العودة   مصر موتورز مجتمع السيارات > منتدى الصيانة و اﻹصلاحات > منتدى الصيانة العام > المنتدى التعليمى والمكتبة الفنية

المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات


إضافة رد
 
أدوات الموضوع
  #1  
قديم 13-01-2011, 07:05 PM
الصورة الرمزية samirayad
samirayad samirayad غير متواجد حالياً
التخصص العملى: الهندسه الميكانيكيه والكهربيه
 
تاريخ التسجيل: Oct 2008
المشاركات: 7,902
samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
افتراضي كيف يعمل الفتيس الأوتوماتيك

الأوتوماتيك

لى زميل عزيز كان عاوز يأخذ فكره عن الأوتوماتيك

وبالفعل وعدته بهذا

وكما يقولون

وعد الحر دين عليه

والنهارده بأذن الله حبدأ أستعرض معاكم فكرة عملية النقل فى هندسة السيارات بشكل

عام

وبأذن الله سيتم ثقل هذا الموضوع من زوايا فنيه وعلميه بالغة الدقه تباعا

نظرا لحساسية شغل الأوتوماتيك بالذات

نبدأ بإسم الله

_________________________ ________________

يوجد نوعان من عمليات النقل مطبقه فى هندسة السيارات

1- النقل العادى تبعا لأرادة السائق ( حسب رغبة السائق يعنى )

وده النظام المانيوال وبيعتمد على علبة الفتيس بمكوناتها المعروفه من مجموعه من

التروس وكورونه فى نهاية الفتيس لتوزيع الحركه عرضيا على جوانب السياره ( فى

حالة الجر الأمامى أبو كبالن )

أما فى حالة الجر الخلفى بيوجد أختلاف فى الوضع شويه

الفتيس بيركب بعد الدبرياج على المكنه ............وكورونة الفتيس بتبقى وراء عند

العجل الخلفى

( حنعمل موضوع أن شاء الله بخصوص الكورونه وكيفية عملها بشكل عام )

طبعا فى هذا النوع من عمليات النقل المانيوال ( يدوى ) لابد من توافر جزء ميكانيكى

يمكن من خلاله فصل ووصل الحركه عن محرك السياره الذى يدور وينتج قدره عن

الفتيس

لكى يتمكن قائد السياره من وضع عصاية الفتيس على الوضع الذى يرغبه للسياره

سواء الحركه على سرعه بطيئه كالأول والتانى أو أسرع زى التانى والتالت

وده إللى بنقول عليه ( الدبرياج أو القابض الميكانيكى )

_________________________ ______________

فى النقل الأوتوماتيك بأه الصوره مختلفه تماما

فلايوجد دبرياج ميكانيكى يعتمد على العمل بالنظريه الأحتكاكيه لفصل ووصل

الحركه عن المكنه

ولكن يوجد دبرياج هيدروليكى ( يطلق عليه محول العزم الهيدروليكى torque

converter )

وده معمول له موضوع بالقسم التعليمى هنا بالمنتدى

وده الموضوع

http://174.121.240.196/~masrmoto/vb/...ad.php?t=40717

أيضا لاتكون التروس بنفس الشكل المعروف عن المانيوال

محورين وعلى كل محور مجموعه من التروس بأحجام مختلفه للحصول على نسب

معينه من تخفيض السرعه ( حسب وضع المجموعه العامله من التروس )

ولكن فى الأوتو بيكون هناك منظومه هندسيه أكثر تعقيديا

تسمى بمجموعة التروس الكوكبيه

إذا فى الأوتو لايوجد محوران ( عمودان لعمل التروس ولكن عمود واحد وعلى محور

واحد )

طبعا العمود ده بنوصله بتروس وخلافه 0 حسب ماحنشوف ) تباعا

ويلاحظ أنه فى النقل الأوتوماتيك لابد من وجود فلتر مغمور داخل كرتير الفتيس

ويجب تغيير هذا الفلتر ( طبعا للمواعيد التى يحددها صانع الفتيس )

