|
#1
02-11-2010, 09:25 PM
|
||||
|
||||
تجربتى فى ابورواش .......... وتحذير من جدول الصيانة !!!!!!!
مساء الخير على كل الأعضاء فى هذا المنتدى الكبير والعظيم حبيت ان انقل لكم تجربتى اليوم فى مركز خدمة اسبرانزا ابو رواش لكى يستفيد الكل من الموضوع واليكم القصة بالتفصيل :
قمت بالحجز منذ 3 اسابيع فى التليفون عشان كنت بشتكى من المساعدين الأمامية فى 516 بتاعتى وادونى معاد النهاردة الساعة 2 الظهر وكنت قايل فى نفسى ان لازم اغير المساعدين على حساب الضمان بعد مااكد لى احمد مهران انهم لازم يتغيروا واكد ايضا لى مهندس توكيل العباسية المهم بعد مادخلت عندهم ونادو عليا فى الميعاد المتفق علية دار الحوار التالى : العبد لله : كنت عايز اكشف على المساعدين الأمامية واغيرهم لوسمحت . المهندس : بعد مفتح كتيب الضمان وبصلى بصة غريبة و فوجئت بة بيقولى انا ممكن اخرجك برة الضمان الأن ؟؟؟!!!!!!!! العبد لله : قولتلوا لية كدة بس انا ماشى تمام وكل حاجة صح عندى ؟ المهندس :عشان المفروض كنت تعمل صيانة 10000 ك و صيانة ال15000 ك كل 3 شهور !!!!!!!!!!!!!!!!!!!!!!! العبد لله : ازاى يابشمهندس والعربية دلوقتى عاملة 8012 بالظبط وعامل صيانة 1000 وصيانة ال5000 ك فى توكيل العباسية والفواتير موجودة اهة وكلة تمام مفيش حاجة . المهندس : لأ انت العربية بقالها معاك سنة ومش شرط تكون مشيت المسافات دى وانت ليك فى السنة 4 صيانات معملتش غير 2 بس حتى لو العداد 1 ك بس !!!!!!!!!!!! العبد لله : يابشمهندس انا مشاويرى قليلة جدا وعندنا فى بيتنا عربيتين غير دى يعنى مش شرط انى امشى بيها دايما انا حر ياسيدى !!!!!! المهندس : انشاالله تكون واقفة مش بتتحرك لازم كل 3 شهور تيجى يعنى اجبارى تعمل الصيانة كل 3 شهور. العبد لله : ( كنت حاسس انى خلاص حضربة واللى يحصل يحصل ) طب انا اعمل صيانة ال15000 ك والعربية عاملة 8000 ك ازاى بس ياعم انت وحتلاقى كل حاجة جديدة مش محتاجة تغيير يعنى !!!! المهندس : نغير كل الفلاتربجديدة بردة ونشوف البوجيهات ونبص على العفشة كلها ونعمل كل حاجة الا تغيير الزيت وفلتر الزيت تبقى روح غيرهم فى اى توكيل عند 10000 ك ومتعملش باقى الحاجات عشان حنعملها هنا !!!!!!!!!!!!!!!!!!!!!!!  العبد لله : ( وصلت لأخر مرحلة فى مسك اعصابى بعد الزعييق وتعلية الصوت اللى انا مبحبوش ) ماشى اعمل دة واكشفلى على المساعدين الأمامى وشحن الدينامو وكل حاجة عشان انتوا زهقتونى فى العربية . المهندس : تحت امر حضرتك يافندم والصيانة دى حتتكلف 219 جنية بعد ماتم خصم ثمن الزيت والفلتر !!!!!!!!! العبد لله : ماشى اتفقنا . * العربية دخلت فى معادها الساعة 2 خرجت الساعة 3:45 ولقيت شيلين الحاجات القديمة زى الفلاتر وكاوتش الشكمان القديم فى شنطو وادوهالى ( والله الفلاتر القديمة شكلها لسة جديد ) المهندس : العربية تمام حضرتك و100% وزى الفل !!!!!!! العبد لله : نعممممممممممممممممممم  المهندس : المساعدين تمام وشحن الدينامو ممتاز وحنجرب دلوقتى كل حاجة . العبد لله : المهندس طلع ساق العربية وجرب وانا معاة ونزل فى مطبات وحفر وطوب وكل حاجة