عندى مشكلة فى موتور لانسر كرستالة 99

[m353]

افيدونى عندى مشكلة دخان ابيض فى العادم وينتهى بعد ربع ساعة ورحت عند الميكانيكى واقلى عايزة شنبر اية وهيكلف 1200
اية رايكم اغير الماتور ةلا اركب شنبر ولو هركب الماتور هيكلف كام ومن فين
بعد اذنكم افيدونى وشكرا

[toyota2010]

والله ياباشا غير شنبر احسن لانك هتجيب موتور مستعمل من الوكاله والله اعلم بحالته وهيكون علي التجربه وكمان هترخص علشان تسبت الموتور الجديد علي الرخصه ووجع دماغ مالوش لازمه ده في حاله لو الموتور عندك بس محتاج شنبر لكن تدخل في عمره ومخرطه والذي منه لا اشتري مستعمل احسن
والله يوفقك

[tareksakr]

أولا سيدي الفاضل يجب تحديد المشكلة هل هي من الشنبر أم من شيء تاني زي كاوتش الصباب لان لو الشنبر هو السبب كان الدخان الابيض هيبقي مستمر حضرتك ممكن تروح لميكانيكي تاني يكون أمين ويحددلك العيب ونقطة تانية 1200 جنيه كتير جدا لتغيير طقم الشنبر التكلفة لن تتعدي 600 جنيه وشكل الميكانيكي ده مش كويس شوف حد غيره

[fouaa]

هلا فيك اولا
انا مريت بنفس مشكلتك دى لحد معرفت حاجات مهمه جدا عن الموضوع ده اولا انت عربيتك اكيد ماشيه فوق 150000 ده العمر الافتراضى بتاع طقم الشمبر بتاعها وده بيحصل فاى كرستاله انا عربيتى كانت حصلها نفس الموضوع المهم طقم الشنبر سعرو 550 جنيه من التوكيل او من اى محل موزع معتمد قطع غيار لانسر وهتجيب معاه جوان وش سلندر اصلى ونصيحه متجبش الحاجات دى غير اصلى لان فى فالسوق طقم شنبر تمنو 150 جنيه الفرق كبيييييييير بس الخامه بتفرج جدا بس مصنعيه المكانيكى مش هتزيد عن 200 جنيه ومتخليهوش يطلع الماتور بره خليه قفكلك وش السلندر ومليعبش فيه عشان صبابات الفبريكه مبتتعوضش ومش هيبقى فيها اى عيوب ويبفك من تحت كرتيره الزيت وهيفضل البلوك بتاع الماتور فمكانو تمام كده هيعرف هنزل عمود الكرنك ويطلع البساتم لما يطلع البساتم بره الماتور اول حاجه يبص عليها طقم الشنبر لو لقاه قافض فمكانو مش حر الحركه كده يبقى فعلا هو عاوز يتغير ويبقى هو ده الى عاملك المشكله من الاساس بتاعت الدخان حضرتك هتغيرو بالاصلى من غير متخرط ولا تعمل اى حاجه فالماكينه هيركبو ويقفل وهيبقى تمام انا عملت كده بالظبط ومن ساعتها مافيش مشاكل بس بالمره غيرت سير كاتينه

[حسام البورسعيدى]

والله يا باشا انت تروح تفك الموتور وتبدأ فى تغيير طقم الشنبر .. لو لقيت اى حاجة تانية فى الموتور (وش سلندر محتاج خراطة او بساتم مكسورة .. الخ) يبقى تسيبه وتجيب موتور استيراد احسن .. لان فى الحالة دى الموتور مش هيرجع زى الاول ..

لكن لو طقم شنبر بس مفيش مشكلة من تغييره ..

يعنى لو الحالة العامة للموتور كويسة والصبابات تمام ومالهاش صوت ووش السلندر كويس يبقى غير الشنبر وبس ...

انا غيرت بساتم وطقم شنبر وصبابات قبل كده لعربيتى وكان طقم الشنبر ب120 جنية والميكانيكى اخد مصنعية 370 جنية ..

بس الميكانيكى غيرلى كبالن وظبطلى فرامل وكده يعنى انت حاول متدفعش اكتر من 300 جنية مصنعية ..