العربية و عشرة العمر

[ramy01011]

السلاموا عليكم يا اعضاء احلي منتدي في الدنيا كنت من شوية اعد بسرح بتفكيري و جه سؤال كدة علي بالي فحبيت اخد رايكم فيه .
انا والدي كان معاة فيات 132 و فضلت معاة بتاع 30 سنة و لما جه يبعها زعل اوي و بصراحة رغم تشجيعي ليه علي انه يبعها لانها في اواخر ايامها كانت بتعد عند الميكانيكي اكتر ما بتعد تحت البيت انا بس لاحظت حاجة موش بس بابا لا لاكن كمان اغلب عمامي و الجيران الناس اللي هم في سن والدي كل واحد فيهم معاه عربية بالميت اقل عربية فيهم معاة من 10 سنين و مفكرش في يوم انه يبعها او يغيرها نيجي ليا انا و لاغلب اللي في سني من 29 الي 33 اكتر من عربية يعني انا مثلا لما سافرت الامارات غيرت بتاع 4 عربيات في 5 سنين طبعا 2 منهم ال 307 و اليارس اكتر عربيتن كل واحدة سنتين و اليارس لسة معايا و اكتر من واحد صحبي لما تقول له العربية اللي معاك حلوة يقولك تحفة و مريحاني تيجي تقوله طب تبيع يقولك اوك من غير تفكير حد يعرف اية السبب ؟ يعني كل واحد بيجي يشتري عربية دلوقت حتي لو جديدة يقولك يعني تعد معايا 5 سنين و بعدين ابعها او ابدلها او حد يكون عايز يشتري عربية مستعملة و تكون حالتها نظيفة و مريحاه يقول بردو شوية و اجيب حاجة تانية انا بقي عايز اعرف هو ليه احنا موش زي اهالينا في النقطة دي ؟
هل العربيات الحديثة عمرها الافتراضي اسرع مثلا ؟
هل مع كل الاوبشن اللي فيها دي الواحد بيزهق منها بسرعة ؟
ولا احنا كشباب تفكيرنا اتغير
ولا علشان دلوقت بقي فيه قروض تمويل سيارات و اصبح الموضوع اسهل في شراء سيارة؟
معلش طولت عليكم وموش هسرح تاني

[DocAmro]

وعليكم السلام ورحمة الله وبركاتة يا رامي باشا
ان عجبني جداً موضوعك عشان النقطة دي كانت شغلالي بالي في الفترة اللي فاتت
انا رأي انة فعلاً احنا كشباب تفكرينا مختلف عن أبائنا بسنبة كبيرة جداً
هم تفكريهم أنة العربية شغالة و بتوصل من مكان لمكان و خلاص
اما احنا بنهتم بشكل العربية و خصوصاً ان الشركات ايام زمان كانت بتغير شكل العربية كل فين و فين لكن دلوقتي هم سنتيو او ثلاثة بالكتير و تلاقيهم منزلين موديل جديد بالكامل(طبعاً انا بتكلم علي الشركات برة مش اللي بيجمعوا عربيات بقالها 5 و 10 و 20 سنة عندنا هنا في مصر)
ده غير اهتمامنا بالتطور التكنولوجي و الاوبشنز الجديدة بحكم اننا جيل اتربي علي الكومبيوتر و التكنولوجيا و متعودين علي التغيير زي ما بنغير الويندوز والبرامج علية.
بالنسبة لنقطة العمر الإفتراضي : فعلاً الشركات اصبحت تتجة لتصنيع سيارات عمرها الإفتراضي صغير (لو بصيت في جدول الصيانة بتاع التوكيل هتلاقيه اخره 100,000 كيلو) و طبعاً ده عشان هم برة مفيش عربية بتعيش اكتر من كدة و بيبيعوها لشركات التقطيع و يشتروا عربيات جديدة

ففعلاً الزمن غير الزمن
و الجيل غير الجيل
كل جيل ليه طريقة تفكيرة
عشان كدة ربنا وصانا اننا نسمع كلام اهلنا حتي لو احنا مختلفين معاهم عشان الأيام هتلف و لما يجي علينا الدور عتلاقي ولادنا برضوا مختلفين, هذه هي سنة الحياة

