|
#1
25-10-2010, 01:28 PM
|
|||
|
|||
اشترى انهى هوندا ؟؟
السلام عليكم
دلوقتى انا محتار بين الهوندات الاتية سيفيك 80-83 الجيل الثانى سيفيك 84 الجيل الثالث اكورد 82-85 الجيل الثانى وكان ليا رجاء معلش كنت عايز اعرف انهى موديل افضل وقطع غيار اكثر توافر يعنى انا عاجبنى السيفيك 83 اكتر واحدة بس من حيث الشكل انا ماركبتش حاجة منهم بس فى نفس الوقت الموتور ال 1300 و 55 حصان بتاعها قالقنى الاكورد بصراحة ميزات اعلى تكييف وباور وسنتر وزجاج كهرباء وباقى الحركات وكمان فيه حاجات اتوماتيك بس خايف يكون مصروفها عالى زى الاتوماتيك ده فعال ولا لا علشان الموديل قديم ولو باظ بكام وحاجتها متوفرة ولا السيفيك اكتر واهم حاجة كنت عايز اسعار قطع الغيار زى سعر الموتور وعمرة الموتور والفتيس والعفش - العفشة بذات قالقانى بيقولوا غالية قوى والرفارف والصاج بتاعها متداول ولا لا وبالنسبة للرفايع الغلسة زى مفتاح النور ودراعات النور واكرة الباب والكلام ده نظامه ايه معلش سؤال كمان هوا الشاسيه فى كل واحد علب صاج زى ال128 ولا شاسيه حديد زى اللادا ؟ وبالنسبة لان الهوندا واطية لو مشيت بيها محملة 5 افراد وحاجات فى الشنطة عادى ولا تعيط ؟ انا لقيت اسعارهم من 10 ل 20 الف وبعد ماكنت ناوى على لادا قلت تغور اللادا من وش الهوندا وابقى هونداوى 
|
|
#2
25-10-2010, 11:22 PM
|
||||
|
||||
|
رد: اشترى انهى هوندا ؟؟
السلام عليكم
أنا عندي هوندا موديل 1983، والحمد لله مستريح معاها قوي وقطع الغيار متوفرة في محلات كتيرة وأسعارها مش غالية قوي يمكن 20 في المية زيادة عن الفيات ال 128 ولكن قطع الغيار معمرة جدا، مثلا العربية معايا من 5 سنين غيرت سلك دبرياج مرة واحدة أول ما اشتريتها والحمد لله لسه حالته كويسة، مثلا فلتر الزيت سعره 15 جنيه، سير الكاتينة 35 جنيه، غيرت الموتور من 5 شهور بموتور استيراد دفعت 1500 جنيه وتركت القديم للتاجر في وكالة البلح، كل قطع الغيار معمرة والحمد لله، والعربية قبل الشراء يجب أن تتأكد من حالتها تكون جيدة واستعمال جيد جدا نصيحة لا تشتري سيارة مهانة أبدا لانك لن تستطيع إعادتها لحالتها أبدا
|
|
#3
26-10-2010, 03:36 PM
|
|||
|
|||
رد: اشترى انهى هوندا ؟؟
انا رحت امبارح محل اسال عليها بس ما فادنيش قوى
|
|
#4
26-10-2010, 05:05 PM
|
||||
|
||||
|
رد: اشترى انهى هوندا ؟؟
بص بقه يا باشا
أنا غاوي عربيات و جربت حاجات كثيررررر في الهوندا 1- كان عندي عربية سيفيك 82 سيدان (اوتوماتيك و تكييف) موتور 1300 55 حصان (لمدة سنتين ) 2- سيفيك 88 (الجيل الرابع) و كانت كاملة منيوال موتور 1500 16 صباب 100 حصان (لمدة 8 شهور ) 3- اكورد 88 (الجيل الرابع ) و كانت كاملة اوتوماتيك 1800 12 صباب 90 حصان (لمدة سنتين) و اسمح لي ان انقل لسيادتكم خبرتي لعلها تفيدكم في الاختيار الهوندا عموما عربيات معمرة جدا و متميزة عن باقي الياباني كله و قطع غيارها غاليه شوية بس تنساها وهي عربيات محترمة كاداء و لكن مشكلتها ان لها وضع خاص شويه ، يعني محلات معينة هيه الي محتكرة قطع الغيار و لو عاوز تحافظ عليها يبقي لازم توديها لميكانيكي متخصص هوندا و فاهم فيها علشان ده ممكن يوفر قطع غيار كثير و عموما الهوندا ما تشتريهاش لو كانت متهانة لان قطع غيارها غاليه مقارنة بالياباني في نفس السنوات بنسبة لا تقل عن 30 - 40 % علاوة علي ذلك انك من الصعب جدا ترجعها فبريكة زي ما انت متخيل تشتري الهوندا نمرة واحد و تعملها صيانة صح هتريحك و هتحس انها الافضل علي الاطلاق و عموما معظم قطع الغيار متوفرة ما بين جديد ياباني و تايواني و استيراد الغريب في الهوندا ان تقريبا معظم اسعار قطع الغيار واحدة يعني مساعدين السيفيك 82 زي الـ 88 زي الاكورد 88 بالرغم من اختلاف الشكل و الموديل الي ان سعرهم واحد (الزوج بـ 600 ج ) و كمان طقم الجوانات و جلب العفشة وتيل الفرامل و السيور و الجوانات و الطلمبات و خلافه معظمهم سعره متقارب جدا من بعضه وفي كثير من الاحيان تقريبا واحد ، الموتور نادرا ما يحدث به أعطال وده أكبر