يلاحظ أيضا أنه أثناء العمل فى صيانة الفتيس الأوتو يجب عمل دور شطف ونظافه

داخليه شامله لكل الأجزاء الظاهره أمامنا بعد حل كرتيرة الفتيس

وبناء عليه يفضل أيضا بعد عمليات النظافه أستخدام زيت فتيس من نوع رخيص

لغسيل كل الفتيس من الداخل من آثار الزيت الملوث القديم لسحب أى رواسب

وملوثات من محول العزم الهيدروليكى ومن خريطة الفتيس ( فالف بودى )

وبعد كده ممكن بأه نستعمل زيتنا الأغلى سعرا

_________________________ _______

طيب أيه بأه موضوع الأوتوماتيك ............؟

هنا بأه السواق ملوش دخل بتعشيق مرحلة التعشيق المعينه ( زى نظام المانيوال )

لا ..........كله بيتم أوتوماتيك دون تدخل السواق فى لعبة النقل

ومايفعله السائق فقط

هو وضع السيلكتور ( يد الفتيس ) على وضع قياده معين يطلبه من دايرة الفتيس

لتنفيذه آليا

السيلكتور بيكون متواجد بجوار كرسى السائق على الكونسول الجانبى لفخده الأيمن

لسهولة التحكم فى وضع النقل المطلوب تنفيذه من الفتيس

فى معظم السيارات فأنه من الضرورى الضغط على دواسة الفرامل قبل وضع

السيلكتور على أى وضع بداية من الوضعPark

أوضاع الأختيار دائما بتكون عباره عن الأمور التاليه

p ...........أى جراج مكونات الفتيس وكلبشتها

R ..........وضع الرجوع بالسياره للخلف

N .........وضع الخمول أو المور أو الحياد أو الاحمل

O .......وضع القياده الفائقه OVER DRIVE

D ......وضع القياده العادى طبقا لأختيار قائد السياره

2 ..........النقله التانيه للفتيس

1 أو L ....النقله الأولى للفتيس

_______________________

يلاحظ أن الوضع P يقوم فيه الفتيس بتكتيف نفسه ميكانيكا وبالتالى لا يمكن تحريك

السياره الأوتو فى أى أتجاه والسيلكتور محطوط على الوضع P

بتتم عملية الكلبشه لمكونات الفتيس الداخليه بأستخدام قضيب معدنى ( بشكل هندسى

معين )

يقوم بالتعشيق هيدروليكيا مع عمود خرج القدره من الفتيس وبالتالى منع نقل أى

حركه لمحاور السياره

ومن هنا نحصل على ظاهرة الكلبشه لمكونات الفتيس ومنع السياره من الحركه

فى النقل الأوتو يتم تغيير نسب التروس آليا أعتمادا على سرعة السياره والحمل

المأخوذ من محرك السياره

يلاحظ أيضا أنه تم التوصل لوجود النقل الأوتوماتيك فى مجال هندسة السيارات

منذ عام 1950 ميلاديه

وبالتالى يتم النقل الأوتوماتيك والتحكم فى عمله آليا من خلال أختيار منظومة عمل

الفتيس للنقله المناسبه ( حسب السرعه والحمل ) من خلال نظام هيدروليكى متكامل

حنتعرف عليه بأذن الله تباعا

ودى صوره لما يطلق عليه ( السيلكتور )



أذا

مما تتكون عملية النقل الأوتوماتيك ............؟

تتكون من الأجزاء التاليه

1- علبة الفتيس

2- مجموعة التروس الكوكبيه

3- الفالف بودى ( أو كما يطلق عليها بعض الصنايعيه بخريطة الفتيس )

4- مبرد زيت يلحق بجانب ردياتير تبريد محرك السياره

5- قابض هيدروليكى ( محول العزم )

