محتااااااااار بين الانوس و النوبيرا ارجو المساعدة

[mido2010 2010]

مساااااااااء الفل انا محتار بين الانوس و النوبيبرا ياريت حد يكون جرب ال 2 و يقولي الميزات و العيوب و استهلاك البنزين و قطع الغيار و معدل الاسعار (المنيوال) مع العلم انا هشتري مستعمل ارجو الافادة من اصحاب الخبرة

[mido2010 2010]

فيييييين الردود يا جماعة ؟؟؟؟

[Ahmed.gunners]

حضرتك انا جربت الانوس كان معايا حوالي6سنين من سنة 99 لحد سنة2006 العربية بصراحة ممتازة جدااااااااااااااااااااا استهلاك بنزين تقريبا مفيش وخاصة علي الطرق السريعة الثبات بتاع السيارة معقول جدااااا المساحة الداخلية للسيارة متوسطة ولا كبيرة اوي ولا ضيقة اوي صيانتها خفيفة اوي وقطع غيار رخيصة بتتباع عند البقال زي ما بيقولوا وسعرها في السوق اخرها يوم ما تكون نضيفة اوي متعديش 46 الف
اما النوبيرا بصراحة معرفش عنها كتير

[Injection]

زى ما أحمد باشا قال بالظبط, اللانوس عربية جميلة جدا, أستهلاكها للبنزين قليل, ثبات ممتاز حتى 120 وبعدها بيضيع, تكسر حاجز 160 كيلو كسرعة وبعدها التسارع أشبه بالسلحفاة, قطع غيار رخيصة جدا وموجودة فى كل حتة, صيانة سهلة وبسيطة وأى ميكانيكى يشتغل فيها, عائلية وواسعة من الداخل, بس تستحمل 5 أفراد بالعافية علشان هتوطى على الأرض جامد واسحب هيقل شوية.

النوبيرا عربية ممتازة, حجم كبير وصالون واسع, شكل فخم, موتور قوى وأستهلاكه فى البنزين كويس, قطع الغيار متوفرة لكن مش زى اللانوس, الصيانة سهلة برضه ومش محتاجة خبير, ثبات جبار بسبب أتساع قاعدة العجل بتاع العربية, وبتوصل لسرعات عالية وفيه ناس بتقول أنها بتعدى 200 كيلو فى الساعة, حجمها كبير حبتين فلازم تتعود على أبعادها.

اللانوس فى فئة تانية غير النوبيرا تماما ومينفعش يتقارنوا ببعض, بس لو أتقارنوا النوبيرا تكسب من حيث الأداء والأتساع والفخامة, واللانوس تكسب من حيث "العملية" لسهولة الصيانة والمشى بيها فى المدينة ورخص "تكاليف تشغيلها" بالنسبة للنوبيرا.

اللانوس زى ما أحمد باشا سعرها حوالى 40 الى 48 ألف جنيه حسب الحالة والموديل ألخ والنوبيرا بتبتدى من 45 الى 50 ألف برضه حسب الحالة والموديل والعداد ألخ, وممكن حضرتك تشوف متوسط الأسعار من كونتاكت كارز.

http://contactcars.com/default.asp

[mido2010 2010]

اول حاجة شكرا علي الاهتمام و الرد
تاني حاجة هو استهلاك النوبيرا في البنزين عامل زي الادا يعني بتاكل بنزين ؟؟