مش عرف اختار اسم للموضوع ده بجد

[مصطفى محمد منصور]

اولا السلام عليكم ورحمة الله وبركاته الموضوع ده مهم جدا وبجد حاجة تخنق جدا وتكره الواحد فى اي عربية جديدة قبل ما اتكلم احب اهدي التحيات لاصحاب المنتدى الكرام واساتذة السيارات الموجودين واخوتي الكرام بالمنتدى وصراحة دا اجمل المنتديات للسيارات اللي لقيتها على النت اسف لطيله الكلام
المهم ندخل فى الموضوع
اولا مش عارف ليه
انا اتخنقت من كل العربيات الجديدة سواء كانت يابانية او كورية او صينيه وانتو طبعا عارفين حاجة زي دي بس انا حبيت بعد اذنكو الفت نظركم لحاجة مهمة وهي ان كل العربيات الجديدة سواء تويوتا او ميتوسبيشي او نيسان او سوبارو حتى او هيونداي او هوندا مش عارف ليه كل العربيات دي اول لما بيعدي عليها فترة بسيطة مثلا مبتكملش سنة بتلاقي العربية شكلها بقى وحش جدا وتحس انها عربية مستعملة بقالها مثلا 5 سنين مع انها موديل السنة ومش عارف السبب فى كده ايه مع كل احترامي لكل الماركات والعربيات دي ليها احترامها جدا او ممكن يكون اهمال لكن معظم اصحاب العربيات الجديدة بيحافظو عليها انا حاولت اوصل للسب لقيت انو هو تقريبا 95 % بسبب شوارع المحروصة ربنا يحرصها طبعا كلنا عارفين شوارع مصر كل ماشية ازاي وشكلها عامل ازاي حسيت ان ده بيهين شكل العربية من تحت وبيهد عفشة العربية هو ده السبب اللي بيخلي العربية شكلها وحش اوي وتحس انها مستعملة ومحدش يقول لا احنا كل لما نزل الشارع نشوف العربيات الجديدة كلها زعلانة فى الاكصدامات وتحس ان شكلها هبطت وتحس ان مفيهاش عزم ومتبهدلة وتحس انها قديمة مع انها جديدة ده فى العربيات الياباني والكوري والتويوتا تشهد على كده واللانسر كمان اكتر شاهد على كده والالنترا والاكسنت والشفروليه افيو وكروز واوبترا وسبارك واللانسر خاصة الجديدة شكلها بتبقى مستعملة اوي من 6 شهور لكن لكن ومليون لكن



