|
رينو RENAULT RENAULT شريك اساسى مع نيسان اليابانية وتحتل المركز الرابع عالمياً تحت قيادة كارلوس غصن اشهر الموديلات سينيك كليو ميجان |
|
أدوات الموضوع |
#1
|
|||
|
|||
روحت التوكيل اعمل صيانة
أولاً أنا اسمى وليد، متابع المنتدى من 6 شهور تقريبا ومشاركاتى فيه ضعيفة. جيبت اللوجان من 4 شهور وعاملة دلوقتى حوالى 8000 كيلو. روحت توكيل العبور اعمل صيانة ال 5 الاف من اسبوعين تقريبا. الناس هناك محترمة جدا كان فيه حبة ملاحظات حلوهالى وربطولى العفشة (هما اللى بيقولوا طبعا) ما عدا حاجة واحدة كان فيه تزييقه فى التيل الخلفى وقالوا اتحلت لكن بعد ما مشيت لقيتها لسه موجودة فقولت مش مشكلة كده كده انا رايح قريب فى ال 10 الاف وابقى اكلمهم فيها. هما لاحظوا ان التكييف فيه مشكلة فى صوت المروحة ، أنا مكونتش واخد بالى وهما اللى قالولى ، وقالوا ان فى الصيانة الجاية هنغيرلك المروحة فى الضمان. المقصد من الموضوع ده ان كل واحد يروح يعمل صيانة يقولنا ملخص اللى حصل معاه علشان كلنا نستفيد من بعض.
عندى بقى سؤال فى قصة قطع الغيار اثناء فترة الضمان، هل هما ملزمين بتغيير اى حاجة مجانا (او من ضمن مبلغ الصيانة اللى بيتدفع كل 10 الاف كيلو) ولا فى حاجات تتغير وحاجات لا (اقصد التيل والفوانيس المكسورة واعمال السمكرة الخفيفة). فى انتظار ردودكم لان ده فى رايى من اهم الموضوعات اللى هتفيد الكل وهو موضوع تانى عن الصيانة الذاتية للوجان، يعنى الحاجات اللى كل واحد مننا لازم يعملها فى عربيته يوميا او اسبوعيا او شهريا، رجاء من خبراء المنتدى خصيصا يفيدونا فى هذا الموضوع، ولكم جزيل الشكر وفى انتظار مروركم واسهاماتكم وبرجاء تكون الردود كلها ايجابية مش مجرد مرور على الموضوع. |
#2
|
رد: روحت التوكيل اعمل صيانة
السلام عليكم
ألف مبروك على العربية الجديدة يا أستاذ/ وليد وربنا يعطيك خيرها ويكفيك شرها وشر الطريق. - التوكيل ملزم طوال فترة الضمان بتغيير جميع قطع الغيار اللازم تغييرها نتيجة "عيوب التصنيع" دون مقابل وذلك مثل مروحة التكييف فى حالتك. - بالنسبة للأخطاء الخارجية التى لا دخل لهم فيها مثل الفوانيس المكسورة والسمكرة وخلافة فهى على حساب المالك وخارج ضمان التوكيل. - بالنسبة لقطع الغيار الاستهلاكية والتى يتم تغييرها دوريا مثل تيل الفرامل والزيوت والفلاتر فسعرها ومصنعية تغييرها مشمولة فى مبلغ الصيانة الذى يدفع كل 10000 كم.
__________________
هشـــام باهـــى اسكندرانى يعيش فى القاهرة من 14 سنة |
#3
|
|||
|
|||
رد: روحت التوكيل اعمل صيانة
ربنا يخليك يا أستاذ هشام ومتشكر قوى على مرورك ونورت الموضوع.
|
#4
|
|||
|
|||
رد: روحت التوكيل اعمل صيانة
أيه يا جماعة هو مفيش حد بيروح التوكيل غيرى ولا ايه ؟؟؟؟؟؟؟؟؟؟؟؟
|
#5
|
|||
|
|||
رد: روحت التوكيل اعمل صيانة
الى كل الخبراء فى اللوجان
ايه هى الصيانه اليوميه و الشهريه لتعامل مع العربيه بمعنى تانى انا عامل بالعربيه حوالى 5000 و هاروح اعمل الصييانه بس لحد دلوقتى ولا زودت ميه للقربة التكييف ولا زيت زلا للريداتير بصراحه دى اول مره اشترى عربيه عايز نصايحكم |
الكلمات الدليلية |
رينو لوجان |
|
|