|
|||||||
| سوزوكى Suzuki بدات شركة سوزوكى نشاطها فى عام 1909 كشركة اقمشة لاكن مع الثورة الصناعية فى اليابان تحولت لانتاج السيارات عام 1952 وهيا تخضع حاليا لشركة جنرال موتورز حيث تملك الاخيرة نسبة 20% من اسهمها كما تمتلك سوزوكى شركة ماروتى الهندية Maruti من اشهر موديلاتها: سويفت ماروتى التو ليانا وايجنيس وجيمنى وجراند فيتارا و SX4 XL7 |
 |
|
|
أدوات الموضوع |
|
#1
04-11-2010, 03:00 AM
|
|||
|
|||
ماروتى بالحالة دى تساوى كام ؟ رجاء الافادة
سلام لأحلى منتدى .... أنا عضو جديد و كنت عايز أستشير حضرتكوا
قدامى ماروتى 2008 عاملة 8856 كيلو ... نظيفة جوه و برة ... فيها كاسيت بس ... و فيها حكة بسيطة جداً من الجنب من تحت مش باينة أوى .... مطلوب فيها 29000 نهائى .... عايز اسأل بقى : 1) السعر كدة كويس و لا لأ , أنا وصلت مع الراجل ل 28500 و مرضاش برضو 2) ينفع يتركب فيها أنذار و سنتر؟ و هيبقى بكام ؟ 3) أعادة البيع بتاع الماروتى أيه نظاموا ؟ 4) الرخصة باسم سيدة , بيقول مراته يعنى ... و سمعت أنه يفضل تكون بأسم البائع ! دى فيها مشاكل ... أرجو الافادة و شكراً مقدماً 
|
|
#2
04-11-2010, 11:27 AM
|
|||
|
|||
|
رد: ماروتى بالحالة دى تساوى كام ؟ رجاء الافادة
السلام عليكم ورحمة الله وبركاته
بالنسبة للسعر اعتقد انه كويس وخصوصا انها تقريبا ما مشيتش بيها انا بتاعتي 2008 وعاملة 34000 كيلو وما سافرتش بيها الا 3 مرات رايح جاي 300 كيلو وعلي فكرة لسه واحدة شاريه من شهرين ماروتي 2006 ب 26000 بالنسبة للسنتر والانذار ينفع لاني لما ركبت التكييف ببركة مساعدة الأخ حبيب الناس قالولي ان عندهم سنتر وانذار وتقريبا تقريبا كان ب200 جنيه ممكن تتصل بيهم تسألهم بالنسبة للرخصة متهيألي هو هيبعلك باسم مراته وهي عاملة له توكيل بيع وشراء سيارات طبعا الأخوة ممكن يفيدوك اكتر مني وأكيد هيردوا عليك قريبا
__________________
الدنيا زمن قليل و عمرك فيها قليل من قليل و ما بقي من عمرك فيها قليل من قليل من قليل. فأكثر الخير و العطاء تحول القليل إلى كثير. إبذل الحب تسعد و تسعد من حولك.  رحلة للسعادة
|
|
#5
09-11-2010, 01:28 PM
|
||||
|
||||
رد: ماروتى بالحالة دى تساوى كام ؟ رجاء الافادة
بالنسبه للرد علي الدكتور اندي بالنسبه لسعر العربيه يعتبر مناسب بس لازم الاول تعرضها علي فني يوشفهالك ويكون الفني معرفتك انت وميكونش البائع يعرفه وقوله علي موضوع الحكه وخليه يشوف سببها ايه وهوا هيقولك السعر مناسب ولا لأ بالنسبه للسنتر ينفع يركب فيها سنترلوك وانزار كمان بالريموت وافضل حاجه الريموت اللي شكل المفتاح وتروح توديه لبتاع الكوالين يعملك عليه مفتاح ويبقي الفتاح بتعها فيه الزراير بتاع الريموت وتكون زي العربيات الحديثه السعر يتراوح من 180 لحد 400 فيه اكتر من موديل وماركه ونوع وكمان ممكن تركب لها مواتير رفع للزجاج وتخليلي الازاز كهرباء وده تكلفته للبابين اللي قدام فقط 400 جنيه والاربع ابواوب 600 جنيه ووحده رفع علشان تقفل الازاز لما تقفل باب العربيه بالريموت ب 100 جنيه وعيش الخيال ياريس وكمان ممكن تركبلها تكييف بحوالي 3200 جنيه بالنسبه لاعادة البيع زي مانت بتشتري يعني لو عاوز تبيعها هتبيعها مش هتقعد في اربيزك متخفش وسعرها اليي هيحددده حالتها بقت ايه المفروض السؤال ده لو هتشتري زيرو تعرف هتخصر كام لو بعتها بالنسبه لشراء السيارة لازم مالك السيارة هوا اللي بيبعها مينفعش حد غيره يعني لازم السيده ده هيا اللي تروح معاك الشهر العقاري وتبيع لك السياره وثمن عقد البيع في الشهر العقاري حوالي 1400 جنيه للعربيه الماروتي او يكون مع الراجل ده توكيل او عقد بيع من السيده ده بأسمه هوا يعني هيا موكلاه في البيع او هيا تكون بيعاله العربيه ولازم يجيبلك شهاده مخالفات انها معليهاش مخالفت ولازم صورة البطاقه بتعته تكون معاك وتصور كل الورق ده وتخلي نسخه منه معاك ويفضل تنقل العربيه بأسمك وهو معاك علشان تكون مطمئن وممكن تجدد الرخصه او لو فاضل فيها شهور تمشي بيهم والضريبه بتاعتها في المرور للسنه حوالي 140 جنيه والنمر الجديده ب 100 جنيه وررق التفحص والترخيص ب 35 جنيه يعني ترخيصها اول مره في حدود 350 جنيه وبعد كده هتدفع في الترخيص 140 فقط اللي هوا الضريبه بتاعتها والف مبروك مقدما علي العربيه وربنا يديك خيرها ويكفيك شرها يا رب اوكون اوفيت في الاجابه علي تسؤلاتك وقدرت اوصل المقصود
__________________
|
|
|
|
رد: ماروتى بالحالة دى تساوى كام ؟ رجاء الافادة
