استفسار الى اصحاب الخبره في السيارات المستعمله

[dodod]

كنت عاوزه اعرف يعني ايه الموتور معمله عمره وهل ده بيقصر لما اشتري سياره مستعمله معمولها عمره في الموتو يعني هل ده عيب ام ميزه؟؟؟؟؟ ولما تكون العربيه متجدد فيها العفشه؟؟؟؟
ولما يكون قايل ان البطاريه جديده والكوتش جديد ممكن يكون احتمال انه غيرهم بدل الاصلي اللي باظ بحاجه اي كلام
وهل تفرق البطاريه الجافه في شئ

انا عوزه عربيه كيا بريد او اونو لكن فشلت في موضوع البحث عن طريق مواقع بيع السيارت على النت

طبعا ده كله مش موجود في عربيه واحده لكن انا جمعت الحاجات دي من اكتر من عربيه وقلت اسال لاني جديده في موضوع العربيات ده
ولو لقيت حاجه تانيه مش فاهماهه او محتاره فيها هرجع لنفس الموضوع واسال اصحاب الخبره(طبعا لو حد رد على الاستفسارات دي)

[lolly136]

الموتور معموله عمرة ده معناه انها كانت جايبة موتور و عملوله وش سلندر ولف موتور وده مش وحش قوي

تجديد العفشه : أعتقد يبقى مغير مسعدين وكبالن وماقصات
أكيد الكوتش والبطارية بيتغيروا عشان دي حاجات مستهلكة
ولما يقول إنهم جداد يبقى هو لسة مغيرهم
البطارية الجافة افضل

أرجو أكون افادت حضرتك
وردي عليك مجرد وجهة نظري

[sharooo]

السلام عليكم
1-لما تحبي تشتري عربيه العامل الئيسي هو الميزانيه. قولي انتي حاطه ميزانيه كام والناس في المنتدى هتقترح عليكي ويشرحولك وجهه نظرهم
2-يا ريت تشيلي اونو من حساباتك عشان قطعها غاليه وقليله في السوق
3-لو تخليكي في كوري هيكون افضل من نواحي كتير(توفر قطع الغيار واسعارها وزمن اعاده بيع السياره و وسع السياره من الدخل وعزم المتور مقارنه بالسعه اللتريه وحجات كتير جدا)

وبالمناسبه المتور نوعين(ميكانيكا وكهرباء)لما الكهربا بيتعمر بيعيدو لف ملفاته لكن لما الميكانيكا بيتعمربيغيرو بساتمويخرطوه ويغيرو سبايك وحجات تانيه كتير
انشاء الله ربنا يسهل ونعمل موضوع متكامل في المنتدي نشرح فيه عمره المتور

[dodod]

المشاركة الأصلية كتبت بواسطة lolly136 الموتور معموله عمرة ده معناه انها كانت جايبة موتور و عملوله وش سلندر ولف موتور وده مش وحش قوي تجديد العفشه : أعتقد يبقى مغير مسعدين وكبالن وماقصات أكيد الكوتش والبطارية بيتغيروا عشان دي حاجات مستهلكة ولما يقول إنهم جداد يبقى هو لسة مغيرهم البطارية الجافة افضل أرجو أكون افادت حضرتك وردي عليك مجرد وجهة نظري

يعني تجديد العفشه و الكوتش والبطاريه وعمرة الموتور شئ جيد في العربيات المستعمله

جزاكم الله خيرا على الرد والمساعده

[dodod]

المشاركة الأصلية كتبت بواسطة sharooo السلام عليكم 1-لما تحبي تشتري عربيه العامل الئيسي هو الميزانيه. قولي انتي حاطه ميزانيه كام والناس في المنتدى هتقترح عليكي ويشرحولك وجهه نظرهم 2-يا ريت تشيلي اونو من حساباتك عشان قطعها غاليه وقليله في السوق 3-لو تخليكي في كوري هيكون افضل من نواحي كتير(توفر قطع الغيار واسعارها وزمن اعاده بيع السياره و وسع السياره من الدخل وعزم المتور مقارنه بالسعه اللتريه وحجات كتير جدا) وبالمناسبه المتور نوعين(ميكانيكا وكهرباء)لما الكهربا بيتعمر بيعيدو لف ملفاته لكن لما الميكانيكا بيتعمربيغيرو بساتمويخرطوه ويغيرو سبايك وحجات تانيه كتير انشاء الله ربنا يسهل ونعمل موضوع متكامل في المنتدي نشرح فيه عمره المتور

متشكره جدا على الرد وانا كده اتاكدت اني مش فاهمه اي حاجه في موضوع العربيات ده
انا كنت عامله موضوع فعلا ودخلت دلوقت حددت السعر لعلى وعسى
http://www.masrmotors.com/vb/showthr...106#post267106
وانا فعلا اول مره اعرف ان فيات اونو قطع غيارها غاليه وقليله
بس كنت عوزه اسال برده هي عمرة الميكانيكا او عمرة الكهرباء شئ كويس ولا سئ؟؟
وانا سمعت ان كيا بريد موتورها 1000او1100 فلما الاقي واحده1300 هل ده كويس ام سئ؟
وشكرا على الرد