6- مجموعه من الكلاتشات الميكانيكيه يتم التحكم فى تعشيقها وفصلها هيدروليكيا

بواسطة الزيت المضغوط والقادم لها من خلال خطوط معينه داخل الفتيس

7- حزام هيدروليكى للتحكم فى عمل مجموعات التروس الكوكبيه

للحصول على العديد من السرعات الأماميه وسرعه واحده خلفيه

_________________________ _________

الفالف بودى هو مركز التحكم الهيدروليكى فى عمل الفتيس حيث يستقبل الزيت

المضغوط من خلال طلمبة الزيت الرئيسيه بالفتيس بعد ورود الزيت مرشحا لها من

خلال فلتر الزيت المتواجد على خط سحبها

يتم التحكم فى شغل حارات الفالف بودى ( أى مساراته العاليه الدقه فى التصميم

الهندسى )

من خلال كمبيوتر الفتيس وأوامره الصادره للسولونيدات الخاصه بالتحكم فى مسارات

الزيت وتوجيهها إلى نقاط معينه ومحسوبه بدقه داخل الدائره الهيدروليكيه للفتيس

فى الأنظمه القديمه للفتايس الأوتو كان يتم التحكم ميكانيكيا فى منظومة العمل

الهيدروليكيه للفتيس

وخصوصا فى السيارات الكربوراتير القديمه

وده بأه مقطع داخل الفتيس الأوتو لأظهار ملابساته وتعقيداته



ودى صوره مجسمه أخرى لمجموعات التروس الكوكبيه





------------------------------

يتبغ بإذن الله ............وعلى من يريد المشاركه
__________________


قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير
رد مع اقتباس
  #2  
قديم 13-01-2011, 07:07 PM
الصورة الرمزية samirayad
samirayad samirayad غير متواجد حالياً
التخصص العملى: الهندسه الميكانيكيه والكهربيه
 
تاريخ التسجيل: Oct 2008
المشاركات: 7,902
samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
افتراضي رد: كيف يعمل الفتيس الأوتوماتيك

للحفاظ على فتيس سيارتك الأوتو ماتيك من تعرضه لأى تلف داخلى

يجب عليك أن توقف السياره تماما بأستعمال فرامل السياره قبل وضع السيلكتور على

الوضع P

يلاحظ أيضا أن الوضع P هو أحد الأوضاع الأختياره للفتيس والتى يمكنك معها من

أدارة محرك السياره

الوضع الآخر لدوارة محرك السياره هو الوضع N ( أى وضع الخمول والحياد

لمكونات الفتيس الداخليه )

يستخدم الوضع N لفصل الفتيس أو عملية النقل عن عجل السياره وذلك لكى يتمكن

قائد السياره من تحريك سيارته للأمام والخلف عند أرادته لزق السياره والمحرك

متوقف عن العمل .........أو لوجود عطل طارىء بالسياره

الوضع D يسمح للسياره بتغيير سرعتها أوتوماتيكيا من خلال خطة العمل الموضوعه

داخل ذاكرة وحدة تحكم الفتيس للتحكم فى تغيير عمليات النقل ( أعتمادا على سرعة

السياره وحمل المحرك )

_________________________ ________


غالبا يوجد أربع مراحل نقل أماميه فى الفتايس الأوتو

ولكن بعض الشركات المنتجه للسيارات ( مثل أودى وبى أم دبليو ومرسيدس بنز )

تمتلك مراحل نقل أوتوماتيك أماميه تصل إلى 8 سرعات فى بعض الأنواع

النقله الرابعه للفتيس بتكون مناسبه تماما أثناء السفر على الطرق السريعه HIGH

WAY

النقله الثالثه للفتيس بتكون مناسبه أيضا للقياده داخل المدن

الوضع الأول للسيلكتور ( أى مرحلة النقل الأولى الأماميه )

