|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
27-10-2010, 03:27 PM
|
||||
|
||||
حساس الماب
حنبدأ نعمل شوية مواضيع خاصه بعناصر التحكم الألكترونى فى المحركات الأنجكشن
وحنبدأ بحساس قياس الحمل الواقع على المحرك من خلال قياس نسبة تخلخل الهواء بعد بوابة الثروتل فى البدايه عاوز أوضح أن أكثر حساسين لهما تأثير مباشر على التحكم فى كمية البنزين المستهلكه بواسطة المحرك....هما ال map sensor & o2 sensor * حساس الماب بيستشعر التخلخل الحادث فى مجمع دخول الهواء للمحرك (مانيفولد الهواء) عند الضغط على الأكسراتير وذلك لفتح البوابه لمجابهة حمل معين مطلوب من المحرك (فترة الفتح لضخ البنزين) * وقت الحاجه لبنزين كتير من الرشاشات فأن حساس الماب بيقرأ أو يستشعر حالة تخلخل ضعيف وده اللى بيحصل لما بنكون ضاغطين بالقدم على الأكسراتير.....فى الحاله دى فأن وحدة التحكم بتأخذ المعلومات عن حالة التخلخل الموجود فى سحب المحرك فى صورة أشاره كهربيه رايحلها من حساس الماب....وعلى الفور بتنبه الرشاشات لأطالة فترة ضخ البنزين وذلك بتزويد ال pulse widith * أثناء تخفيف الحمل على الأكسراتير برفع القدم لحد معين فأن التخلخل فى منطقة السحب بيزداد وبالتالى بتقوم وحدة التحكم بأرسال تعليمات للرشاشات بتقليل الpulse widith * من هنا بقه عرفنا أن التخلخل اللى بيحصل فى مجمع السحب (المانيفولد) بيتم أستشعاره وتحويله الى أشاره لوحدة التحكم بواسطة حساس المــــــــــــاب
**** قبل ما أتكلم على تصميم الحساس عاوز أقولكم أن النظريه والدور اللى بيعمله الحساس ده ...بيشابه الى حد كبير مايحدث داخل الكربوراتير فى المحركات التقليديه ....أزاى نحن نعلم أنه لابد من تواجد تخلخل معين أثناء مرور الهواء من بوابة الكربوراتير .....والتخلخل ده اللى بيخللى الهواء يأخد بنزين من غرفة العوامه مرورا بالبيكات....بس عندنا بقه فى الحقن الألكترونى التخلخل بيتقاس الأول ويتبعت لوحدة التحكم وهى اللى بتأمر الرشاشات (أى الظاهره الطبيعيه اللى بتحصل جوه الكربوراتير....الحساس بتاعنا ده بينقلها علشان وحدة التحكم تتعامل معاها فى صورة تحكم ألكترونى ) * طيب دلوقتى عاوزين نعرف الحساس بتاعنا ده بيشتغل هندسيا أزاى وأيه الليله اللى بتحصل جواه......... ***** حساس الماب بيعمل على أساس نظريه هندسيه (ميكانيكيه وألكترونيه وكهربيه فى نفس الوقت)........بحيث لما يكون عندنا شريحه رقيقه من ماده معينه وبتتعرض لضغوط مختلفه بيحدث لها تغيير فى مقاومتها الداخليه وعلشان كده ممكن نسمى حساس الماب أنه من أنواع الحساسات piezo resistive sensors * وهو بيتكون من دايره معينه (بتتكون من شريحه رقيقه من مادة السيلكون....حينما تتعرض لضغوط بيحدث تغيير فى مقاومتها)........ ** وعلشان كده بنلاقى الحساس ده بيتكون من علبه (شبه متوازى المستطيلات)....بتحتوى داخلها على شريحه رقيقه من السيلكون مرتبطه هندسيا وبطريقه معينه بغرفة تخلخل داخل الحساس نفسه........ * أحد جوانب شريحة السيلكون معرضه لتخلخل الهواء اللى قادم من مجمع الهواء للحساس....والجانب الآخر معرض ومرتبط للتخلخل اللى بيتم فى غرفة التخلخل (اللى داخل الحساس نفسه....وهى غرفه صغيره جدا ويحدها غلاف أو رداخ مثل بتاع رداخ البنزين مع الفارق طبعا)........ * وبالتالى أى تغيير فى شكل شريحة السيلكون نتيجة الضغط على الأكسراتير وذلك لفتح البوابه كما سبق ان بينا ....بيؤدى الى حدوث تغيير فى شكل الشريحه بتاعة السيلكون....وبالتالى مقاومتها بتتغير ........ ** ويوجد داخل الحساس أيضا دايره ألكترونيه integrated circuit .....اللى بنقول عليها الآى سى...... * الدايره دى أى الآى سى ...بتحول التغير الحادث فى مقاومة الشريحه بتاعة السيلكون الى أشاره فى صورة فولت كهربى معين ومن الحساس الى وحدة التحكم من خلال سلك الأشاره......... * الحساس ده له ثلاث أطراف (أرضى وكهرباء من وحدة التحكم لتشغيل ال آى سى....