خوذة للمدام؟ خوذة للبيه؟ حد عايز؟

[SmoothRider]

السلام عليكم جميعا
خلال رحلتي بحثا عن لبس safety قررت أجيب خوذة محترمة إن شاء الله
ومن هنا بدأ العذاب

الناس تجار الموتوسيكلات في مصر بيضحكوا علينا
الحاجة اللي بتتباع بـ1,500 (جنيه مصري) برة يبيعوهالك بـ2,600 هنا
ومحدش يقولي ده عشان الجمرك والشحن
دي Arai Ti-Teck
ده موديل من 2007 وإحنا داخلين على 2011
وبدل الموديل الواحد نزل عشرة جداد من نفس الشركة

مثال تاني:
خوذة Shoei x11 بتتباع برة (من غير جمارك وشحن لسه) بـ 2224 جنيه مصري
التجار البهوات بيبيعوها بكام؟ تخيلوا كدة؟؟؟

V
V
V
V
6,500 جنيه
أيوة زي ما قريتو: المطلوب ستة آلاف وخمسمائة جنيه بالتمام والكمال


ومن ده كتييييير
فالواحد هيتوكل على الله وإن شاء الله يجيبه من بره ويشحنه على مصر، أم الدنيا وأبوها كمان

أنا بسأل يمين وشمال على أي حد من قرايبي ومعارفي رايح هناك أمريكا يجيبهولي معاه

وسؤالي للسادة الأفاضل هنا: تفتكروا إيه النظام في الجمرك؟
الرسوم الجمركية كام في المئة من تمن الحاجة؟
عشان الواحد ممكن يخلص أسرع لما أجيب الطقم ال safety على بعضه وأريح دماغي

وكل سنة وأنتم بألف صحة وسعادة

[Jack Box]

المشاركة الأصلية كتبت بواسطة SmoothRider السلام عليكم جميعا خلال رحلتي بحثا عن لبس safety قررت أجيب خوذة محترمة إن شاء الله ومن هنا بدأ العذاب الناس تجار الموتوسيكلات في مصر بيضحكوا علينا الحاجة اللي بتتباع بـ1,500 (جنيه مصري) برة يبيعوهالك بـ2,600 هنا ومحدش يقولي ده عشان الجمرك والشحن دي Arai Ti-Teck ده موديل من 2007 وإحنا داخلين على 2011 وبدل الموديل الواحد نزل عشرة جداد من نفس الشركة مثال تاني: خوذة Shoei x11 بتتباع برة (من غير جمارك وشحن لسه) بـ 2224 جنيه مصري التجار البهوات بيبيعوها بكام؟ تخيلوا كدة؟؟؟ V V V V 6,500 جنيه أيوة زي ما قريتو: المطلوب ستة آلاف وخمسمائة جنيه بالتمام والكمال ومن ده كتييييير فالواحد هيتوكل على الله وإن شاء الله يجيبه من بره ويشحنه على مصر، أم الدنيا وأبوها كمان أنا بسأل يمين وشمال على أي حد من قرايبي ومعارفي رايح هناك أمريكا يجيبهولي معاه وسؤالي للسادة الأفاضل هنا: تفتكروا إيه النظام في الجمرك؟ الرسوم الجمركية كام في المئة من تمن الحاجة؟ عشان الواحد ممكن يخلص أسرع لما أجيب الطقم ال safety على بعضه وأريح دماغي وكل سنة وأنتم بألف صحة وسعادة

ههههههههههههههههههههه طبعا يابوب امال هيكسبوا منين
وماخفي كان اعظم

[mohamed_3abdel3al]

المشكلة انها ملهاش جمارك ثابتة يعني بتتعامل حسب تقدير الشخص بتاع الجمارك وهي دي المصيبه انا ان شاء الله هجيبها مع الموتسيكل وهحاول اعديها معاه

[Injection]

هههههههههه, أنا اللى أعرفه أنها هتتحسب عليها مصاريف شحن حسب الوزن, والجمارك معرفش بصراحة الفئة اللى هتتحط فيها, بس فى الغالب الموضوع هياخد وقت وتعب ومشورة, وعلشان كده التجار بيغلوا أسعار الحاجات اللى زى دى.

ممكن تكبر دماغك وتعمل صندوق شحن عند Dhl لو مشترك فى لينك التكلفة بتكون 50 جنيه, بتبعت المشتروات على عنوانهم فى أمريكا وهما يشحنوها على هنا وتستلم من الفرع بتاعهم.

بس غالبا الموضوع هينتهى كده



ممكن تشوف المستعمل برضه, هتلاقى حاجات كويسة بأسعار رخيصة, بس الله أعلم بقى هتلاقيها فين؟

[SmoothRider]

المشاركة الأصلية كتبت بواسطة Jack Box ههههههههههههههههههههه طبعا يابوب امال هيكسبوا منين وماخفي كان اعظم

إن شاء الله مفيش (ما خفي)
هنفضل مفنجلين عنينا عشان ما بحبش يضحّك عليّا