واقولة سامع صوت الطقطقة العالى دة المهندس : دة الطبيعى فى ال516 والناس كلها عرفة العفشة فيها عاملة ازاى ونشفة ادة اية العبد لله : بس فى العباسية قالولى المساعدين عايزين يتغيروا المهندس : هات تقرير منهم بكدة وانا اقسم بالله اديك 4 مساعدين مش 2 وهما بيقولوا كدة عشان يوزعوك و خلاص والمساعدين اللى عندك زى الفل مفيهمش حاجة خالص العبد لله : ماشى يابشمهندس يعنى كل حاجة تمام المهندس : ( بعد 20 دقيقة تجربة ) تمام والعربية سلييمة ومفيهاش حاجة خالص . ومشيت بعد مادفعت فى الخزينة واخذت امر الخروج والحمدلله على كدة ملاحظات هامة جدا : - نصيحة لكل ملاك اسبرانزا مراعاة الصيانة كل 3 شهور ( نظام غريب ) بس عشان مايضعش حقك فى الصيانة - لازم تحجز الصيانة فبل ماتروح بفترة عشان لو رحت حتى الساعة سابعة مش حتبقى الأول . - مواعيدهم بالدقيقة مظبوطة ودة اللى اسعدنى كتير لأنى بحب احترام الموايد فى كل حاجة . - الفنيين فى ابورواش عندهم امانة وذمة شوية يعنى لقو مثلا كوتشة الشكمان مقطوعة غيروها من غير مكنت خدت بالى منها او اشتكى منها وهما احسن من العباسية - حتأكد بكرة من حكاية المساعدين دول واشوف الحكاية حتخلص على اية وربنا يستر - اسف جدا للأطالة والموضوع الطويل دة بس عشان الكل يستفيد منة وميتفجأش لما يروح واسف مرة تانية للأطالة . اخر كلمة : العربية ال516 عربية جميلة جدا واكثر من ممتازة بس عيبعها الوحيد زى كل العربيات اللى فى مصر انها بتتجمع وتتقفل بأيدى مصرية وماادراك بالمصريييين !!!!!!!!!! 
|
|
#2
02-11-2010, 10:05 PM
|
|||
|
|||
|
رد: تجربتى فى ابورواش .......... وتحذير من جدول الصيانة !!!!!!!
و الله يا استاذ باسم زي اما قلت لحضرتك صوت العربية اساسا كده و المساعدين صوتهم عالي وانا رحت 4 مرات قالوا نفس الكلام اللي حضرتك قولته و اشكر حضرتك ع الموضوع
|
|
#3
02-11-2010, 10:08 PM
|
||||
|
||||
|
رد: تجربتى فى ابورواش .......... وتحذير من جدول الصيانة !!!!!!!
ألف شكر يا باسم على نقل التجربة
بس عايز أقولك أن الصيانة فعلاً كل 5000 كم أو ثلاث شهور وده مكتوب فى كتيب الضمان بالنسبة للفلاتر مترمهاش وحافظ عليها علشان حتحتجها بعد كده بالنسبة للمساعدين روح أى مركز تاتى وحاول مرة وأتنين وتلاتة لن يضيع حق وراءه مُطالب
__________________
   
|
|
#4
02-11-2010, 10:11 PM
|
||||
|
||||
رد: تجربتى فى ابورواش .......... وتحذير من جدول الصيانة !!!!!!!
طب مفيش حل مش حنعمل حاجة يعنى اكيد فى حل انا فى حل بفكر فية بس مش عارف اعملة ولا استنى ......فكرة بتدور فى دماغى بقالها شهرين بس عاجز عن تنفيذها ومش عايز اقولها مش عشان حاجة عشان بس محدش يتأذى منها فأكيد اكيد فى حل
|
|
#5
02-11-2010, 10:13 PM
|
||||
|
||||
رد: تجربتى فى ابورواش .......... وتحذير من جدول الصيانة !!!!!!!
لا شكر على واجب دة اللى حضرتك بتعلمهولنا يا استاذنا وواجب المنتدى علينا ان ننقل تجاربنا لبعض لتعم الأستفادة على الجميع وانشاء الله يااستاذ احمد حروح واشوف فى مراكز تانية وحتأكد اكتر من احمد مهران وشكرا على رد حضرتك
|
 |
|
|
