلف حسب الموديل والمصنع.

ومن رواد الموضوع ده, bmw النظام بتاعهم مشهور وعدة شركات تانية بتستخدمه, أسمه i drive

دى صورة ليه


ودى للشاشة الأساسية بتاعته (اللى فى منتصف الكونسول)



ودى مقالة ويكيبيديا عنه
http://en.wikipedia.org/wiki/IDrive

شوية صور تانية




أرجو أنى أكون ساعدت حضرتك.

[alymonir]

جزاك الله خيرا
أستاذ و رئيس قسم

[hazem_khidr]

شكرا انجكشن
زي ما انجكشن قال كده يا علي بيه
النظام دا اول من ابتدعه كان BMW
في سيارتها الفئه السابعه عام 2001
تحت اسم I DRIVE
و كان يوجد منها اثنان بالسياره واحده بالامام و اخري بالخلف لمن يصطحب سائقا لسيارته الفخمه
و قد تعمدت معظم شركات السيارات الفخمه علي اتباع مثل هذا النظام مع بعض التغيرات