أسئلة واتمنى الاجابة عليها من اللي جربوا الأفيو الاوتوماتيك

[مالك تيجو]

السلام عليكم
جمعة مباركة وطيبة عليكم

عربية أفيو اوتوماتيك 2011
سعرها 84,000 جنيه

اسئلتي هي :

1 )) أشتريها بتقفيل مصري ؟؟ أم كوري ؟ وليه وإيه الفرق ؟؟؟

2 )) إيه العيوب اللي فيها "" بتكلم عن الاوتوماتيك حصراً "" ؟؟؟

3 )) هل فعلاً انا هرمي فلوسي في البحر لما اشتري أفيو ؟؟

4 )) اسعار قطع الغيار للأفيو ... رخيصة والا غالية ؟؟؟

5 )) لو حضرتك اجبت بالسلبية عن الاسئلة اعلاه ... تنصحني أشتري أي عربية وبنفس الفلوس اللي عندي وتكون اوتوماتيك 2011 ؟؟؟


وجزاكم الله خير الجزاء

واتمنى الاجابة عن اسئلتي من ذوي الاختصاص ... بكل امانة

اخوكم رأفت صفوت

[aosman1]

اسمح لى ان اقدم معلوماتى عن الافيو وانا من مالكيها من2007 كورى.الاتوماتيك بتاعها حلو جدا مفيش فيه مشكله صحيح عربيتى مانيوال لاكن لى صديق مقرب معه اتوماتك 2008 وانا شخصيا سوقتها وهو جيد جدا وكمان موتور الافيو فوق الممتاز والسحب رائع والتكييف معقول لاكن عيوب الافيو فى عدم الاتزان بعد 120 يعنى لو انت من النوع الهادى فالعيب ده مش مهم اما بالنسبه لقطع الغيار فهى غاليه ومش رخيصه بالنسبة للفئة بتاعتها يعنى قطع غيارها اغلى من الانوس بكتير .اكتر عيب بالنسبه لى وبقول بالنسبه لى هو الصاج مش معالج كويس كورى او مصرى اما بالنسبه انك هترمى فلوسك فانا بقولك ان اى عربيه بعد استعمالها بتخسر فيها كتير يعنى عربيتى كانت ب74 الف الكورى 2007 دلوقتى من 53:50 بالكتير على عكس العربيات اليابانى كورولا او يارس او لانسر مثلا

[mido mostafa]

متشتريش افيو انا اخويا معاه 2009 اوتوماتيك ومشاكلها رخمه زى العفشه الناشفه اللى ليها صوت وخبط ورزع والماتور 85 حصان تعبان نوعا ما وممكن تجيب اكسنت بنفس السعر زيرو الشكل اللى قبل الاخير

[nadenono]

المشاركة الأصلية كتبت بواسطة mido mostafa متشتريش افيو انا اخويا معاه 2009 اوتوماتيك ومشاكلها رخمه زى العفشه الناشفه اللى ليها صوت وخبط ورزع والماتور 85 حصان تعبان نوعا ما وممكن تجيب اكسنت بنفس السعر زيرو الشكل اللى قبل الاخير

أنا باضم رأيي لميدو مصطفى - أنا عندي 2009 و العيوب اللي فيها حاتلاقيها في المشاركات الخاصة بيا - بس لو كنت حاتستحمل أرخم عيوبها و هي العفشة فأنت لن ترمي فلوسك في البحر و لكنك حاترميها في ما يستحق و الأكسنت عند أعز أصدقائي الثلاثة و بشهادة الكل أنها برقبة الآفيو