[hema5485]

هو الموضوع ده مش في الكبار بس ولا حاجه
ده طبيعي جدا بس يمكن علشان اغلب الشباب بيبتدوا يركبو عربيات من سن 22-23
يعني لما يتخرج ولما كان اول عربيه غالبا بتبقي مستعمله حتي لو 2007 فبيتعلم عليها مثلا ويبيعها ويجيب حاجه تانيه مستعمله او جديده حتي
بس ساعتها بيمون عنده 24-25 فلما يبقي في سن حضرتك 29 يعني العربيه ملحقتش تكون اي ذكريات معاه
ده غير ان الذكريات بتبقي علي الحلوه والمره وبمان العربيات الجديده مفهاش مره فلا يوجد متعه معادله الحلو بالمر
وماننكرش ان لو العربيه الجديده فيها مره بتبقي مره اوي فممكن تكرهها جدا لكن غالبا مش هتحبها جدا للسبب الي انا قولته
فمن هنا نبع الحب الشديد للعربيات القديمه ومش هيتكرر عند حد بسهوله الا اذا احتفظ بالعربيه 20 سنه علي بعضهم

[ramy01011]

المشاركة الأصلية كتبت بواسطة DocAmro وعليكم السلام ورحمة الله وبركاتة يا رامي باشا ان عجبني جداً موضوعك عشان النقطة دي كانت شغلالي بالي في الفترة اللي فاتت انا رأي انة فعلاً احنا كشباب تفكرينا مختلف عن أبائنا بسنبة كبيرة جداً هم تفكريهم أنة العربية شغالة و بتوصل من مكان لمكان و خلاص اما احنا بنهتم بشكل العربية و خصوصاً ان الشركات ايام زمان كانت بتغير شكل العربية كل فين و فين لكن دلوقتي هم سنتيو او ثلاثة بالكتير و تلاقيهم منزلين موديل جديد بالكامل(طبعاً انا بتكلم علي الشركات برة مش اللي بيجمعوا عربيات بقالها 5 و 10 و 20 سنة عندنا هنا في مصر) ده غير اهتمامنا بالتطور التكنولوجي و الاوبشنز الجديدة بحكم اننا جيل اتربي علي الكومبيوتر و التكنولوجيا و متعودين علي التغيير زي ما بنغير الويندوز والبرامج علية. بالنسبة لنقطة العمر الإفتراضي : فعلاً الشركات اصبحت تتجة لتصنيع سيارات عمرها الإفتراضي صغير (لو بصيت في جدول الصيانة بتاع التوكيل هتلاقيه اخره 100,000 كيلو) و طبعاً ده عشان هم برة مفيش عربية بتعيش اكتر من كدة و بيبيعوها لشركات التقطيع و يشتروا عربيات جديدة ففعلاً الزمن غير الزمن و الجيل غير الجيل كل جيل ليه طريقة تفكيرة عشان كدة ربنا وصانا اننا نسمع كلام اهلنا حتي لو احنا مختلفين معاهم عشان الأيام هتلف و لما يجي علينا الدور عتلاقي ولادنا برضوا مختلفين, هذه هي سنة الحياة

علي رأيك الواحد و هو صغير كان بيضايق لما والده يجي يزعق له او يكلمه دلوقت من غير ما احس بلاقي نفسي بعمل كده بالظبط مع ابني نفس اللي كان والدي بيعمله معايا متقولش كوبي و باست

[ironheart]

قروض تمويل سيارات و اصبح الموضوع اسهل في شراء سيارة؟
هو السبب
وكمان الناس القديمة بتحب العشرة ومش زينا تيكاواى وكمان سبب مهم ان العربيات نفسة تكاواى يعنى الشركات بتعملك عربية متقعدش اكتر من 5 سنين دة لو مفتحتش بقة من اول سنة واكيد ولدك فى بداية حياتة بهدل العربية دى كتير وهى عشان محترمة كملت معاة واكيد بتفكرة بزكريات حلوة