#1
|
|||
|
|||
أريد تركيب فرش جلد لسيارتي
الأخوة الأعزاء
هذه أول مشاركة لي في هذا المنتدى الرائع وإن شاء الله لا تكون الأخيرة قمت بشراء سيارة مازاد 3 موديل 2010 واريد تركيب فرش جلد لها فما هو أفضل مكان للتركيب في الأسكندرية؟ وهل الأفضل عمل فرش تفصيل أم جاهز؟ لقد دخلت على منتدى سبير كار ووجدت تشكيلات رائعة ولكن للأسف فروعه كلها بالقاهرة ولا توجد فروع بالإسكندرية .. فهل يوجد بالإسكندرية مكان بنفس المستوى؟؟ ولا يهم السعر طالما الجودة ستكون مرتفعة وأشكر لكم مساعدتكم |
#2
|
رد: أريد تركيب فرش جلد لسيارتي
أولاً مرحباً بيك وسط إخوتك من أعضاء منتدى مصر موتورز ونتمنى أن تستفيد من هذا المنتدى ومن خبرات أعضاءه الكبيرة ، كما نتمنى الإستفادة من مشاركاتك فيه
بالنسبة لتركيب فرش للسيارة هاقولك أنا عملت إيه ، تروح الإبراهيمية ( شارع أبو قير ) بعد الإشارة الصغيرة على شارع سينما ريفيرا فيه واحد بتاع جلد ها تروح عنده وتعطيه موديل العربية وتنقى نوع الفرش المطلوب سواء جلد أو قماش وكذلك تنقى اللون المطلوب وهوعنده عينات من جميع الأنواع وتسيب له العربون وتستلم الفرش جاهز فى أول يوم ثلاثاء بعد الحجز لأن الفرش ده بيتعمل فى القاهرة ، وبعد كده تاخده لأى سروجى يركبه لك ......دى فكرة أولى الفكرة الثانية فى واحد بتاع فرش موجود فى الأزاريطة اسمه مرجان وعنده تشكيلة رائعة من جميع الأنواع تاخده منه وفى واحد سروجى شاطر جداً اسمه عماد فى نفس المنطقة هايركبه لك وهانتبسط من شغله جداً جداً وأنا تحت أمرك فى أى استفسار ت: 0114279959
__________________
م . نبيل عبد الرحمن مصر موتورز الإسكندرية
|
#3
|
|||
|
|||
رد: أريد تركيب فرش جلد لسيارتي
شكرا لك يا أ/ نبيل على اهتمامك
سأقوم باختيار أحدهما ان شاء الله بمجرد ترخيص السيارة والتأكد من التوكيل أن تركيب فرش للسيارة مسموح به لأني سمعت ان في توكيلات بتشيل الضمان لو اتعمل اي حاجة في العربية حتى لو كان تركيب فرش |
#4
|
|||
|
|||
رد: أريد تركيب فرش جلد لسيارتي
و في كمان واحد شاطر جدا جدا اسمه جابر تقريبا في الشاطبي .. اول ما تدخل شارع بورسعيد خد يمين من عند البنزينة هتلاقيه في نص الشارع
|
#5
|
|||
|
|||
رد: أريد تركيب فرش جلد لسيارتي
طالما التكلفه مش فارقه معاك انا لو منك انزل القاهره يوم عند جينز كار بجد مش هتلاقى حد يعمل زيه بيعمل فرش تحفه
|
|
|