100 كيلو في الصفيحه

[ORGANIC_MAGIC]

انهارده اول يوم اطلع بالعربيه علي طريق السفر


المهم لسه بدور العربيه مش راضيه تدور رحت ندهت للكهربائي كشف قالى رداخ وغيره بواحد صينى ب 60 جنيه دا كانت الحاجه الوحيده المتاحه عنده مع العلم مبحطش غير 92 بس بقالى اسبوع ماشي و اللمبه منوره (لمبه البنزين) و بالمره غيرت فيلتر البنزين وركبت الكوري ب 35 جنيه


طلعت علي الطريق وكله تمام متوسط السرعه من 120 ل 160 منزلتش عن 120


عملت 100 كيلو بنص صفيحه يعنى 20 لتر يعنى اللتر عمل 5 كيلو علي الطريق السريع - العربيه اتوماتيك يعنى مفيش حرق علي الغيارات و rpm معداش 3 ونص طول الطريق


كدا كتير ولا معقول ولا اعمل ايه بالضبط

[sad-bird]

المشاركة الأصلية كتبت بواسطة ORGANIC_MAGIC عملت 100 كيلو بنص صفيحه يعنى 20 لتر يعنى اللتر عمل 5 كيلو علي الطريق السريع - العربيه اتوماتيك يعنى مفيش حرق علي الغيارات و rpm معداش 3 ونص طول الطريق كدا كتير ولا معقول ولا اعمل ايه بالضبط

الصفيحة 20 لتر يعني النص صفيحة 10 لتر
يعني كده عملت 10 كيلو لكل لتر مش 5
لكن اعتقد ان ده برضة معدل استهلاك عالي ياريت تقول نوع العربية وحالة الماتور ويفيدك اكتر خبراء المنتدي

معدل استهلاك ممتاز وده لنقطتين اولا انتا عربيتك اتوماتيك والار بي ام اعلي من 2.5 وسرعتك متوسطها علي 140 وده طبيعي جدا ان الاستهلاك يكون كدا

جرب تمشي علي 90 وهتعرف الاستهلاك الصحيح قد ايه

انا بقولك الكلام ده لاني جربت الكلام ده في السفر كذا مره

[geuvara_2010]

سرعتك في اي عربيه مانيوال او اتوماتك فوق ال 90 كيلو متر في الساعه استهلاك بنزين عالي و استهلاك زيت محرك و مقاومه زياده للهواء

اهم اسباب زياده استهلاك البنزين
البوجيهات
الكربارتير
ضبط الكهربا
الابلاتين و الكوندنسر اي تسريب ممكن يكون موجود من خرطوم او التنك

[ORGANIC_MAGIC]

المشاركة الأصلية كتبت بواسطة sad-bird الصفيحة 20 لتر يعني النص صفيحة 10 لتر يعني كده عملت 10 كيلو لكل لتر مش 5 لكن اعتقد ان ده برضة معدل استهلاك عالي ياريت تقول نوع العربية وحالة الماتور ويفيدك اكتر خبراء المنتدي

معلش دى كانت غلطه كتابيه قصدى نص تانك يعنى صفيحه كامله
نوع العربيه اكسينت 1500 اتوماتيك
حاله الماتور جيده الحمد لله
اخر صيانه امبارح مغير فلاتر و سيرو وبوجيهات

المشاركة الأصلية كتبت بواسطة corsair معدل استهلاك ممتاز وده لنقطتين اولا انتا عربيتك اتوماتيك والار بي ام اعلي من 2.5 وسرعتك متوسطها علي 140 وده طبيعي جدا ان الاستهلاك يكون كدا جرب تمشي علي 90 وهتعرف الاستهلاك الصحيح قد ايه انا بقولك الكلام ده لاني جربت الكلام ده في السفر كذا مره

طب نجرب نمشي علي 90 ان شاء الله
وربنا يطمنك

المشاركة الأصلية كتبت بواسطة geuvara_2010 سرعتك في اي عربيه مانيوال او اتوماتك فوق ال 90 كيلو متر في الساعه استهلاك بنزين عالي و استهلاك زيت محرك و مقاومه زياده للهواء اهم اسباب زياده استهلاك البنزين البوجيهات الكربارتير ضبط الكهربا الابلاتين و الكوندنسر اي تسريب ممكن يكون موجود من خرطوم او التنك

امبارح مغيربوجيهات
عندي الكهربا عاليه شويه علشان الكيك داوون استجابنه تبقي اسرع (كلام الكهربائي) ودا عاملى زى صوت تصقيف خفيف وبيروح علي طول