من اسباب ارتفاع ضغط الدم السيارة الافيو

[wing]

فى يوم كانت حرارتى فية اربعين قمت بشراء سيارة افيو رقم شاسية1146 رقم موتور202319 بتاريخ23 نوفمبر 2007 وقد بدائت متاعبى فى اليوم الاول حيث اكتشفت ان السماعة فى باب السائق تصدر اصوات كبوابير الجاز وقد افادونى فى التوكيل ان السماعات غير موجودة فلم اهتم كثيرا حيث اغلقت السماعات فى هذا الجانب ثم لاحظت ان السيارة تزحف عند الضغط على الفرامل وماكينة زجاج السائق تقيلة واثناء ذللك توجهت الى الوكيل لتغيير الاكصدام الخلفى اثر حادث وعمل صيانة اول 5000 كيلو وتم علاج ماكينة الزجاج بالشحم السائل وكذلك سحب هواء من الفرامل يعنى بمنتهى الصراحة نظام كدة حلو قوى وكلة تمام كفاية ان العربية بتمشى انت عايزها من غير عيوب كمان. كل دة مش مهم المهم ان عند 15000 كيلو قطع سير الدينمو ورحت التوكيل فى رابعة العدوية قالولى دة برة الضمان واشترى السير على حسابك وكمان شداد البكرة وقمت بشراء السير والبكرة من مركز صيانة الوكيل وقمت بتركيبهم بمعرفتى عند ميكانيكى خارجى علشان العربية مش بتتحرك وواقفة فى الشارع ومش هاعرف هاوديها التوكيل وقمت بالاستفسار عن سبب قطع السير والعربية ما كملتش 15 الف قالولى ان السيور بتاعتنا معمولة من اساتك ورق البنكونوت والسيور خارج الضمان .كل دة مش مهم. لكن عند قطع السيارة 30 الف كيلو سمعت صفارة فى التيل الامامى ذهبت الى الوكيل قالى تغير طنابير وتيل امامى وعلى حسابك برضة علشان الطنابير خارج الضمان وطبعا التيل علشان انا مش بعرف اسوق ومش لازم اضغط على دواسة الفرامل ابدا الا لما اكون قدام قطار سكة حديد وان الفرامل دى كماليات.كل دة برضة مش مهم المهم بقى ان عند 40 الف لاحظت نقص فى مياة تبريد السيارة نتيجة تسريب فى ردياتير السيارة ويلزم تغييرة وذللك طبقا لكلام مركز صيانة رابعة العدوية والصادر بة الفاتورة رقم9480102974 بتاريخ11 نوفمبر 2010 رديت وقلت العربية لسة جوة الضمان قالولى سيادتك ما عملتش الصيانات الدورية علشان كدة هنديك بمبة فى الضمان وتبلة وتشرب ميتة وقمت بافهامهم انى قمت بعمل صيانة اول 5000 الاف وبعدها توجهت الى الوكيل اكتر من مرة لعمل صيانات اخرى وتم فحص السيارة الا انى لم اختم الضمان بالااضافة الى انى قمت بعمل الصيانات فى مراكز خدمة غير معتمدة لعدم وجود مراكز خدمة فى المناطق التى كنت اعمل بها وهذا معمول بة طبقا لما ورد فى كتاب الضمان صفحة 6 حيث موضح بة انة يمكن عمل صيانة فى مراكز خدمة غير معتمدة فى حالة عدم وجود وكيل قريب من العميل. هذا بالااضافة ان الصيانات الدورية لا تمنع حدوث تسرب من الردياتير .ردوا وقالوا كان ممكن نغير مياة دورة التبريد ودى صيانة وعند هذة اللحظة سكت تماما وفهمت انهم بيفترضوا انى كنت راكب توكتوك قبل الافيو. انا بس عايز حد من مسئولى شيفرولية يعترف ان دة عيب صناعة فى الردياتيروكان لازم انهم يغيروة على حسابهم مش على حساب العميل الغلبان الى كل غلطتة انة اشترى انتاج بلدة. ملحوظة ولاعة العربية باظت من اول شهرين وقزاز مراية السواق غيرتة 3 مرات علشان كان بيقع لوحدة واضطريت الزقة. على فكرة انا عارف ان ماحدش هيرد عليا ولا هيعبرنى اصلا لكن انا غلطت ولازم استحمل نتيجة غلطى وشكرا ملحوظة اخرى الناس الى فى مركز صيانة رابعة العدوية فى منتهى الذوق وعاملونى باحترام وانا بشكرهمl

الله يكون في عونك ويخفف احزانك اكتر حاجة تضايق الواحد ومش عارف يتصرف ان العربية تفتح بقها بالشكل دا واللي يحزن الواحد انها لسة زيرو...ايه يا جماعه فيه ايه...خلاص مافيش ضمير في البلد دي...ماحدش يعرف ربنا..ويقولك عايزين نعمل سمعه للعربيات اللي بتتجمع في مصر ....سمعه وحشة ...استغفر الله العظيم...حسبي الله ونعم الوكيل في الافتراء

[محمد عبد النور]

يعنى العربية فيها عيوب خلقية بالجملة وكمان مش عاوزين يعالجوها

[lovelyboy]

ازاي يعني الحجات دي كلها مش في الضمان انت المفروض مكنتش سكتلهم علشان دول الزوق مبيمشيش معاهم دول تزعق فيهم يعملولك كل الي انت عايزه متسبش حقك وروح اشتكيهم في جهاز حمايه المستهلك
يعني ايه انا جايب عربيه زيرو واغير سير كاتينه وطنابر وديسكات فرامل وريداتير ومرايات وكل ده علي حسابي ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
كل الحجات دي المفروض في الضمان ما عدا المرايات ده حتي السماعات و الكاسيت بيبقوا في الضمان

[hazem_khidr]

اولا اهلا وسهلا بك في مصر موتورز.
قدر الله و ما شاء فعل
معظم مشاكل حضرتك بسيطه و كان لازم تحلها في التوكيل
الطنابير داخل الضمان و مكنش لازم تمشي غير لما تاخد حقك
يا تطلع علي حمايه المستهلك
طنابير ايه اللي تبوظ عند 30 الف كيلو دي؟؟!!!!!
الله يرحمك يا 125 جات و قعدت 17 سنه و اتباعت و بطنابير بلادها