|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
Indirect injection
أنا عندى عربية هيونداى ماتركس 2001. الماتور 1495 سى سى واعتقد إن فيه 12 صباب. المهم وأنا بأقراء موصفات العربية على النت لقيت المعلومة التالية.
Fuel system: indirect injection كما فهمت إن نظام حقن الوقود هو حقن غير مباشر كما تشير الترجمة. ممكن حد يفهمنى هو أيه الحقن غير المباشر وهل يختلف عن الحق الإلكترونى أم هو حاجة فى النص بين غربيات الكربراتير وعربيات الحقن الإلكترونى. أنا مش فاهم وعاوز حد يفهمنى شوية. هو النظام دة كويس أم فى احدث منه؟ وهل هى بتفرق فى إستهلاك البنزين... شكرا على الرد |
#2
|
||||
|
||||
رد: Indirect injection
حقن الوقود أو الأنجكشن تعبير بيضم تحتيه طرق كتير وتصميمات مختلفة لنظام الحقن, لكن كلها فى الأخر حقن وقود.
ال indirect injection من أشهر التصميمات المستخدمة فى الأنجكشن, لبساطتها وسهولة تصنيعها ورخص قطع غيارها, وده موجود فى أغلب أن لم يكن كل العربيات الأنجكشن فى مصر. فى النظام ده, الرشاش بتاع الوقود بيبقى متركب قبل حجرة الأحتراق, فى مايسمى بالمانيفولد, بحيث يرش الوقود, ويختلط الوقود بالهواء والأثنين يدخلوا مع بعض الى السلندر. فى الصورة, الرشاشات الأربعة متركبة على ال fuel rail بتاعها أو المسطرة, وبتدخل الوقود الى المانيفولد اللى هو حرف ال U الكبير ده, المانيفولد ده اللى الهواء بيخش منه للموتور, والرشاش بيرش الوقود, وبعدين الهواء والوقود يكملوا مع بعض الى السلندر. ومن التصميمات التانية ال direct injection وفيه الرشاشات بتبقى متركبة جوه السلندر مش خارجه زى الصورة, بحيث تبقى زيها زى البوجيه, وبدل مابترش من بره السلندر بترش جواه مباشرة, وبالتالى الهواء بيدخل من المانيفولد, والرشاش بيحقن الوقود داخل السلندر مباشرة. وال indirect fuel injection المفروض أن أستهلاك البنزين بتاعه عالى سنة عن الdirect علشان بيرش البنزين قبل السلندر وبيبهدل الدنيا, لكن فى المقابل رخيص وسهل تصليحه. أنما كله ياباشا حقن الكترونى, الdirect لازم كمبيوتر يتحكم فى كمية الوقود وحساسات ورشاشات زيه زى ال indirect بالظبط.
__________________
|
#3
|
||||
|
||||
رد: Indirect injection
اجابة اكثر من رائعة
__________________
من كان يؤمن بالله واليوم الاخر فليقل خيرا او ليصمت |
#4
|
|||
|
|||
رد: Indirect injection
الله عليك يا عمرو باشا واللهى وحشنى إجابتك اللى تجنن دى. أنت فاهم قوى ودة نادر ما بيكون. متشكر على الإجابة. أتمنى ترد كمان على عقدة الريموت دى لإنها مغلبانى ومش عارف اسلك فيها. المشاركة بتاعتى موجودة فى اللنك التالى
http://www.masrmotors.com/vb/showthread.php?t=44909 شكرا مرة تانية ويارب نسمع عنك كل خير وتبقى موجود دائما فى المنتدى بمشاركتك الممتازة. |
#5
|
||||
|
||||
رد: Indirect injection
أستاذ ورئيس قسم
__________________
Komy |
|
|