العربية دي فيها حاجة غريبة لان زوياها مظبوطة تمام كمبيوتر

[ashussein]

السلام عليكم ورحمه الله وبركاته
الي خبراء قيادة السيارات

لو تفضلتم علية فية سؤال

انا عندي فيرنا 2008 اوتو ومن ساعت ما اشترتها زيرو وكان فيها الدركسيون يروح لمين ولما يتمسك في النص العربية تمشي تمام
الكلام دة من 2.5 سنة
المهم انا حاليا غيرت جنوطها ب جنوط وكوتشات جديدة

وعملت التالي
ظبط زوايا كمبيوتر وترصيص( اشرفكو مدينة نصر )
وركبت معايا واحد بتاع عفشة(من نفس المركز ) وساق العربية قالي
"العربية دي فيها حاجة غريبة لان زوياها مظبوطة تمام كمبيوتر "
رجعنا تاني سوا المركز (وبدلنا الكوتشات اكس يعني X ) "مفيش فرق"
(فابدلنا اللي ورا حطناهم قدام) " مفيش فرق"
يعني (( عملتلها اللي ممكن يتعمل من ظبط زوايا محترم وكوتشات وجنوط جديدة))

المشكلة بالتحديد
لما الدركسيون في النصف العربية ماشية سيف
لما اسيبة يروح لمين والعربية معاة " يمين فقط مش مرة يمين ومرة شمال علشان انا عارف انة كدة يبقي عيب مساعد معووج"
ورغم كدة كشفت علي المساعدين تمام سلام

""زمان قبل ما اغير الجنوط كنت بحط هوا زيادة درجتين في الكاوتشة اليمين عن الباقي ""كانت العربية بتتظبط""
ومش عاوز اعمل كده في الكوتشات الجديدة علشان ده مش صح

لو المشكلة ملهاش حل
ممكن حد يدلني علي واحد معرفة يكون جامد يكشف عليها عاشر مرة؟؟
هل المشكلة دي مشكلة الفيرنا كلها؟؟
هل تغيير المسعدين والسست ممكن يحلها ؟؟

السلام عليكم ورحمه الله وبركاته

[mr_astra]

استاذنك تقيس المسافة بين الرفرف والاطار من الجهتين وتقلنا اية الاخبار؟

[ashussein]

المشاركة الأصلية كتبت بواسطة mrastra استاذنك تقيس المسافة بين الرفرف والاطار من الجهتين وتقلنا اية الاخبار؟

السلام عليكم ورحمة الله وبركاتة
المسافة علي ارض مستوية5.5 سم في الناحية اليمين 6.2 في الناحية الشمال
تم استخدام ميزان مياة ووضعة علي المقصين
النتيجة ميل خفيف في الناحية اليمين

مش عارف اعمل اية بعد كدة
عاصم

[hm414]

متابع للموضوع

[driv3r]

هقولك يامان
انت تروح لعفشجى كويس تقوله بصلى على جلب المقصات والشادادات واهم حاجه الكوتشات اللى بتبقى على السوست لان دى 70 فى الميه هيا اللى عامله الفرق دا او ممكن يكون فى عندك مساعد ريح عن التانى شويه فاهو ممكن اللى يكون بيعمل كدا وحاجه اخيره بقى خليه يبص على الجلب بتاعت المقصات اللى قدام اللى بتركب فى الشاسيه ممكن تكون اتاكلت ولو مفيش نتيجه خالص خليه يفرط العفشه على الارض ويركبها تانى ومعاك ربنا