تجربتى الأخيرة مع مركز خدمة الطرابيشى بالعباسية

[BASSEM BESO]

اولا مساء الخير على كل الأعضاء المحترمين فى اكبر واحسن منتدى
ثانيا ابعث برسالة اسف على كثرة استفساراتى بس دة لأنى مبلقيش غير المنتدى اللى اقول فية مشاكلى والاقى فى حل ليها .......
الموضوع كما تعلمون من خلال موضيعى السابقة ان انا عندى مشكلة فى المساعدين الأمامية فى عربيتى ال516 وهناك اراءين متغايرين تماما وهما :

- مركز خدمة اسبرانزا العباسية - مركز خدمة فرست كار - احمد مهران - عفشجى ثقة
كل دول اكدوا اكثر من مرتين وبعد اكثر من كشف ان المساعدين عايزة تتغير ومش نافعة ومركز الخدمة دى مش متوفرة فيها المساعدين دلوقتى يعنى بعد العيد بشهر كدة !!!!!!!!!!!!!!!!!!!!

- مركز اسبرانزا ابو رواش بعد الكشف بيقول المساعدين زى الفل مفيهمش حاجة واكتر من مهندس يقول كدة واقولهم كل المركز اللى روحتلة قالولى عايزة تتغير يقولولى ملناش دعوة بيهم هات ورقة تثبت كدة !!!!!!! والمساعدين موجودة ومتوفرة بس لو عايز تغيرهم يبقى على حسابى لأنهم مش شايفين حاجة فيهم مع انى لسة ليا فى الضمان سنتان وكام شهر لأن العربية موديل 2010 وسعر المساعدين بالتركيب عندهم حوالى 720 جنية
فياريت ياجماعة لو عندكو حل قولولى علية وعلى فكرة انا اشتكتهم اكتر من مرة ومفيش فايدة بردة .
العربية ياجماعة ممتازة ممتازة ممتازة وعربية تستحق الأقتناء فعلا انا امبارح سافرت بيها انا و3 معايا بورسعيد وماشى الفجر الساعة 5:45 بالظبط على سرعة 160 كم حوالى مسافة 28 ك والعربية ثابتة وجميلة تحت رجلى فالخلاصة التوكيل كما اقول دائما عقبة فى وجة نجاح العربية .

شكر واجب:
المهم ياجماعة انا روحت النهاردة مركز خدمة ميدان الجيش ومعلش حخرج برة الموضوع شوية المركز دة فية مهندس بجد عارف شغلة وبيساعد الناس وعلى خلق ومش متعين بالواسطة زى ال.......... اللى هناك فى المركز ويطلقوا عليهم مهندسين
الراجل دة ياجماعة اسمة المهندس هيثم اول من يحضر للمركز قبل الفنيين نفسهم ويسمع منك ويحاول على قد ميقدر يحللك المشكلة
وانا النهاردة حكيتلة على مشكلتى وقالى انا اللى كاشف على المساعدين بنفسى وبقول انهم يتغيروا والمهندس بتاع ابورواش عايز يوزعك وبيستهبل دة بالنص ماقالة المهندس هيثم المهم راح عملى امر مطالبة وخد رقم تليفونى وقالى ححجزلك 2 مساعدين فى اول طلبية جاية ودة مش كلام الراجل نفذ قدامى بس للأسف الطلبية جاية بعد حوالى شهرين .
فبجد ياجماعة اللى عايز يروح مركز العباسية يخش على المهندس هيثم عالطول وهو دة اللى هيساعدك بجد مش ال2 التعبانين اللى معاة واحد اسمة كريم ولا لية اى لازمة غير انة يجى متأخر بساعتين والتانى مش عارف كدة ولا فاهم حاجة فى اى حاجة اسمة محمد وانا على فكرة معرفهمش معرفة شخصية بس دى حقيقة وامانة لازم اقولهالكوا ... واسف للأطالة

[samirayad]

من خلال كلامك

أأقدر أقولك

كلام المهندس : هيثم ..................هو المظبوط

وفعلا الناس إللى فى أبو رواش أى كلام

ببساطه شديده

أنا روحت مره واحده بالعربيه أبو رواش ......وبعدها حلفت ما أروحاش

قابلت فيها مهندس فى توكيل دايو ........ولا عنده فكره عن الباذنجان

[أحمد فاروق سيد]

المشاركة الأصلية كتبت بواسطة BASSEM BESO يقولولى ملناش دعوة بيهم هات ورقة تثبت كدة !!!!!!!