تعنى عدم السماح للفتيس بالوجود على سرعات أعلى من الأول

وهذه الحاله سوف تتحرك السياره ببطء ولكن بعزم سحب أكبر وبالتالى يمكن فى هذا

الوضع ( قطر سياره أخرى معطله ) أو التحرك فى الرمال والأماكن الشديدة المقاومه

لعجل السياره

الوضع 2 يستخدم لأحكام حركة النقل الأوتوماتيك وصولا للتانى فقط

ويستخدم هذا الوضع غالبا فى الأحوال الجويه غايه فى الصعوبه مثل الحركه

بالسياره على الجليد ( فى البلدان الأسكندنافيه على سبيل المثال )

وده شكل معقد جدا لكنترول سياره أو توماتيك تحتوى على منظومة ABS لدايرة الفرامل



يلاحظ أن النقل الأوتوماتيك يصدر منه ضوضاء معينه عند حدوث خلل فى عمل

الفتيس

والضوضاء الصادره من الفتيس الأوتو ( فى حالة وجود خلل ) تختلف كثيرا عن

نظيره المانيوال

نظرا لأعتماد الفتيس الأوتو كلية على وسط هام جدا وبيمثل سائل الحياه للفتيس

وهو سائل النقل الأوتوماتيكى ( أى زيت الفتيس عاميا )

ولذا

فأذا أصبح فلتر الفتيس مسدودا ولو جزئيا بسبب الشوائب والملوثات نتيجة التآكل

الطبيعى لتيل كلاتشات مراحل التعشيق المختلفه ولم يتم تغيير الزيت فى موعده

فسوف تصدر أصوات زنات وضوضاء بنغمه معينه

فعند نقصان منسوب الزيت لأى سبب من الأسباب

سوف تقوم الطلمبه بسحب هواء مختلطا مع الزيت وبالتالى سيقل ضغط الطلمبه

وبالتالى سيكون التعشيق حاد مع وجود صوت تفويت لكلاتشات مراحل التعشيق

_________________________ _________

معظم الأنهيارات الداخليه للفتيس الأوتو تكون بسبب تلف للبلى أو كلاتش معين أو

جزء صلب داخل منظومة الفتيس

عندما يحصل مثل هذا الأنهيار الداخلى ...فسوف يستشعر قائد السياره بصوت تجليخ

(كأنك بتسن سكينه على حجر الجلخ )

فعند شعورك بتواجد أصوات غريبه داخل الفتيس وبوضع غير معتاد مثل الحشرجه

والرزع

فقد تتعرض لتوقف السياره نتيجة عملية الأنهيار الداخلى لأى مكوةن من مكونات

الفتيس

_________________________ _______

بعض مصنعى الفتايس الأوتو أستطاعوا من تطوير نظام الفتيس الأوتو التقليدى

المعتمد على مجموعة تروس كوكبيه من خلال نظام نقل دائم التغير فى عمليات النقل

continuously variable transmission or CVT.

هذا النوع من عمليات النقل الأوتوماتيك أصبح معروفا ومنتشرا فى السنوات الأخيره

فبدلا من الأعتماد فى عمليات النقل الأوتوماتيك على مجموعات التروس الكوكبيه

تم تغيير نظام نسب التخفيض التى كانت تؤخذ من هذا النظام الكوكبى للتروس

وبالتالى فأن كمية التسارع للأمام بالسياره خلال مدى واسع للسرعات تم كالآتى

بأستخدام عدد / 2 عجله مخروطية الشكل بأقطار مختلفه لتغيير نسب التخفيض فى

عمليات النقل


وهنا يتم أستخدام طلمبه هيدروليك متغيره فى معدل ضخ الزيت بضغوط ومعدلات

هيدروليكيه مختلفه

مع وجود موتور هيدروليكى لتغيير عملية النقل بأستمرار طبقا للحمل المأخوذ من

محرك السياره

أعتمادا على أشاره قادمة لوحدة تحكم الفتيس تعبر عن حمل المكنه مع ضغط السائق

على دواسة البنزين


_________________________ __

يتبع بإذن الله
__________________


قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير
رد مع اقتباس
  #3  
قديم 13-01-2011, 07:10 PM
الصورة الرمزية samirayad
samirayad samirayad غير متواجد حالياً
التخصص العملى: الهندسه الميكانيكيه والكهربيه
 
