تشغيل الأيفون على كاسيت السيراتو بنجاح

[aalim]

هناك اوبشن فى كاسيت السيراتو لتشغيل الأيبود و الأيفون و المفروض ان فيه وصلة مخصوصة بتنزل مع العربية بس ما بتجيش مصر
المهم اشتريتها من على الebay ب15 دولار و حربتها و شغال روعة

بيقرا الاغانى اللى على الايفون و تتحكم فيها من الكاسيت و كمان بيشحن فى نفس الوقت

طبعا انت تقدر توصل وصلة AUX عادية بس مش هاتتحكم فى الأغانى و لا تقدر تختار او تقدم أو تأخر يا دوب تعلى و توطى

و القوائم بتاعة اختيار الاغانى مختلفة تماما عن الUSB و بتلاقى مكتوب على الشاشة ipod مكان كلمة USB

وده شكلها


و الله المستعان

[احمد شوغى]

الله ينور عليك مشكور جداً

[BASSEM BESO]

عبقرى يا باشا وشكرررررررررررراااااا على نقل تجربتك

[tohamy]

ياريت لو تقولنا انت اي فون 3G ولا 3GS وهل بيطلع رسالة error على الـ iphone لما بتوصله ولا لأ ؟
وياريت لو تبعت اللينك بتاع المنتج على الاي باي
ولك جزيل الشكر مقدما

[tohamy]

معلش انا نسيت حاجة كمان.......
هل ممكن وانت موصل الايفون اجراء المكالمات والرد ( من عجلة القيادة ) وتتكلم عادي ؟ ولا بتسمع بس صوت الموبايل بيرن في سماعات العربية بس من غير امكانية الرد واجراء المكالمة ؟ ولا لا ده ولا ده ؟
انا اسف طول عليك . اصل انا كنت ناوي اشتري الوصلة دي من الوكيل ولاقيت تمنها غالي اوي 385 جنيه وانا عندي اساسا وصلة AUX مع مايك لاجراء المكالمات وكنت عيز اعرف الوصلة دي تستاهل تمنها ولا لأ.
شكرا