تعرف ... زمان
كان عندى مشكلة فى واير فرامل اليد
كانت العربية وهى ماشية بتقفش لوحدها
وطنبورة اليمين بتسخن جداً
وكنت ساعتها بعمل الصيانات فى
الكويت والبلاد العربية
وهما لا بيحلوا ولا بيربطوا
المهم
قالولى جراب الواير عايز يتغير
ولازم تروح أبو رواش
علشان أحنا مش بنغير حاجة
قلتلهم ماشى
بس أكتبلى فى فاتورة الصيانة
الكلام ده
بصراحة ساعاتها كتبلى فى الفاتورة

رحت على أبو رواش تانى يوم
وصلت الساعة 7
أنتظاااااااااااااار حتى الساعة 10 لما جه دورى
قعدت قدام المهندس
قلتله على المشكلة ،،،، وأديته صورة الفاتورة
وبعد مهاترات ومداولات
العربية خرجت من الورشة الساعة 4 عصراً
ومتغيرلها جراب الواير

الخلاصة
أتصل يوم بعد يوم بمركز العباسية
وخليهم يحولوك بقطع الغيار
واسأل عادى جداً على مساعدين أمامى
موجودة ولا لا
قالولك موجودة
سيب اللى فى أيدك وأطلع عليهم
،،،،، وبالتوفيق إن شاء الله

[BASSEM BESO]

المشاركة الأصلية كتبت بواسطة أحمد فاروق سيد تعرف ... زمان كان عندى مشكلة فى واير فرامل اليد كانت العربية وهى ماشية بتقفش لوحدها وطنبورة اليمين بتسخن جداً وكنت ساعتها بعمل الصيانات فى الكويت والبلاد العربية وهما لا بيحلوا ولا بيربطوا المهم قالولى جراب الواير عايز يتغير ولازم تروح أبو رواش علشان أحنا مش بنغير حاجة قلتلهم ماشى بس أكتبلى فى فاتورة الصيانة الكلام ده بصراحة ساعاتها كتبلى فى الفاتورة رحت على أبو رواش تانى يوم وصلت الساعة 7 أنتظاااااااااااااار حتى الساعة 10 لما جه دورى قعدت قدام المهندس قلتله على المشكلة ،،،، وأديته صورة الفاتورة وبعد مهاترات ومداولات العربية خرجت من الورشة الساعة 4 عصراً ومتغيرلها جراب الواير الخلاصة أتصل يوم بعد يوم بمركز العباسية وخليهم يحولوك بقطع الغيار واسأل عادى جداً على مساعدين أمامى موجودة ولا لا قالولك موجودة سيب اللى فى أيدك وأطلع عليهم ،،،،، وبالتوفيق إن شاء الله

ولا اى حد يقدر يطلع ورقة تفيد بكدة يااستاذ احمد والمهندس هيثم اخدنى على جنب وقالى بصوت منخفض ان هما النظام اللى بينهم فى التوكيلات ميديش العميل ورقة بأى حاجة حتى لا تأخذ ضد التوكيل ولا اشتكيهم فى حماية المستهلك وقالى بالنص ان مهندس ابورواش عارف ومتأكد ان مفيش حد حيدي ورقة لعميل مهما حصل !!!!!!

[بدر بسيونى]

مبدئيا احب اشكرك على نقل خبرتك لينا فى المنتدى وبالتوفيق واحنا متابعين معاك الموضوع ان شاء الله