إلحقونى يوجد زيت فى قربة المية معقول

[MOHAMED22]

فتحت كابوت السيارة وقلت ألقى نظرة على مستوى الزيت وكذلك زيت الباكم وأشوف مياة اليداتير وفتحت غطاء القربة وكانت المفاجئة الكبرى حيث وجدت المياةالخضراء فى القربة مليئة بالزيت ولونها مثل الطحينة وكل مافعلتة هو أننى قمت بفك كل الخراطيم المتصلة بالقربة وقمت بتفريغ القربة وقمت بغسلها وأعادة تركيبها وقمت بملئها بمياة خضراء وسوئالى هو من أين أتى الزيت لداخل قربة المياة وهل فية خطورة على الموتور مع العلم بأننى كنت مغير طقم قواعد الموتور منذ شهر تقريبا والميكانيكى قد قام بفك خراطيم المياة وبناء على ذلك تم سكب المياة الخضراء على الأرض وبعد الأنتهاء وضع مياة خضراء من عندة وسؤالى هل المياة التى وضعها الميكانيكى كانت مخطلطة بالزيت ويكون هذا السبب أم يوجد سبب أخرمع العلم بأن حرارة السيارة طبيعية وكذلك سحب السيارة طبيعى وكذلك لون العادم طبيعى جدا ولايوجد بة أى تغير أرجو من الأخوة الأعضاء أبداء الرأى الفنى فى هذة المشكلة لأن الوضوع دة عاملى صداع مزمن .... وأسف على الأطالة ..... وشكرا
( ملحوظة ) السيارة دايو ماتيز

[aymanay32]

روح للميكانيكى
كدة عندك مشكلة فى الماتور و جهز مبلغ معاك عشان الحاجات اللى هتتغير

[eng_ahmed_90210]

غالبا طقم شنبر

[احمد على 1999]

ان شاء الله مفيهاش حاجة
نسيت تقولنا بعد ما غسلت القربة و حطيت ميه جديدة هل ظهر الموضوع تانى ؟(مع انى كنت افضل انك تفضى الدورة كلها طالما شاكك ان الميه الى كانت عند الميكانيكى هى الى كان فيها زيت)

لو الموضوع مظهرش تانى يبقى تحليلك كان صح
برضه لو ظهر تانى خليك على استنتاجك و فضى الدورة بالكامل و نضف بميه و بعدين حط ميه خضراء و شوف حيظهر تانى و لا لأ
لو ظهر تانى يبقى تبتدى تشك و تتابع مستوى الزيت
لو مبينقص يبقى لسة الدورة محتاجة تتغسل
لو بينقص يبقى نشك
1- لو العربية اوتوماتيك يبقى شك فى الرادياتير الجزء بتاع زيت الفتيس اتخرم و بيسرب زيت الفتيس على ميه الرادياتير) و للتاكد تابع مستوى زيت الفتيس الاوتوماتيك
2- جوان وش السيلندر بينفس من حتة ضغط الزيت فيها عالى فبيقدر يدخل على الميه من خلال الشميس (مع ان ده عكس المعتاد ان دايما الميه هى الى بتيجى على الزيت)

[MOHAMED22]

المشاركة الأصلية كتبت بواسطة احمد على 1999 ان شاء الله مفيهاش حاجة نسيت تقولنا بعد ما غسلت القربة و حطيت ميه جديدة هل ظهر الموضوع تانى ؟(مع انى كنت افضل انك تفضى الدورة كلها طالما شاكك ان الميه الى كانت عند الميكانيكى هى الى كان فيها زيت) لو الموضوع مظهرش تانى يبقى تحليلك كان صح برضه لو ظهر تانى خليك على استنتاجك و فضى الدورة بالكامل و نضف بميه و بعدين حط ميه خضراء و شوف حيظهر تانى و لا لأ لو ظهر تانى يبقى تبتدى تشك و تتابع مستوى الزيت لو مبينقص يبقى لسة الدورة محتاجة تتغسل لو بينقص يبقى نشك 1- لو العربية اوتوماتيك يبقى شك فى الرادياتير الجزء بتاع زيت الفتيس اتخرم و بيسرب زيت الفتيس على ميه الرادياتير) و للتاكد تابع مستوى زيت الفتيس الاوتوماتيك 2- جوان وش السيلندر بينفس من حتة ضغط الزيت فيها عالى فبيقدر يدخل على الميه من خلال الشميس (مع ان ده عكس المعتاد ان دايما الميه هى الى بتيجى على الزيت)

أنا ذهبت أنظف اليداتير وأغير المية وقالى روح للميكانيكى الأول وبعد ماتخلص عندة تعالى انضف اليداتير والدورة المهم روحت للمكانيكى وقالى المية هى ألى جت على الزيت هافك ونشوف وش سلندرممكن تكون محتاجة جوان أوممكن تكون الطبةالمهم تركت لة السيارة وغدا سوف أعرفكم ماذا حدث وربنا يستر