هل من معلومات عن هوندا سيفيك 2004 في مصر؟

[khatypically]

أولا أحب أشكر كل القائمين على الموقع لأنه فعلا مميز وفيها مشاركة معلومات ممتازة وتوفر تعب على كثيرين خاصة إن ثقافة السيارات هنا في مصر مش على المستوى المطلوب.
ثانيا أنا سألت السؤال ده قبل ذلك ولكن في منتدى المستعمل، ولكن يبدو إني كان مفروض أسأله هنا في منتدى الهوندا. كنت أتساءل عن السيفيك 2004 ، معروض علي واحدة LXi كاملة أوتوماتيك ماشية 90 ألف كيلو متر وصاحبها عاوز 82 ألف جنيه بس العربية فابريقة بمعنى الكلمة. أنا رحت شفتها لقيتها ماشية فقط 84ألف و استعمال سيدة لدرجة ماغيرتش حتى تيل فرامل لحد الآن، بها بعض الخدوش البسيطة اللي تغيظ ولكن ليس بها خبطات على الإطلاق والموتور صوته ممتاز والفتيس نقلاته ممتازة ومافيهوش لا نتش ولا أصوات

أنا كنت بافكر في الزيرو الأوتوماتيك في حدود ال 80 ألف. بس وجدته كله كوري أو صيني تقريبا و بصفتي كنت قاعد في الخارج وعارف الهوندا كويس، أرى إن الهوندا حتى لو مستعملة من أفضل السيارات ومناسبة لمصر جدا من ناحية احتمالها ولكن يعيبها فقط أنها منخفضة،

أنا خايف من موضوع قطع الغيار، لا أدري إذا كانت موجودة ومتوفرة ولا لأ، ومش عارف أسعارها إيه، وهل هي متوفرة خارج الوكالة ولا لأ وعند مين؟ أما بالنسبة للصيانة فأنا أفضل دائما الصيانة في التوكيل.

فما رأيكم دام فضلكم؟

أبو باسم الخطيب

[الاستاذى]

ايهما افضل ولماذا تيوتا 1994 ام هوندا1995 ارجو الافادة

[@واحد من الناس@]

مبدأيا هى تعتبر واطية شوية على الأرض أما بنسبة لصيانتها وقطع غيرها فى بورسعيد والتوكيل وعربية جميلة جدا مع واحد صحبى

[khatypically]

شكرا يا واحد من الناس
أنا فعلا جربتها لقيتها واطية، ولكن عربية شديدة فعلا وسلسة جدا في نفس الوقت. أنا شخصيا شايف إن الهوندا هو أحسن ما في الياباني (اللي بييجي مصر طبعا) وإنها برقبة الكورولا والبلوبيرد و لا ينافسها إلا السوبارو اللي مش واخدة حقها في مصر.

يالله، نصيب، هانعمل إيه؟

[ramy01011]

عربية تحفة و احلي من الكورولا بكتير رغم اني بمتلك الكورولا بس عيبها ان قطع غياارها غالية جداا بس معمرة