حاسس ان بتاع الشكمان نصب عليه وانتوا اللى هتطلعوا براءه او تحبسوة

[manooo80]

انا رحت لبتاع الشكمان قالى محتاج علبه وره والعلبه اللى قدام تعبانه شويه رحت قلتلى غيرلى اللى من ورا دلوقتى غيرها والامور بقت تمام تانى يوم رحتله قلتله بالمره غيرلى العلبه اللى من قدام وبعد ماغيرها كل ما اجى ادوس على البنزين وانا ماشى اسمع زنه فى العلبهاللى من قدام ولما رحتله قالى هتفضل كده معاك لحد متربى كربون


انا طبعا اول مره اغير الشكمان ومبفهمش اوى فى الموضوع ده فسكت وجيت لأهل الخبره فكلامه ده صح ولا غلط ؟؟؟؟

[إبراهيم عثمان]

هههههههههههههههه أنا برضو حصل معايا نفس الكلام بس العلبة اللى ورا
واللى حصل إن العربية كانت بتعمل صوت (خروشة ) كل ما أدوس بنزين شوية حتى وهى واقفة فأنا إستغربت روحت للميكانيكى على أساس إنها ميكانيكا قاللى لأ طالما الصوت وهى واقفة يبقى شكمان روحت لبتاع الشكمان قاللى اللى بيحصل معاك كذا كذا كذا قلتله أيوة حط ايده وسد الشكمان وقاللى العلبة اللى ورا عايزة تتغير قاللى فيه المصرى ب 65 تقريبا وفيه الإقتصادى ب 95 طبعا جبت الإقتصادى
سألته عن الفرق قاللى المصرى دا تعبان ومش عارف مصنع ايه كدا بس الإقتصادى دا حلو ومن مصنع العاشر وفعلا بصيت عليه لقيت بارز عليه كتابة غير القديم اللى كان شكله من برا مصدى ومعلهوش أى كتابة

فأنا عايز أعرف برضو هل الراجل إشتغلنى ولا دا الصح لأن أنا كنت فاكر الشكمان هايتربط ولا تركبله كاوتشة وخلاص أو مخروم وهايتلحم ( مع إنى لسه رابطه ومركبله كاوتشة )

حاجة كمان الراجل راح جاب الشكمان مش عارف منين ورشه إسبراى فضى قبل مايركبه والمفروض إن دا كدا تظبيط أكتر يعنى

[mercedes]

السلام عليكم و رحمة الله و بركاته

اللى أنا أعرفه, أن علبة الشكمان الجديد بتبقى عبارة عن علبتين جوه بعض و بينهم كاربون و عشان كده لما تيجى تشيل علبة الشكمان الجديدة بتبقى أتقل من القديمة اللى أنت خالعها من عربيتك لأن القديمة اللى أنت خالعها من عربيتك بيبقى الكربون ده خلص منها.

اللى أنا أعتقده بس لازم تسأل برضه و تنتظر آراء السادة الأفاضل هنا فى المنتدى , أن العلبة القديمة اللى مافيهاش كربون هى اللى بتشخشخ أو بتزن لكن العلبة الجديدة لأ.

دى معلوماتى الضئييييييييييييييييلة جدا عن الشكمان لأنى على مافتكر أنى لما كنت أغير علبة شكمان و بعد ما أمشى من عند الشكمان, أنها كانت بتشخشخ لكن اللى كان بيحصل أنها كانت بتبقى تشخشخ و أنا رايح لبتاع الشكمان قبل ماغيرها و لا يمكن أنا اللى مش فاكر كويس بأه.

[Bahi]

لازم أسمع الصوت علشان أقدر أحكم بس أعتقد -والله أعلم- ان رايش من اللحام وقع جوا الماسورة ودخل العلبة وهو دة اللى عامل الصوت.

[akerima]

هي فعلا فيه علبة مصري وعلبه استثماري ولو تقصد ان العلبة بطلع صوت عالي ده طبيعي لان العادم لسه بيخبط في الحديد ولما بتشتغل شويه برسب كربون بيكتم الصوت شويه لكن العلبه مبيبقاش فيها كربون بس بعض انواع العربيات علبتها بيبقي فيها لباد عشان يكتم صوت العادم وعموما العلب الجديده مبيبقاش فيها لباد