سيات كوردوبا 2009

[kanu]

السلام عليكم و رحمة الله و بركاته

اريد المساعدة من الأعضاء الكرام
نزلت امبارح معرض ناشيونال موتورز بشارع الطيران و اتفرجت على السيات الكوردوبا

منظر و فخامه ولا اروع بصراحه.. من الداخل شياكه بنت ....ptmnlo123per154 لون أنارة العدادات و التابلوه احمر تحفــــه كل حاجه فالموتور فولكس فاجن خراطيم فولكس فاجن عفشه فولكس فاجن
المهم
بسال السعر كام ؟
88.000ptmnlo123per1106
بلد المنشأ ؟
اسبانيا ( مكونات - موتور - عفشه +المانى+ ) تقفيل اسبانى
المواصفات ؟
خليجى ptmnlo123per1127
يعنى ايه خليجى ؟؟؟؟؟!!!!!!!!!!!
يعنى مواصفات خليجى و ليست مواصفات مصريه
1400 سى سى - 97 حصان - 2 ايرباج - باور ستيرنج كهرباء - كرس سائق متحرك 6 اوضاع - تكيف بكر مش تاتش يعنى - سنتر لوك - مانيوال - التاره متحركه اعلى و اسفل و للأمام و الخلف-تغير شدة اضاءة التابلوه بس نزله من غير كاسيت ولا ABS ,ولا فوجات
"" على كلام مسئول المعرض ان الكاوتش و الدهان و التكيف اشد بكتير من المصرى على اساس انها خليجى ""
معاها ضمان اد ايه ؟
من غير ضمان ياباشا !!!
لو عايز ضمان يبقى الف جنيه زياده ضمان سنتين[IMG]http://www.**********.com/Nile/images/smilies/biggrin.gif[/IMG]

المهم انا مشيت من المعرض و العربيه بصراحه بتاكل تفكيرى [IMG]http://www.**********.com/Nile/images/smilies/B4_611.gif[/IMG] كلمت صديق كان لسه شريها من شهرين من هناك من نفس المعرض على 90.000 ركبت معاة العربيه احساس انها اضيق من الصنى و الانسر مجرد احساس
سحب العربيه فوق الخيال ثبات حتى 160 غير طبيعى
ملفات 120 زى الفل

السؤال هل يوجد فرق بين المصرى و الخليجى و ايهما افضل ؟
[IMG]http://www.**********.com/Nile/images/styles/bluestar/misc/progress.gif[/IMG]

[Ahmed Anwer]

أولا : شكرا علي المعلومات المفيدة أول مرة اعرف ان سيات بتنزل خليجي

بخصوصا الكوردوبا فهيا النسخة السيدان من الرائعة ابيزا

و ابيزا هيا ايقونة شركة سيات الاسبانية

يكفي ان تعرف ان الفولكس بولو نفسها بتصنع في اسبانيا

اعتقد السعر مناسب و حاول تفاصلهم كمان

كده السعر فارق 10 الاف جننية عن التوكيل

يعني فرق 10% من سعرها و ده فرق مناسب حضرتك بقه تشوف يستاهل تضحي بالضمان و لا لا

انا وجهة نظري ان العشرتلاف جنية انتا اولي بيهم و مش هتلاقيهم في اعادة البيع

و كمان معتقدشي ان ان شاء الله هيكون فيها عيوب صناعة تساوي العشرتلاف جنية

بس ده طبعا قرار شخصي بحت

هوا عموما موتورها اعتقد موتور البولو 1400

فحضرتك تسال عن توافر صانتها في المراكز المتخصصه في فولكس

لان معروف ان عربيات فولكس جروب واحد

انا معرفشي الصراحة الفرق ما بين المصري و الخليجي

بس مبدئيا شوف مواصفات دي و مواصفات دي

و هيا طبعا مش واسعة اوي لانها سيارة صغيرة في الاساس

بس انا لما ركبتها مكنتشي ضيقة اوي يعني ،، معقولة جدا

إلا لو انتا من النوع اللي بيحب البحبحه في العربية

و طبعا شكل و صالون لا غبار عليه و متميز جدا في فئتها انا بس معجبنيش ان تابلوها بلاستيك بس ده عادي في فئتها جدا

و انتظر رأي محمد ابيزا

بالتوفيق ان شاء الله


يا ريت تسألنا الاتوماتيك منها بكام خليجي


ده رأيي الشخصي بدون خبرة

[mohamed ibiza]

بصراحة يا باشا الخليجي اوفر بكتير من المصري و و تقريبا نفس المواصفات و السعر اقل مع العلم ان اخر سعر للكوردوبا المانوال ال1400 سي سي كانت وصلت 106 الف قبل ال 1600 سي سي ما تنزل فالرقم ده انجاز رهيب يعني كل ما في الامر ان التوكيل مبيديش ضمان علي الخليجي لكن العربية قطع غيارها و مراكز صيانتها كتير و كمان الراجل قالك 1000 جنيه و تاخد ضمان سنتين زي التوكيل برضه بيدي ضمان سنتين زي الفل انا رأيي ادفع الالف جنيه و خد الضمان و اتوكل علي الله العربية جميلة جدا جدا جدا و انت جربتها و عجبتك.......

