موضوع قالقنى جدا

[كنتوش]

السلام عليكم ورحمة الله وبركاته
انا شديت العربيه والحمد لله ولسه مغير عامود الكرنك من حوالى 3شهور تقريبا وماشى عليه حوالى 2000 كيلو وامبارح العربيه الصبح دورتها وطبها بارده ومشيت حوالى 5 كيلو بيها مش اكتر المهم ركنت العربيه وببص على الموتور فكيت الغطا لقيت بخار طالع على خفيف بس باين مع العلم انى لما دورتها الصبح طلعت ميه من الشكمان ومفيش بخار طالع من الشكمان والعربيه شغاله على الغاز الطبيعى والزيت اللى فيها فيسكو ngv وماشى عليه 1000 كيلو لغاية دلوقتى هل ده يكون المكنه بتخف ولا ايه ده بالظبط والفايظ كمان مطلع بخار على خفيف وساعات الاقيه يطلع نقط زيت ؟؟؟؟

[kamarspell]

انت غيرت الشنبر في العمره
البخار اللي من الفايظ لازم يكون فيه تعريق بس ليه نسبه ميبقاش كتير
ايام ماكان عندي عربيه غاز زيت الفيسكو كان بيعرق جامد عشان فيه معطر علي حد علمي
انت لينت العربيه كويس
المفروض التليين 40 لتر عند الميكانيكي قبل ما تتحرك وبعدين 500 كيلو متعديش سرعه 70 كيلو /ساعه و rpm ميعديش 2

[كنتوش]

بالنسبة للشنبر مغيرتهوش وبالنسبه للزيت يعنى ايه بيعرق مش فاهمها دى والبخار مش كتير اوى كان واحد بيدخن سيجاره جوا الموتور لكن الشكمان ما بيطلعش منه بخار ابيض

[samirayad]

الوضع تقريبا عندى عادى

وطالما منسوب الزيت ثابت

وسحب العربيه تمام

يبقى متشغلش بالك

فما تلاحظه وضع طبيعى من أرتفاع الضغط داخل الكتير والمكنه بوجه عام

[كنتوش]

الف شكر على اهتمامك يا استاذ سمير وربنا يبارك فيك