محتار: أتوماتيك - اوكتافيا 2000 vs فيكترا 2001

[MarEgypt]

ايه الأفضل أتوماتيك ؟

فى الاساس بأفكر فى الالمانى:
أوكتافيا موديل 2000
فيكترا موديل 2001

من حيث
- قطع الغيار سعرها وتوافرها
- الفخامه والشكل الخارجى
- الكماليات ووسائل الامان
- استهلاك البنزين
- الميكانيكية الى فهمين فى العربيه<!-- google_ad_section_end -->

ملحوظة: سواقتى هاديه ومش باحب السرعه بالكتير 120 كم/ساعه
واولوياتى الاعتماديه و الثبات ثم الشكل و الكماليات ثم قلة الاعطال ثم رخص قطع الغيار

[eng_ahmed_90210]

الاوكتافيا افضل لاني مبتفائلش بالاوبل اصلا
الاوكتافيا فخمه و واسعه عن الاوبل و ثابته علي الارض و قطع غيارها غاليه بس معمره و اي ميكانيكي بيشتغل فيها
الاوبل شكلها مش لطيف و كمان عفشتها تعبانه ( تجربه شخصيه ) بس نظام قطع غيارها و صيانتها زي الاوكتافيا

[hazem_khidr]

اهلا و سهلا بحضرتك في مصر موتورز
بالنسبه للمفاضله بين السيارتين اعتقد الاثنين متشابهين
من حيث الجوده و الفخامه و عوامل الامان و اسعار قطع الغيار
و لكن شكل الاوكتافيا اكثر حداثه من شكل الفيكترا

[MarEgypt]

بشمهندس أحمد eng_ahmed_90210
الف شكر على رد حضرتك وفعلاً كلام حضرتك مقنع ومتفق مع رأى أستاذ hazem_khidr

استاذ حازم hazem_khidr
الف شكر والمنتدى منور باصحابه
الحقيقه الى محيرنى انهم فعلا قريبين من بعض خالص
لكن ذى ما حضرتك قولت الاوكتافيا فعلا تتميز فى الشكل الشيك والحديث

اسمحولى اخد رأيكوا فى حاجه كمان
فى الاساس انا كنت محتار ما بين باسات 1998 اتوماتيك واوكتافيا 2000 اتوماتيك وفيكترا 2001 اتوماتيك (كلهم 1600 سىسى)

وبعدين استبعدت الباسات عشان سمعت ان قطع غيارها غاليه وخاصة العفشه بتبوظ بسرعه

لو مقارنه بين : باسات 1998 اتوماتيك vs اوكتافيا 2000 اتوماتيك

ايه رأى حضراتكم فى الباسات ؟ وفى الكلام الى عليها؟ وتنصحوا بأيه؟
وأفكر فيها ولا أبعد عنها واركز فى الاوكتافيا؟

وانا شاكر جدا مروركم والموضوع اتشرف بأسمكم فيه

[eng_ahmed_90210]

الاوكتافيا تكسب برضه
الباسات ال 98 كانت مع زوج خالتي
هي العربيه كويسه بس شكلها قديم
ده غير عيب العفشه
فمتحيرش نفسك و خليك في الاوكتافيا