بس س سؤال انا قريت كلمة 97 حصان البولو او الابيزا عموما برا الموتور ال1400 في منه 100 حصان فعلا بس المعتاد في مصر اللي هو العادي ال 85 حصان و ده برضه الناس شكرت فيه جدا بس لو العربية دي موتورها 100 حصان بجد تمسك بيها و هاتها انت كده اخدت كوردوبا موتورها قدرته قريب من ال1600 زي الاسترا مثلا 105 حصان و في عربية سعرها تحفة 88 الف و مكوناتها المانية و تقفيل نضيف جدا و انت حابب العربية في رأيي الصفقة ناجحة جدا

و بالنسبة للكاسيت و دي حاجة ممكن تتظبط بسهولة يعني يوم ما تجيب كاسيت ب 1000 جنيه يبقي العربية واقفة عليك بعد الضمان و الكاسيت ب 90 الف يعني اوفر من النسخة المصرية ب 16 الف جنيه حسب اخر سعر ليها!!!!!!!!!!!!!

و اوفر برضه من النسخة المصرية ب 8 الاف جنيه حسب اول سعر نزلت بيه الكوردوبا المانوال!!!
و الفوجات النسخة المصرية برضه ال1400 كانت من غير فوجات اللي هي 2006

[kanu]

السلام عليكم و رحمة الله و بركاته

انا متشكر جدا لسرعة الردود

بالنسبه للكوردبا المصرى المواصفات كالتالى

1600 سى سى 105 حصان - تكيف - ايه بى اس - كاسيت ام بى ثرى - استيب ترونيك - 4 زجاج كهرباء - 2 اير باج - باور ستيرنج - باور ستيرنج كهرباء - كرس سائق متحرك 6 اوضاع - سنتر لوك - التاره متحركه اعلى و اسفل و للأمام و الخلف-تغير شدة اضاءة التابلوه

السعر 119 الف و لو عايز فتحة سقف كهرباء السعر هيكون 123 الف و معاهم ضمان سنتين برده

المهم الموضوع الظريف اللى حصل النهارده

كلمت احد المسئولين بصالة عرض سيات ايجيبت و كنت باخد منه مواصفات الكوردبا المصرى و بعد ما خلص و قالى السعر ptmnlo123per1106
بقوله يا باشا انا شيفها امبارح ب 88 الف زيرو..................... ......................... ..............
سكت فحدود 10 ثوانى و رد قالى نعم حضرتك؟؟؟!!!!ptmnlo123per1 127
بقولة انا شوفتها زيرو ب 88 الف بيقولى ده فين فالعراق ؟ قولتله لأ فمصر
قالى ازاى؟؟!! بقولو خليجى ptmnlo123per154 قالى نعم هما نزلوها خليجى فمصر ptmnlo123per122
قالى ثوانى و حولنى على واحد اسمه سمعان عزيز شكله كدة مدير المعرض
بيقولى حضرتك شوفتها فين ؟ قولتولو شفتها و خلاصptmnlo123per195
قالى طب حضرتك خالى بالك العربيه و حشه اوى الخليجى بتخرب و عندى فى الصيانه 15 عربيه منهم بيظين

بقولو ازاى بيظين يعنى ؟ptmnlo123per1147
قالى جيبين طرمبة بنزيزن علشان نزلين على البنزيزن الخليجى و حضرتك عارف البنزين المصرى
نصيحه منى بلاش منها و راح موبيلى فصل باور

رايكم ايه ايها الساده الكرام ؟؟؟؟

[Ahmed Anwer]

بصراحة ، حضرتك النصيحة

في موضوع زي ده

مسئولية كبيرة

الموضوع مالهوش حل غير انك تتعب في التحري عن اصحاب الكوردوبا الخليجي

و تستفسر منهم بنفسك

و متعتمدشي لا عالكلام مبيعات التوكيل و لا مبيعات المعرض

ربنا يوفقك للخير ان شاء الله