اية الفرق بين cbr و vfr ارجو المساعدة

[bido_eg600]

السلام عليكم اناعاوز اعرف الفرق بين cbr 400
و vfr400
هما الاتنين هوندا انا ناوي اشتري واحد كدة كويس بس كل شوية يتطلعلي حاجة وحشة في البيك فا وانا بدورلاقيت vfr400 كان عامل 9000 جنية و نفس الشكل بس الشكمان علي الشمال :D دا كل اللي لاحظتة

[Injection]

ال CBR عبارة عن بايك رياضى, غالبا أخف وأسرع من ال VFR



أما ال VFR فهو من فئة بايكس أسمها SPORTS TOURER يعنى بايك رياضى معمول للمشى الطويل, حاجة شبيهة ببايك الشرطة (معظم بايكات الشرطة من نفس الفئة), القعدة عليه بتختلف وأدائه بيختلف عن ال CBR ومريح أكثر فى القيادة الطويلة, فى موديلات منه فيها VTEC وبتستهلك بنزين أكثر من مثيلها ال CBR.



وعموما ال SPORTS TOURER كفئة معمولة علشان تدمج الأداء والقدرة على السفر الطويل مع بعض, مش هتلاحظ فرق كبير فى موديلات هوندا القديمة فى الشكل أو الأداء, لكن الفرق شاسع فى الموديلات الجديدة,

مقالات من ويكيبيديا بالعنجليزى عن فئة ال SPORT اللى هى فئة ال CBR وعن ال SPORTS TOURER بتاعة ال VFR

ده اللى أعرفه, ومستنيين أحدى عمالقة البايكس لما يزود معلوماتنا.

[Jack Box]

الله ينور يا انجكشن كلام مظبوط وتعليق جميل
احب بس اضيف ان شاسيه ال VFR ماسك العجله الخلفيه من ناحيه واحده مربوطه بمسامير علي عكس
ال CBR العجله مربوطه بمسمار اكس واحد وده بيريح البايك في المناورات والني داون والملفات عموما

[bido_eg600]

يعني اجيب اية D: ؟؟؟؟
انا معاية في حدود 9 و ممكن احاول يبقو 10 عاوز اعرف اجيب اية حلو بس علي قد رجليك مد لحافك وحاجة مش لسة هتعلم عليها لاني بسوق cbr من مدة كبيرة قوي فعاوز حاجة حلوة كدا وعلي فكرة انا بعت العربية عشان اجيبو لانو بجد انا بعشقو بيعدي من جمبي كدا وانا في العربية والله بيجيلي اكتئاب و بتف علي العربية و برجع البيت وانا خلاص صممت بس انا كنت هجيب 250 عادي مش فير لاقيت دا 400 و ارخص فممش عارف يا ريت الافادة اينعم انا طولت عليكم و انا عارف اني رغاي بس استحملوني

[Jack Box]

المشاركة الأصلية كتبت بواسطة bido_eg600 يعني اجيب اية D: ؟؟؟؟ انا معاية في حدود 9 و ممكن احاول يبقو 10 عاوز اعرف اجيب اية حلو بس علي قد رجليك مد لحافك وحاجة مش لسة هتعلم عليها لاني بسوق cbr من مدة كبيرة قوي فعاوز حاجة حلوة كدا وعلي فكرة انا بعت العربية عشان اجيبو لانو بجد انا بعشقو بيعدي من جمبي كدا وانا في العربية والله بيجيلي اكتئاب و بتف علي العربية و برجع البيت وانا خلاص صممت بس انا كنت هجيب 250 عادي مش فير لاقيت دا 400 و ارخص فممش عارف يا ريت الافادة اينعم انا طولت عليكم و انا عارف اني رغاي بس استحملوني

متقولش كده احنا تحت امرك
بص 10 تجيبلك 250 عاده وبلاش الVFR لانها عايزه معامله خاصه شوية ولازم اللي يركبها يكون ركيب ويعرف يتعامل معاها كويس عشان هي بايك رياضي جدااااااا اتوكل علي الله وخلص في 250 عاده احسنلك