|
#1
02-11-2010, 08:10 PM
|
||||
|
||||
طبعت ورقة للى راكن صف تانى يمكن يحس . هل دة حل صحيح ؟
السلام عليكم ورحمة الله
كالعادة حينما اخرج للاخذ سيارتى يجب ان احرك سيارتين او ثلاث على حد ادنى حتى اننى لا احتاج للذهاب لـجيم .. وذلك لتحريك سيارتين او ثلاث .. مرتين يومياَ ..  رياضة باردوالمهم الجديد ان فية ناس بتركن قدامك وتلاقى تاكسى خارج عن صف الركن وبالتالى لو زقيت اللى قدامى دة وش سيارتة هتخبط فى التاكسى ولو حركتها للخلف .. وراة سيارة اخري .. والاخري راكنة بنفس الطريقة محازاة للى راكن صح ومعنى كدة انى لو زقيتة هيخبط هو كمان فى عربية اللى ركنها مطلعها برة شوية يعنى تاكسى هيتخبط .. وفيرنا وشها هيتخبط وميكروباص هيتخبط وفيكترا هتتخبط من الخلف ! دة كلة علشان اطلع بعربيتى اللى انا ركنها صح ! .. والادهى من دة كلة انى اصبحت وبلا فخر خبرة فى فتح السيارات !!! امس فتحت تاكسى 504 .. ثم سيارة 128 .. وقبلها فتحت فيرنا " كان فيها مشكلة فى السنتر " والاخ راكن وشادد فرامل يد .. واول امس فتحت نوبيرا .. وايضاَ ألنترا خاصة بدكتور صديقى .. وهو الاخر لة موقف طريف معى هو صاحب صيدلية ويومها كنت مضايق طبعا من اللى راكن وشادد فرامل يد .. كلهم للاسف يأما يعشق يأما فرامل يد المهم فتحت الـ النوبيرا .. ثم الالنترا ويومها عديت على الصيدلية اشتري حاجة فلقيتة بيسألنى بعد سلامات وتحيات بيقولى : مش انا انهاردة لقيت الالنترا فى نص الشارع ! قلت لة بجد ؟ قالى والله اللى حصل ان الشارع لقيتة واقف وخرجت بالصدفة اخد العربية لقيت ان عربيتى السبب واقفة فى نص الشارع قلت لة واتحركت لوحدها ازاي ؟ قالى : مش عارف انا كنت شادد فرامل يد والفتيس على P ولما فتحت العربية لقيت فرامل اليد مفتوحة والفتيس متحرك. وطبعا نسيت اقول انة كان موجة الكاوتش للاتجاة الايمن يعنى معدلش عجلة وهو بيركن وانى معرفش ان دى عربيتة اصلا !! . فبيقولي نفسى اعرف الـ ... ... اللى فتح العربية دة فتحها ازاي ؟ بلعت ريقى وكنت عايز افطس من الضحك .. قلت لة انت معرفتش فتحها ازاي قالى لاء العربية لما فتحتها كان السنتر مقفول والابواب مقفولة " طبعا انا قفلت السنتر قبل مقفل الابواب علماَ انى لما فتحتها الانذار اشتغل وعملت فضيحة وفضلت واقف قدام الباب اشوف صاحبها ولما زهقت من الوقفة اطمنت ان محدش بيبص عليا ودخلت وشلت فرامل اليد اسلوب مكر بقى ههههههه . المهم اخدت منة الدواء ومشيت وانا ماسك نفسى من الضحك وهو نفسة يعرف مين اللى فتح عربيتة بالنسبة للمشكلة الحالية انا طبعت ورقة ... دلوقت هنزل احطها فى مساحات العربية قولوا لى لو حضرتكم فى مكانى تعملوا اية ؟ وهل الورقة دى تكفي ؟ ولا محدش بقى بيحس وملهاش لزمة التعديل الأخير تم بواسطة NicEgypt ; 02-11-2010 الساعة 08:19 PM 
|
|
#3
02-11-2010, 08:53 PM
|
||||
|
||||
|
رد: طبعت ورقة للى راكن صف تانى يمكن يحس . هل دة حل صحيح ؟
مرة عملت شقلبظات
و طلعت فوق الرصيف و نزلت و حركات و أفلام بعد ساعة حبس عشان حد قافل عليا صف تاني بس موصلتش لعلم فتح العربيات ده
__________________
|
|
#4
02-11-2010, 09:10 PM
|
|||
|
|||
|
رد: طبعت ورقة للى راكن صف تانى يمكن يحس . هل دة حل صحيح ؟
شكلك كدا راكن في الدقي او المهندسين دول اكتر مكانين بشوف فيهم العجب في الركن اما عن موضوع الورقه ده انا شايف انك توفر حبر وطباعة ورق لان ديه طبيعة الشعب المصري ماشي بالمثل اللي بيقول يله نفسي انا لو مكانك هريح للي قافل عليا الكاوتش عنده علشان زي ما خلاني معرفتش اخرج بالعربية انا كمان هعطله ومش هخليه يعرف يخرج بيها وهو ده الحل الوحيد مع النوعيه ديه من البشر
|
|
#5
02-11-2010, 09:19 PM
|
||||
|
||||
|
رد: طبعت ورقة للى راكن صف تانى يمكن يحس . هل دة حل صحيح ؟
فكرة حلوة اوي بس اوعي تحط الورقة دي علي عربية الدكتور ليعرف ان حضرتك الي فتحت عربيتو هههههههههه
لا بجد فكرة حضارية جدا و محترمة و علي ما اعتقد ان ممكن يكون لسة في دم
|
 |
|
|