تعالى العربيات الالماني كافة والالماني كلو سواء سكودا او فولكس فاجن والبي ام تلاقي موديلاتها القديمة موديل ال 80 و 70 و90 كانها لسه جديدة لنج وتحس ان العربية اصلا شكلها قوي زي ما هو ده كل العربيات الجديدة كلها بقت زي الورق ده لو حد قعد لبعربية تتطبق المهم الشاهد على كد شوفو العربيات الاوبل القديمة فيكتر واستر وشوفو الباسات من اول 98 شوفو شكلها عامل ازاي حتى لو العربية مخبوطة وصاحبها مش مهتم بيها تلاقي برده شكل العربية جامد يعني الالماني الماني سواء جديد او قديم مع انك تشوف نفس العربيات دي كلها بره شكلها كانها فابريكة مش عارف ليه عشان احنا هنا بتنزل مواصفات مختلفة هههههه واسطه هههه مش عارف اقول ايه بس هقولك يبقى انت اكيد فى مصر
ابتسم انت فى مصر لا اما السبب التاني فى شوارع المحروصة ده حتى العربيات الاسكودا القديمة تلاقي صاجها قوي ولسه قوية جدا وتمن العربيات الالماني وهي مستعملة لسه غالية بردو وفعلا تستهال يعني باسات 98 ب80000 الف ممكن تجيب اكسنت جديدة لكن الباسات افضلو مليوووووووون مرة منها وكلنا عارفين دي العربيات الالماني دي ملهاش مثيل وشوفو الاوكتافيا a5و a4 بتبقى لحد انهارده لسه جديدة وسريعة وكل العربيات الالماني ممكن يكون مسمعناش مشاكل عنها ولو سمعنا تكاد لا تذكر واهم حاجة عمرنا ما شوفنا عربية الماني تاكسي لا الالمان مانعين الحكاية دي تقريبا فى عقد العربيات دي ممنوعة تتعمل تاكس مفيش منها تاكس غير المرسيدس القديمة اوي بتاعة زمان اللي هي تكاسي فى اسكندرية كمان بقت شبه معدومة عمرنا ما شوفنا اسكودا تاكس او بي ام دبيلو تاكس حتى فى الخليج ده دليل ان العربيات الالماني ليها احترامها الفائق الشديد عمرنا ما سمعنا حد اشتكى من الالماني حتى لو فيه دي مشاكل بسيطة جدا وغالبا ومعظمها من سوء الاستخدام دا انت عندك الجولف القديم بيعلم على عربيات 2010 واقوى منها واشد منها مع ان الجولف ممكن تكون 1000 سىسى انا نفسي حد يقولي رايه فى الموضوع ده او حد يفهمني ليه كده اشمعنى الالماني ده العربيات بتنزل فى كل حته 2000 سىسى واعلى اشمعنى احنا واذا نزلت بتكون جماركها 200% طيب ليه كده اجيب عربية وادفع تمنها مرتين بذمتكو مش حرام وفى صالح مين ده فى تونس العربيات معليهاش جمارك بسش بشرط كل مواطن ليه عربية واحد انا كنت اصلا فى سلطنة عمان بجد حرام اللي بيحصل فينا عشان تجيب عربية حلوة صعب تجيبها ولو جبت فى المعقول تلاقيها مكملتش سنة وبقا شكلها مستعمل من 5 سنين بجد مش عارف نعمل ايه فى البلد دي هو بعد الالماني مفيش عربية
انا بتأسف جدا على الاطالة بس بجد حاجة تخنق الوةاحد ومفيهاش حل خالص ومتشكر جدا لكل اعضاء المنتدى الكرام وبتأسف مرة اخرى على الاطالة

[الصيداح]

حقيقة لا جدال فيها بالفعل كلامك مظبوط مليون في المية ووالله العظيم أنا ملاحظ ذلك من زمن
بس لم أحب أن أعرض هذه الفكرة علشان ملاك الياباني والكوري لكن طالما أنك أنت البادئ وأنا براءة
فلنتكلم إذا
السبب الرئيس في هذا الموضوع هو ضعف جسم السيارات اليابانية و الكورية ضعفا غير مبرر
فبصراحة أنا أعشق السيارات الكورولا والسيفيك وخاصة السيفيك لأن لها تصميما جذابا جدا ومظهر داخلي ممتع جدا لكن لن تحيا طويلا في بلدنا مع ضعف الصاج الخاص بها
ورأيت سيارات كثييرة جدا سواء الكورولا أو السيفيك أو غيرهما من الياباني أو الكوري وكانت في حال يرثى لها بالرغم من كونها موديل السنة
لكن ضعف الجسم والهيكل العام للسيارة تجعل من أي خبطة صغيرة أو حتى سندة عليها أو تريحة لها الأثر البالغ في جسم السيارة
وأكره الرينو أيضا بسبب هذه الصفة أيضا
أما الكوري فمحركات قوية على أجسام صغيرة وخفيفة جدا جدا فتجدها تطير من على الأرض لكن لا ثبات
لكن الألماني له بريق لامع في موضوع قوة جسد السيارة والمحافظة على أدائها والثبات الممتاز
لكنها تظل مدارس فالصانع الياباني يريد محركات قوية على أجسام ضعيفة نسبيا فتجد أن السيارات تسير بسرعات عالية جدا لكن يعيبها قلة الثبات
على عكس الصانع الألماني ذو المحركات القوية أيضا لكن على أجسام قوية فتجد التسارع أبطأ من الياباني على السرعات المنخفضة لكن عمر أطول بكثييير للسيارات وهياكلها

