السلام عليكم احبائى

[m77777]

كام سؤال كدة اكيد هلاقى رد عليهم عندكم ياشباب كم سعة تنك البنزين للسيارة نيسان صنى exمانيوال واية نوع البنزين المفترض استعمالة لهذة السيارة الزيروواية المفروض يعملة الواحد اثناء فترة التليين واية ما يعملوش والتليين لحد كام كليو متر

[elgdawy2007]

سعه تانك البنزين فى نيسان 2011 خمسين لتر وفيه اتنين لتر بيروحوا للتغذيه عبر المواسير يبقى المجموع 52 ويفضل بنزين 92 والفرق مش كبير على فكره

[ahmed_rahem]

المشاركة الأصلية كتبت بواسطة elgdawy2007 سعه تانك البنزين فى نيسان 2011 خمسين لتر وفيه اتنين لتر بيروحوا للتغذيه عبر المواسير يبقى المجموع 52 ويفضل بنزين 92 والفرق مش كبير على فكره

كلام مظبوط،

والتليين لحد 1000 كيلو

انت اشتريت منين؟

[m77777]

الف شكر للاهتمام انا حضرتك اشترين السيارة تاريخ 1-1-2011 من التوكيل المعتمد السبع بالمعادى السيارة ما شاء الله جميله ومريحانى ولى راى وهو ان اى انسان بيقكر يشترى سيارة زيرو يختار اللى تناسب ظروفة المادية وكمان تناسب اسلوب عملة وحياتة وبيتة واستعمالة

[elgdawy2007]

المشاركة الأصلية كتبت بواسطة m77777 الف شكر للاهتمام انا حضرتك اشترين السيارة تاريخ 1-1-2011 من التوكيل المعتمد السبع بالمعادى السيارة ما شاء الله جميله ومريحانى ولى راى وهو ان اى انسان بيقكر يشترى سيارة زيرو يختار اللى تناسب ظروفة المادية وكمان تناسب اسلوب عملة وحياتة وبيتة واستعمالة

ربنا يباركلك فيها ويكفيك شرها يارب وانا كمان اشتريت صنى 2012 اوتوماتيك فى 14/12/2011 وكنت مركز عليها من زمان وعلى فكره السياره ممتازه جدا واجرى بيها زى منتا عاوز متقلقش بس المهم متزدش عن 170 كم لان الكاوتش بتاعها ميستحملش اكتر من كده حتلائى مكتوب عليه 15r /65/185 معنى حرف r ده ان السياره اقصاها 170 كم بالنسبه للكاوتش وده اليى ميعرفهوش ناس كتير مع الاسف وكمان هى سرعتها القصوى 170 كم ساعه فيه ناس حيقولك قفلت العداد وارد واقولهم ده صحيح بس مع الاسف بيكون على حساب العمر الافتراضى للموتور لان الشركه المصنعه بتقول اقصى سرعه 170 اوتوماتيك و175 للمانوال واجرى بقه زى منت عاوز لان الموتور اصلا متلين فى المصنع متخافش المهم مدوسش بنزين جامد اثناء اول 1600 كم يعنى متقرصش سيب السياره تاخد سرعتها بالراحه واحده واحده يعنى لغايه متوصل 170 مفيش مشكله وفى الاول حتلائى عزمها فى المطالع مش ولابد وده عشان لسه الموتور او ميكانيزم السياره متظبطش اوى فمتقلقش خالص بعد كده حتتظبط معاك وحتبقى زى الفل بس عيبها فعلا الوكلاء فى الصيانه خد بالك منهم جدا نصابين بجد واولهم السبع وعلى فكره شهره عالفاضى وفيه ناس منهم هنا فى المنتدى عاملين نفسهم اصحاب سيارات نيسان وبشكروا اوى فى توكيل السبع بالزات ودول معظمهم نصابين وبيعملوا دعايه فارغه ليه انا جربته وفيه ظبط زوايا لما روحت صيانه الالف 1000 قولتلهم عليه ومع الاسف معملهوش حتلائى موظفين مدربين على اللباقه فى التعامل بشكل جيد مع العملاء لكن مش حتوصل معاه لفايده ومعظم كلامه اشتغالات وخلاص وتروح له بعيب معين فى السياره يحاول بشتى الطرق انه يقنعك ان الصنى كلها كده وميحاولش يعترف بالعيب فى السياره عشان ميغيرلكش الشيىء المعيوب لانه بياخد بنص على كده من الشركه الام كأفضل توكيل من حيث الصيانه وفى نفس الوقت تقليل نسبه تغيير قطع الغيار بالسياره ومحاوله اصلاحه قدر المستطاع اذا لزم الامر وده مع الاسف بيسيىء بطريقتهم هذه لسمعه السياره ككل شغل مصريين عاملين ناصحين يعنى من الاخر وعلى سبيل المثال سألتهم السياره تعمل كام لتر جوه البلد وخارجها افادنى انها 180 كم داخل البلد وخارجها 220 طبعا الكلام ده مش مظبوط خالص هو بس خايف يكون السياره فيها عيب بالنسبه لاستهلاك الوقود عشان كده بيضللك بشتى الطرق وخلاص والفعلى بقه معايا فى سيارتى كان داخل البلد بتعمل 220 كم وخارجها بتعمل 273.5 كم فى الساعه شرط الكاوتش يكون منفوخ كويس وعلى فكره مشيت بيها 140 و150 وشغلت المكيف لمده 30 دقيقه على الصحراوى بالمعدل 273.5 ده بس كان معظم سواقتى 100 كم خلال الطريق والكاوتش مظبوط 36 امامى و33 خلفى اينعم بتدب شويه لانى كنت بمفردى بس مش اشكال زى الفل على كده والحمد لله ومتقلقش منها المهم شغل قرآن فيها على قدر المستطاع وربنا يحفظك ويحفظنا من غشماء الطريق لانهم كتروا اوى اليومين دول وخصوصا سواقين الميكروباس والتاكسى ربنا يكفينا شرهم يارب