دليل علي مدي جودة الصناعة و الخامات المستخدمة و كمان الصالون و الكهرباء كلهم اعطالهم نادرة بالرغم من قدم عمر السيارة و ده اللي بيميز الهوندا عن غيرها و فيما يلي أعرض بعض الاسعار للأخذ بها علي سبيل الاسترشاد تحسبا لأسوأ الاحتمالات لا قدر الله : - تكلفة طقم الشنبر بلوازمه (حاجات اصلي) حوالي 1200 - 1400 ج بالمصنعيات و بنزين التليين و الزيت كمان و ده معقول جدا و العمرة الصح الكاملة ممكن تتكلف حوالي من 3000 - 3500 ج ، و المواتير الاستيراد في بورسعيد كثيرة جدا و سعرها (بالفتيس) من 3000 الي 5000 ج حسب تكنولوجيا الموتور (عدد الصبابات و السعة اللترية و خلافه ) العفشة غاليه شوية و غالبا معظم القديم بتبقي العفشة فيه متبهدله لأن الملاك السابقين منهم الكثيرين بيبخلوا علي العفشة ، يعني لو هتغير عفشة كاملة امامي و خلفي هتصرف في حدود 3000 ج (خامات جديدة و ياباني ) و اوعي تفكر تجيب عفشة استيراد لانك هتدفع فلوس في الارض و علي فكرة انا كنت خايف من الاكورد قبل ما اشتريها لأن الكثيرين يحذرون من قصة قطع الغيار دي و لكن أنا كنت وقتها معايا السيفيك 82 و في مرة اتعرضت عليا الاكورد و روحت لمحل قطع الغيار اللي كنت بتعامل معاه و سألته عن رايه فيها و احوال قطع الغيار و كانت المفاجأة انها زي ما قولت لك كلها موجودة و سعرها زي السيفيك بالضبط و بالتالي ليه اصرف علي عربية صغيرة لما من الممكن ان اركب اخري كبيرة و بنفس المصاريف و ابقي استفدت من الصالون الكبير و الشنطة و الكماليات و فرق قوة الموتور و خلافه و بالفعل اشتريت الاكورد و كانت حاجة ثانية غير السيفيك خالص ، عربية كبيرة و شيك جدا و قوية جدا و كماليات كثيرة الي الان مش موجودة في كثير من عربيات اخري موديل 2010 بس عموما فتيسات الاوتوماتيك بتاعت الثمانينات في الهوندا بتستهلك جزء كبير من عزم الموتور و خاصة اذا كانت العربية مكيفة كمان ، هتحس انها بتستهلك بنزين كثير و العربية متكتفة مع التكييف علي طول غير موديلات التسعينات خالص و ده لان فتيسات الثمانينات تعتمد علي ضغط زيت اما فتيسات التسعينات فهي كهرباء (وحدة تحكم الكترونية) ، و علي فكرة اعطال الفتيسات الاوتوماتيك بتاعت الثمانينات مش كثيرة زي ما انت متخيل بس انت جرب الفتيس و شوفه بيجيب كل الغيارات ام لا و كذلك نعومة الغيارات و قوة السحب و ان كنت انصح بالمانيوال و ملحوظاتي علي الموديلات اللي سيادتك اقترحتها كالاتي سيفيك 82 عربية اقتصادية في البنزين و ناعمة في المشي موتور 1300 ضعيف علي السيارة (مش عارف اخبارها ايه في المانيوال) في منها كثير بمواتير 1500 سي سي و بيقولوا عليها زي الفل واطيه علي الارض ( انسي موضوع 5 افراد و شنط و بتاع ) هيه اخرها اثنين قدام وواحد في الكنبة او اثنين بالكثير و هتلاقيها وطيت جامد منك و هتحك في 99% من المطبات صالونها ضيق نسبيا قطع غيارها الخارجية في الملموم (فانوس خلفي 55 ج و فانوس امامي 30 ج و شبكة امامية 130 ج ) سيفيك 84 (أنا لم أجربها و لكن بالخبرة كده) صالون اوسع و شنطة اكبر معظم مواتيرها 1500 سي سي نفس تكنولوجيا الـ 83 و دي زي ما قولت بيشكروا فيه جدا شكلها اشيك من الـ 83 أعلي من الـ 83 الاكورد طبعا اكبر بكثير و اوسع موتور 1600 أو 1800 (أداء مختلف تماما) عاليه عن الارض نسبيا عفشة حديد و تستحمل السفر استهلاك بنزين كبير نسبيا داخل المدينة بالذات لو اوتوماتيك و مكيفة بس تستاهل في نظير الثبات و القوة و السعر المناسب مقابل كل الكماليات دي. و نصيحتي لسيادتكم ان تشتري عربية بيتي نمرة واحد و يا ريت تكون اكورد طبعا و عموما ياريت تشرفني بالدخول علي اللينك التالي هتلاقي فيه بعض المعلومات الجيدة و اراء الزملاء ممكن تساعدك :- http://www.masrmotors.com/vb/showthread.php?t=22486 و مبروك مقدما و تقبل تحياتي
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
التعديل الأخير تم بواسطة hossamhussein0 ; 26-10-2010 الساعة 05:26 PM
|
|
#5
26-10-2010, 09:31 PM
|
||||
|
||||
رد: اشترى انهى هوندا ؟؟
|
 |
|
|
