عملت حادثة و عايز مساعدتكم فى التصليح

[BLUE88]

ya gama3a ana lisa gayeb verna 2011 zero min esboo3 we 3amalt 7atsa embari7!! el bab el yemin wara etaba2 gamid we mish byfta7.. we el rafraf bardo etaba2 gamid.. we el 3agala dakhla li gowa shiwya... bs raga3t bel 3arabeya siwa2a lil bit ya3ni lisa betmshy =) taba3an el hamdlilah 3ala kol shii2... knt 3ayz 2as2alako we akhod ra2yako 2asala7ha fin?? ana min alex 3ala fikra... eh ra2yako fil tawkiil? ana kalimtohom 2aly el rafraf el wara da mish bytghayar lazim samkara we da 3and bawabt alex kda fi markaz taba3 hyundai bayen... elmohim ento eh ra2yak atsaraf ezay ya ahl el khebra ma3ndiish moskhila law ghalya shiwaya bas tikon tasli7 nidiif....bs mish si3r gononi ya3ni... mistany radokoo???

يا جماعة أنا لسة جايب فيرنا 2011 من إسبوع و عملت حادثة إمبارح !!
الباب اليمين إللى ورا إطبق جامد و مش بيفتح .. و الرفرف برضه إتطبق جامد .. و العجلة داخلة لجوا شوية.. بس رجعت بالعربية سواقة يعنى لسه بتمشى =) طبعا الحمد لله على كل شئ...كنت عايز أسألكم و أخد رائيكم أصلحها فين ؟؟ أنا من إسكندرية على فكرة ... إيه رائكم فى التوكيل؟ أنا كلمتهم قالى الرفرف إللى ورا ده مش بيتغير ﻻزم سمكرة و ده عند بوابة إسكندرية كده فى مركز تبع هيونداى باين ... المهم إنتم إيه رائيكم أتصرف إزاى يا أهل الخبرةمعنديش ممشكلة لو غالية شوية بس تكون تصليح نضيف ... بس مش سعر جنونى يعنى ... مستنى ردكم ؟؟؟

[حسام البورسعيدى]

غير باب ورفرف وهاتهم بلون العربية ومتعملش سمكرة ولا دهان .. حرام عربية 2011 تعملها سمكرة

واحسن تعملها فى التوكيل بس هتدفع كتييير بس مضمون اكتر ...

وربنا يعوض عليك .........

[mahranahm]

انا معرفش تعمل ايه بس انا لقيت نفسى عايز اوسيك معلش الحمد لله انك كويس
وقدر الله وما شاء فعل
واذا احب الله عبدا ابتلاه
وان شاء الله يعوضك خير

[khaled_1993m]

و الله مش عارف اقول لك ايه بس الحمد لله علي كل شئ بص انا رأيي انك تغير الباب و تحاول تغير الرفرف بس طبعا يكون في التوكيل دي 2011 فحرام يعني

[Kemo Kono]

جات سليمة طالما ف الصاج ..يبقى فداك ف الاول و ف الاخر ......صون العربية تصونك ..وديها اى مركز صيانة معتمد و اعرف التصليحات كلها هتكلف كام و اعمل الحاجات الحساسة هناك يعنى لو فى حاجة ف العفشة او المقصات صلحها هناك و ما تستخسرش انما السمكرة و الدوكو ممكن تلاقى الف سمكرى ممتاز جدا و هيظبطهالك ......و ربنا يوفقك اهم حاجة اوعى تعمل حاجة نص نص ...اديها اللى عايزاه و ربنا يعوض عليك