لكن الفكرة أن لكل من هذه السيارات والمدارس أسعارها والتي تناسب جميع الفئات والطبقات فأنا لا ألوم الذي يشتري الكوري أو الياباني على الإطلاق لكن بصراحة ألوم
من يدفع 150ألف في سيارة وليدة اليوم كالبريليانس على ما أعتقد اسمها جالينا (( فضلا على أنها صناعة صينية والتي لم ترقى للكورية حتى في مجال السيارات ))وينسى الأوكتافيا مثلا

هذا من وجهة نظري وللجميع الحق في إبداء الأراء مختلفة كانت أم متفقة
وجزاكم الله كل الخير

شكرا لموضوعك المتميز

[Kemo Kono]

طبعا عندك حق ......كان معايا مرسيدس 1974 ...ايوة موديل 74 يعنى بعد حرب اكتوبر بسنة ...و بعتها من 4 سنين تقريبا ...و المفاجأة انى بعتها بنفس التمن اللى اشتريته بيها سنة 1995 ...يعنى 10 سنين و منزلتش جنيه ...مش كده و بس ..ده انا كان ممكن ابيعها ف ايام كانت تتباع بمكسب ...ده معناه ان الناس لسه بتقدر و الزمن بيقف عند العربيات دى ...واحد قريبى جاب اوكتافيا زيرو من 2005 A5 بعد ما كان معاه مرسيدس 83 ممتازة ....بيقولى ان مفيش فرق ف السواقة ....الالمانى زى ما هو ..مع فارق الصاج طبعا اللى ضعيف نوعا ما ف الالمانى الجديد بس برضه اقوى من اى عربية كورى او يابانى .......الالمانى لا يعلى عليه و ده كلام الناس اللى بتفهم ....طبعا الالمانى غالى عشان الجمارك ...بس برضه الغالى لما يبقى المانى يبقى تمنه فيه و زياده ..مش زى الصينى ( الصينى ربما يكون كويس او جيد و لكن برضه سمعته هتفضل معاه سنييييين ...لانه صينى ) ولا زى اليابانى ..... الواحد بيحلم انه يركب عربية عائليه زى الناس بس للاسف مفيش عربية تلبى احتياجاتى الا ال Vito ..و طبعا جمرك كتير ...لذلك اتمنى انى اشوف فيتو مرسيدس واقفة ف صالة و تكون جديدة و سعرها مناسب .......ياريت الجمارك دى تتشال او تتخفض ......حلم جميل صعب المنال ( ياريت تقرأ موضوع حملة خليها تصدى و موديلها يعدى من توقيعى ) ياااررررررررررررررررررررر ييييييييييييييييييييت نعرف نركب المانى جديد بسعر غالى ....مش بسعر ناار زى دلوقتى ....اكيد عندك حق ...اسف على الكلام الكتير اللى كتبته
****صح الشىء بالشىء يذكر انا قريبى عايز يبيع عربيته الاوكتافيا 2005 A5 اول يد كاملة اتوماتيك عدادها 47الف كم ...عشان عايز يجيب فانتازيا الجديدة ...للتفاصيل ع الخاص او
(0109112342 تليفون ابن صاحبها )

[مصطفى محمد منصور]

طبعا يا جماعة ان بشكركم جدا على ردودكم بس لازم الموضوع ده ياخد مجال اكبر من كده بكتير لان دي حقيقة مش كلام وشكرا مرة تانية على تفاعلكم فى الموضوع

[mido_4up]

انت معاك حق فى كلامك على فكره ....