عايز اتعلم قيادة الموتسيكلات يا جماااااااااعة ارجو المسااااااااعدةة

[dandy1949990]

انا اعشق الموتسيكلات وهشتري موتسيكل دايون 4 بس خايف بعد ما اجيبه معرفش اسوق او اعمل حادثة بصراحة اتعقدت من اللي بيجري في الشوارع من العيال المستهترة اللي بتسوق الموتسيكلات الصيني فهل لو انا معرفش حاجة في سواقة الموتسيكلات وجبته واتمرنت عليه هتعلم علي طول ولا هقع بيه بقي واعمل حوادث مستني ردودكم يا جماعة لاني مستني ارائكم عشان اشوف هشتري ولالا وشكرا

[tamertamer]

بص يا برنس لو فاكر انك هتجيبة ومش هتقع يبقا متجبوش احسن لية لان السقوط دة نتيجة غلط الغير او بسبب عدم صيانة الطرق بص انا بصنف الحوار دة فى كذا نقطة

اولا
عدم صيانة الطرق ودة لية عامل كبير جدا
لان انت عندك ثلاث اشياء حازر ثم حازر
المياة والزيت والتراب اى حاجة من دول هتتزحلق مع الاسف
يبقا نمشى بحزر وناخد بلنا كويس اوى

ثانيا
اخطاء الغير ودية هتلقيها كتير الواحد كل يوم بيتفادة كثير من الحوادث لان لا يوجد رقابة من المرور على سائقى السيارات او رقابة على التزام السائقين بالقانون

ثالثا
وهو التهور فى المنحنيات ودة بيعتمد على قوة ادرك السائق ووعية بخطورة ما يفعلة بتعريض حياتة وحياة الاخرين لكارثة نتيجة تهورة لم اقل متجريش لاكن اجرى على الطرق السريعة زى ما انت عايز لاكن جوة البلد بشوف التهور بعينى

[حسام البورسعيدى]

بص يا باشا ..

لو انت بتعرف تسوق عجل كويس يبقى كده انتا اختصرت نص المشوار ...

ولو بتعرف تسوق عربية مانيوال (على الاقل بتعرف تمشى بيها وتنقل وكده) يبقى كده اقدر اقولك مبروك ..

ناقصلك بس التعود على الموتوسيكل اللى انتا هتجيبه ..

وانصحك تتدرب الاول شويتين قبل ما تشترى الموتوسيكل الجديد ..

لو تعرف حد عنده موتوسيكل صينى خليه يدربك شويه .. لو متعرفش روح لحد من اللى بيأجر وخليه يدربك وظبطة ب50 جنية ولا حاجة ..

وعلى فكرة سواقة الموتوسيكلات سهلة ومش هتتعبك باذن الله .........

[dandy1949990]

متششكرين جدا جدا يا جماعة علي الافادة وهحاول اشوف حد جمبي بيأجر موتسيكلات واتدرب وجزاكم الله خيرا علي المجهود

[nktis]

اهم شيء انك تتعلم في طريق يكون فاضي ويا ريت يكون بالليل وعن ثقه ممكن تتعلم لوحدك وربنا يحميك.