تاريخ التسجيل: Oct 2008
المشاركات: 7,902
samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
افتراضي رد: كيف يعمل الفتيس الأوتوماتيك

ناخد فكره سريعه كده عن

كيفية عمل صيانه ( سيرفيس ) للفتيس
الأوتوماتيك


للحفاظ على آداء جيد من الفتيس

______________________

كما بينا من قبل فأن سائل الحياه للفتيس الأوتو هو الزيت

ومع الحفاظ على تغيير الزيت والفلتر ( حسب تعليمات صانع الفتيس )

فسوف يعمل معك الفتيس بأحسن حال

________________________

الخطوه الأولى

طقم عباره عن تغيير فلتر + جوان كاتيره





العده والأحزاء المطلوبه لهذا العمل عباره عن عده تقليديه وليست عده خاصه
_________________________ _________

الخطوه الثانيه

التعرف على مكونات الفتيس الظاهريه
.



مثل الكارتيره pan

كل الفتايس تحتوى على كارتيره تقوم بتغطية حوض الزيت من أسفل

ويكون داخل حوض الزيت ( الزيت والفلتر مركب على سحب الطلمبه )

أيضا يكون على جانب الفتيس ( شيلد وقايه لأبعاد حرارة الشكمان عن الفتيس

والحفاظ على عدم وصول الحراره للفتيس وسخونة الزيت

وبعض أنواع الفتايس تحتوى على طبه لأنزال الزيت دون الحاجه لحل الكارتيره

_________________________ ____

الخطوه الثالثه

وهى أنزال زيت الفتيس القديم

الشكل التالى يوضح حل طبة الفتيس لأنزال الزيت




بعض الأنواع لاتحتوى على طبه لتفريغ الزيت وهنا يلزم حل الكارتيره كاملة لتفريغ

الزيت

_________________________ ___________

الخطوه الرابعه

أنزال الزيت القديم






بعد تهوية رباط الطبه ....حط وعاء تحت الطبه لأستقبال الزيت القديم

وشيل بأه الطبه وأنتظر لحين تفريغ كل الزيت

_________________________ ________

الخطوه الخامسه

وهى حل الكارتيره




حنحل مسامير تجميع الكارتيره على جسم الفتيس من أسفل بحل جميع المسامير

مع ترك مسمارين لمسك الكارتيره بجسم الفتيس من أسفل ( أو حوض الزيت )