وسلك الأشاره اللى رايح من الحساس للوحده ) ......برضه عاوز أقول لحضراتكم أن نظرية عمل الحساس ده هى نفسها النظريه بتاعة حساس تشغيل الair bag ...فى السيارات المزوده بوسائد هوائيه............ .....وبرضه بيستخدم نفس النظريه لحساس بيكون موجود على مدخل المحرك للسيارات المزوده بشاحن توربينى لحماية المحرك فى حالة زيادة ضغط التخلخل على مدخل التربو عن الضغط الجوى.........شوفتوا العالم بتفكر أزاى......جاتنا........كم لوا أنتوا بقه....؟.......ومع خالص تحياتى
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#2
27-10-2010, 03:31 PM
|
||||
|
||||
|
رد: حساس الماب
كان فيه زميل أسمه : فارس النجار
طلب منى أيضاح أكثر عن هذا الحساس وكان هذا هو تعليقى على أستفساره _ نظرا لأننى وعدت الأخ / فارس النجار بالتفكير مره ثانيه نحو حساس الماب .....عاوز أضيف الجزء التالى .............. _ حساس الماب أحيانا بيطلق عليه حساس قياس التخلخل (النزول فى الضغط علشان أخونا فارس ) الموجود فى منطقة دخول الهواء الى مجمع الهواء plenum قبل توريد الهواء الى مانيفولد الدخول للمحرك intake manifold .......... _ هذا الحساس بيستخدم مع محركات الحقن الألكترونى من النوع DtypeEFI أو ذات الحقن المباشر ( التى تحتوى على أربع رشاشات ) اللى بنقول عليها أنجكشن كامل .......وليست أم رشاش واحد (اللى بنقول عليها هاف أنجكشن )...................... _ غالبا فى الهاف أنجكشن بيتم الأعتماد على تحديد كمية الهواء الداخله عبر كربوراتير المحرك من خلال حساس آخر ( وهو حساس تحديد وضع قرص البوابه TPS SENSOR )......... _ ومن هنا بنلاحظ أن عمليات التحكم فى المحركات الأنجكشن الكامل تسير بصوره أدق من نظيرتها ذات الكربوراتير ( هاف أنجكشن )....... . _ حساس الماب غالبا بيتم تركيبه على القاطوع (صدر الغرفه فوق الأسكترا )....فى بعض الأنواع مثل عائلة الدايو ......وبيتم نقل هواء التخلخل من منطقة جسم الخانق الى الحساس ......بواسطة خرطوم رفيع ( مركب بقفيزان من الجانبين )................. _فى بعض الأنواع الأخرى مثل عائلة الهيونداى ....بيتم تركيب الحساس مباشرة أعلى المحرك ...فى مسار هواء الدخول من فلتر الهواء الى جسم الخانق........وبالتالى لايوجد خرطوم مثل النوع الأول........ _ تواجد خرطوم هواء لعمل الحساس بيعتبر غير مفضل فنيا .....لأن الخرطوم بيكون عرضه بأستمرار للتلف ...والأنفصال من مكان تركيبه من على جسم الخانق ....وبيسبب أزعاج لقائد السياره فى بعض الأحيان ( حينما تضىء لمبة بيان الأعطال ) مع أنفصال الخرطوم ......نتيجة الأهتزازت وعمل الصنايعيه فى غرفة المحرك وخلافه ........ _ أيضا الخرطوم بيكون عرضه للتصلد والجفاف والتشقق مع العمر الأفتراض ..... _ كذلك الخرطوم بيكون عرضه لحدوث سدد جزئى بسبب الرمال والأتربه التى من الممكن أن تتخلل فلتر الهواء ثم تقوم بالدخول الى منطقة جسم الخانق ثم خرطوم الحساس (لأن مقطع أو قطر الخرطوم رفيع للغايه )........داغير التلوث بالزيوت الداخله للمحرك حينما يكون هناك تفويت من خلال شنابر المحرك .........حيث تحمل أبخرة الزيوت عبر خط الفائظ الى منطقة مجمع الهواء ......مما يؤدى الى تراكم الزيوت والملوثات داخل الخرطوم المركب على جسم الخانق................. . _ من هنا أنصح بضرورة مراعاة مايخص فلتر الهواء والتفويت السابق ذكرهما لضمان عمل الحساس بصوره طبيعيه ............. _ وأدى صوره لأحد حساسات الماب 
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#3
28-10-2010, 10:59 PM
|
||||
|
||||
|
رد: حساس الماب
ايه الحلاوة دى
ممكن برضه اضيف حاجة صغيرة من فوائد ال ماب انه فى الاول ( اثناء التسخين ) او لو جت فرصة سلانسيه لمدة طويلة شوية بيحدد ارتفاع عمل السيارة عن سطح البحر من خلال اعتبار قيمة الضغط فى المانيفولد هى قيمة الضغط الجوى
__________________
سبحانك لا علم لنا الا ما علمتنا
|
|
|
|
