|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#1
|
|||
|
|||
رينو لوجان ... عربيتى الجديدة
السلام عليكم ... دى أول مرة أشترك فى المنتدى الرائع ده وأرجو قبول مشاركتى المتواضعة ... أولا أحب أشكر كل أعضاء المنتدى المخضرمين واللى بفضل الله عرفت أستفيد من خبرتهم وآرائهم الجميلة القيمة .. واستقريت أخيرا على السيارة الرينو لوجان 2011 .. العربية معايا من شهرين تقريبا وماشاء الله زى الفل .. قوة ونعومة وثبات وعامل لغاية دلوقتى 1200 كيلو ... والحمدلله مفيش أى مشاكل .. وزى ماعرفت ان العربية دى لو كان عليها جمارك زيها زى أى عربية تانية بتدخل مصر كان ممكن سعرها يعدى ال80000 جنيه لكن اتفاقية أغادير هى اللى مخفضة سعر العربية دى .. على فكرة أنا معايا الفول أوبشن منها .. كان ليا سؤال ياريت ألاقى حد يجاوبنى عليه .. أنا من أقصى الجنوب من أسوان .. وباحب السفر جدا بس عمرى ماسافرت بعربية قبل كده... ياترى لوفكرت أسافر بيها أصيف فى اسكندرية ( حوالى 2400 كم رايح جاى ) ده ممكن يتعب العربية وهل البنزين 90 كويس لها ولا 92 .. وسؤال كمان .. هل النتروجين أفضل للاطارات ولا مايفرقش كتير ... شكرا ليكم جدا
|
#2
|
||||
|
||||
رد: رينو لوجان ... عربيتى الجديدة
السفر 2400 كيلو حيتعبك انت مش حيتعب العربيه
لازم تعمل حسابك انك حاتنام فى السكه لطول المسافه الفرق بين 90 و 92 عشرة قروش يعنى التفويله بالكامل مش حتعمل 5 جنيه فرق يبقى الموضوع مش مستاهل وتحط 92 احسن النتروجين اللى اعرفه عنه انه لايتمدد بشكل كبير بزيادة درجة الحراره علشان كده بينفخوا بيه عربيات السباق زى الفورميولا 1 لكن سمعت كلام كتير عن انه طرى وناعم والهجس ده وانا بصراحه مش مقتنع غير بموضوع انه لايتمدد بارتفاع درجة الحراره بصوره كبيره قد تؤدى الى الانفجار وللامانه انا مجربتهوش لسه |
#3
|
|||
|
|||
رد: رينو لوجان ... عربيتى الجديدة
شكرا جدا ليك ياأستاذ مصطفى ... أنا طبعا مش حاخد المسافة كلها خبطة واحدة يعنى حاريح مثلا مرة فى أسيوط ... مرة تانية فى القاهرة .. مرة تالتة عندكم ف دمنهور .. على فكرة أنا عربيتى لونها بترولى زى لون عربيتك (شفت أزاى أنا متابع كل اللى بتكتبه )
|
#4
|
|||
|
|||
رد: رينو لوجان ... عربيتى الجديدة
مبروك عليك اللوجان و ربنا يباركلك فيها
اما موضوع سفر 2400 كيلو بالنسبه للعربية جديدة و محافظ مستوى الزيت و الاطارات و العربية بشكل عامل معمول عليها تشك كامل لاتقلق ان شاء الله و لكن انت اللى هتتعب فى السفرية دى لازم يكون معاك حد تانى بيسوق.
__________________
الحلم |
#5
|
||||
|
||||
رد: رينو لوجان ... عربيتى الجديدة
2400 كيلو!!! دا السعودية اقرب!!! عادي جدا انك تسافر بيها العربيه مش مصدر خوف! و خصوصا ان الطرق اللي انت حتمشي فيها اهلة بالسكان! انا بقى بسافر بعربية في سيناء!!! 300 كيلو مفيش صريخ ابن يومين!!
|
|
|