تجربتى مع لمبة إيرباج الصنى

[د0تامر محمد]

سيارتى الصنى سيارة محترمة وبعد تجربة أكثر من عام أثبتت أنها سيارة بلا مشاكل وتستحق أن تنتمى لأول صانع سيارات يابانى 00
وبالأمس فقط ظهرت أول مشكلة مقلقة منذ إمتلاكى لها !
فجأة وأنا عائد من السفر وتقريبا فى منتصف الطريق فوجئت بلمبة وتضىء وتطفىء فى لوحة العداد 00
كانت اللمبة خاصة بالإيرباج !!
ركنت السيارة على جانب الطريق وأطفأت المحرك وأنا مندهش !
ماذا حدث للإيربج وهل يمكن أن ينفجر فى وجهى بلا مقدمات ؟
أعدت تشغيل السيارة وإذ باللمبة الملعونة تظهر مرة أخرى بنفس الطريقة00
من طريقة عملها وعدم ثباتها أدركت أنه توجد مشكلة تعليق بها 00
ربما حزام الامان السبب00
ربما حساس الايرباج 00
ربما الفيوز الخاص بها00
ربما ربما
المهم لأنى أثق بكفاءة هذه السيارة التى تمتاز بالكفاءة الميكانيكية والكهربائية كعادة كل النسيان00
أدرت السيارة وأنطلقت لأكمل مسيرة العودة ومنها للكهربائى
إتصلت به فى الطريق 00
الهاتف مغلق00
إتصلت بالميكانيكى00
قال : لاتقلق إعرضها على كهربائى
إتصلت بصديق خبير فقال:
ضعها على الكمبيوتر عند المهندس فلان
موعد العيادة إقترب جدا والهاتف يرن بإلحاح00
قررت الذهاب للعيادة وبعدها نرى أمرها
وفى صباح اليوم 00
توجهت للكهربائى00
راجع على الفيوزات 00سليمة
فيشة الحزام سليمة00
قال :يبقى الحساس السبب
وعلى طريقة سمير غانم :
الكورة فيييين 00الكورة فين
الحساس فين الحساس فين ؟
فشل وقالها بالفم المستحى :
-ضعها على الكمبيوتر
ومن عنده كمبيوتر 00 ؟
كانوا ثلاثة
الأول مجرم حرب وفيها خراب طبعا(ذهبت له مرة وقرر تغيير طقم إنجكشن وهو سليم تماما وطبعا لم استمع له وإكتشفت اليوم أنه كاذب )
الثانى المهندس أونطة (غيرت تيل فرامل مرة وسمعت أصوات تصم الآذان وأعدت تركيبها عند شاب فى العشرين متخصص فرامل ومنذ سنة تعمل بجودة عالية)
الثالث المهندس طناش (ذهبت له فقال : أعرضها على كهربائى وعندما أبلغته بأنى فعلت هذا قال أعرضها على فلان الكهربائى )

المهم ذهبت للميكانيكى الخاص بى أسأله عند واحد غير الثلاثة فإذ بى أجد عنده جهاز كمبيوتر اعطال فى الكرتونة !
سألته عن مدرى قدرته على تشغيله فأخبرنى بأنه مازال فى دورة لتعلمه فقلت:
- ركب الجهاز هيه يعنى غرقة !
وركبنا الجهاز
وأدرت المحرك
السيارة نيسان صنى
الموديل كذا
طلعت قائمة
يبقى المطلوب
srs
دوس أوكيه
إفحص 000
طلع الخطأ
t1047
قلت ما علينا
دوس أوكيه
طفت اللمبة
بطل السيارة 00
شغل
مفيش لمبة منورة 00طفت مع الكل فى العادى
وكانت فقط تحتاج لإعادة برمجة

لعبة جيدة لعبة الكمبيوتر
بينا على باقى السيارة00
الموتور
الصبابات
الفيتيس الأوتو وخلافه والحمد لله كله فى المعدلات الطبيعية
system....OK
car........OK
وهذه هى قصة الكمبيوتر اللى عاملينه سر حربى
أى واحد عنده دراية بالمصطلحات واللغة الإنجليزية يمكنه الوصول إلى العيب والبرمجة بمنتهى اليسر
دامت سياراتكم بخير

[Badr Salah]

الحمد لله جت سليمة يا دكتور
فعلاً موضوع الكمبيوتر عايز دراية بالمصطلحات الإنجليزية
مع شوية معلومات عن عربيتك بس الجراءة مش متوفرة عند كل الدكتره زيك
عايز اسأل حضرتك سؤال رفيع هو الكبل المستخدم لتوصيل العربية بالكمبيوتر لقيته فين

[hazem_khidr]

الف سلامه علي الصاني يا دكتور
و تجربه جيده من حضرتك

[د0تامر محمد]

المشاركة الأصلية كتبت بواسطة Badr Salah الحمد لله جت سليمة يا دكتور فعلاً موضوع الكمبيوتر عايز دراية بالمصطلحات الإنجليزية مع شوية معلومات عن عربيتك بس الجراءة مش متوفرة عند كل الدكتره زيك عايز اسأل حضرتك سؤال رفيع هو الكبل المستخدم لتوصيل العربية بالكمبيوتر لقيته فين

كان موجود فى كرتونة الجهاز ومكتوب علية نيسان وتم توصيلة بفيشة تحت التابلوة من جهة طارة القيادة
والموضوع مش جرأة لإن الجهاز للإستكشاف والإصلاح وليس للتخريب

[د0تامر محمد]

المشاركة الأصلية كتبت بواسطة hazem_khidr الف سلامه علي الصاني يا دكتور و تجربه جيده من حضرتك

الله يسلمك وشكرا يا حازم باشا