_________________________ ________

الخطوه السادسه

حل الكارتيره



حتحط يديك تحت الكرتيره وتحل المسمارين الباقين

وبرفق حتنزل بالكارتيره لأسفل

_________________________ ____

الخطوه السابعه

فحص تواجد شوائب أو زرات معدنيه



حتفحص باطن الكارتيره من حيث تواجد بودره معدنيه أو شرائح دقيقه خاصه

بالكلاتشات

كل الفتايس الأوتو بيتواجد بعض البودره المعدنيه فى الكاتيره نتيجة تآكل الكلاتشات

ولكن أذا وجدت أجسام معدنيه ملفته للنظر وبأحجام كبيره

فهذا مؤشر على وجود خلل كبير داخل منظومة الفتيس

ولا تعتبر المناظر الحاليه هى الأوضاع العامه للفتايس

ولكن هنا الصور تشير إلى فتيس بحاله جيده جدا

ومعظم الفتايس بتحتوى على مغناطيس مثبت داخل الكارتيره لألتقاط أى زرات

معدنيه لعدم السماح لها بالسريان والدوران مع الزيت أثناء عمل الفتيس

لعدم أحداث خلل كبير بالفتيس

_________________________ ____

الخطوه الثامنه

تنظيف الكارتيره من الداخل



تتم عملية التنظيف للكارتيره مع تركيب جوان كارتيره جديده


_________________________ __________

الخطوه التاسعه

تغيير فلتر الفتيس



معظم الفتايس الأوتو تشتمل على فلتر داخل حوض الزيت

وأحيانا يوجد الفلتر مربوط بمسامير أو بكلبسات

وفلتر الفتيس فى هذا الشكل بيدعم برنج حابس للزيت فى مقدمة الفلتر

_________________________ ___________

الخطوه العاشره

وانت حالل بأه حتتعرف على الأجزاء الداخليه للفتيس من أسفل



حتعمل نظافه لحافة الفتيس من أسفل

وحتقدر تشيك على التوصيلات الكهربيه لسولونيدات النقل

وهى راكبه على الفالف بودى

وفى الشكل التالى طريقة تركيب فلتر الزيت الجديد



وهنا يتم تركيب كارتيرة الفتيس



يتم التركيب بهدوء لعدم أتلاف جوان الكارتيره الجديد لضمان حبك جيد للكرتيره على

الحوض من أسفل

وعدم حدوث تسريب للزيت

وربط مسامير التجميع لغلق الحوض من أسفل

_________________________ __________

هنا بأه حنشيل مقاس الزيت



وهنا يتم تعبئة الفتيس بالزيت الجديد من خلال قمع مخصص لهذا



يتم وضع كمية الزيت المقرره للفتيس

دور مكنتك من أجل الوصول لدرجة حراره طبيعيه

أعد فحص منسوب الزيت وأضف زيت أن تطلب الوضع عملية تزويد

ولا تملأ الفتيس بكمية زيت أكبر من المقرره للفتيس

وحنعرف ليه من هذا الموضوع

http://www.masrmotors.com/vb/showthread.php?t=38257

وتابع بعد كده الآداء
__________________


قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير
رد مع اقتباس
  #4  
قديم 13-01-2011, 07:11 PM
الصورة الرمزية samirayad
samirayad samirayad غير متواجد حالياً
التخصص العملى: الهندسه الميكانيكيه والكهربيه
 
تاريخ التسجيل: Oct 2008
المشاركات: 7,902
samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
افتراضي رد: كيف يعمل الفتيس الأوتوماتيك

بجد موضوع رائع
جزاك الله خيرا يا أخى على الشرح الرائع
من حوالى اسبوع رحت اغير زيت لعربيتى اللى لسه شاريها من حوالى 10 ايام وقلت للراجل بتاع الزيت غيرى زيت وفلتر للموتور وكمان للفتيس الاوتو قالى ياباشا مفيش فلتر اغيره للفتيس لانه موجود من جوه ولازم واحد بتاع فتيس هو اللى يغيره
وسمعت برده ان فتيس الاوتو زيته مش بيتغير
وطبعا ده كله طلع غلط بعد الموضوع ده

من مواضيع kahk2008 في المنتدى0 ما فائدة هذا القسم !!!!!
0 مطلوب كيا شوما هاى لاين
0 كيا شوما أم أكسنت (شكل قديم)
0 استشارة عاجلة ربنا يكرمكم
0 محتاج اعرف ايه أحسن بنزينة للكشف على العربية ؟؟


____________التوقيعــ____ __


الأعضاء الذين قالوا شكراً لـ kahk2008 على المشاركة المفيدة:
__________________


قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير
رد مع اقتباس
  #5  
قديم 13-01-2011, 07:12 PM
الصورة الرمزية samirayad
samirayad samirayad غير متواجد حالياً
التخصص العملى: الهندسه الميكانيكيه والكهربيه
 
تاريخ التسجيل: Oct 2008
المشاركات: 7,902
samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
افتراضي رد: كيف يعمل الفتيس الأوتوماتيك

رد: كيف يعمل الفتيس الأوتوماتيك
جزاك الله خير اخى العزيز
فى ميزانك ان شاء الله


____________التوقيعــ____ __






الأعضاء الذين قالوا شكراً لـ .A.R.M.A.N. على المشاركة المفيدة:
__________________


قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:37 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017