يارجالة, جبتلكوا صور لولا, عربيتى.

[Injection]

بما أن النهاردة أول يوم رمضان, ويوم بركة يعنى, أنا حبيت النهاردة أبوظ اليوم عليكوا وأوريكوا صور لولا, اللانوس الخارقة, بتعديلات "خاصة" لم يراها بشر, لو صايم أطفى الجهاز, ولو مش فارقة معاك وعايز تقضيها حزن خش وأتفرج.

العربية دى معايا بقالها حوالى 4 سنين, وبنكش فيها من حوالى ثلاث سنين ونص, وببوظ فيها من ساعة ماركبتها.

ما شاء الله, ولا حول ولاقوة الا بالله, وحدووووووووووووووه.

أستعدوا

صورة فى الجراج:-



موتور الوحش ومواسير الصرف الصحى اللى الناس وخدانى تريقة بيها:-



فلتر الهواء من تحت:-



بره الجراج (اللى على الحيطة ده ظل):-



مدينة نصر:-





من جوه (البقعة دى بيبسى, دماغك متروحش بعيد):-



درش حبيب قلبى:-



التدوير على ركنة:-




خبطات لانهائية:-




ومحدش يغره شكل العربية, العربية دى بتمشى جوه البلد الصبح على 100 و 120 وبتطير, و"تعديلاتى" عليها واضحة وزى الشمس أهه, ولو شفتها ماشية جنبك أو قدامك براحة بلاش تغلس على صاحبها "اللى هو أنا" علشان متبوظلوش الدماغ اللى عاملها وتلاقيه سابك وطار.

نبذة عن لولا: العربية دى أنا بسوقها تقريبا بقالى 4 سنين, وعربية حمالة أسية بمعنى الكلمة (مش باين عليها) وعلمت نفسى السواقة عليها من النت ولوحدى, وكنت بنزل أتمشى بيها الصبح الساعة 5 الفجر فى روكسى والحدائق, ياه, أيام يا جدع.

الخبطات اللى فى العربية دى كلها بتثبت المثل "محدش بيتعلم ببلاش" كل خبطة ليها ثمن ودرس أتعلمته منها, الخبطات اللى فى الشنطة من شجرة, الفانوس كسرته عربية نقل, الحكة اللى شالت الجريدات اللى فى الجنب من باب الجراج ( وما أدراك مالجراج).

والعربية بصراحة لو عايز أظبطها هظبطها بس والله مكسل أروح أتذنب عند ميكانيكى أو سمكرى, وأنا مش محتاج منه غير أدواته (أنا اللى راشش الأكصدام اللى قدام, خبير ,صح؟)

بس بجد يارجالة, أدعولى بقى , مش مهم تدعولى بأيه أدعولى وخلاص, وأحنا فى رمضان, بس أوعى حد يدعى عليا, وبلاش دعوات الردود, خليها فى سرك أحسن.

وخصوصا الحاج كورسير, دعواتك يا ِشيخنا.

ههههههههههههههههههههههههه ههههههههه

ايه ده ايه ده ايه الحلاوه والجمال ده انتا متاكد ان البقعه ديه بيبسي هههههههههههههههههههه

تتربي في عزك يا سكر وربنا يديك خيرها ويكفيك شرها ويسترها عليك

وبعدين ليه بس حلقة الدراما اللي علي الصبح في اول يوم رمضان ده بدل ما تعملنا موضوع يفرحنا تعملنا موضوع ينكد علينا ههههههههههههههههههههه

ولا يهمك انا دعتلك وكدا انا برأه

[Bendary]

اللانوس ما تستاهلش منك كده
هيجيلك وقت تزهق من شكلها
حافظ عليها عشان تحافظ عليك
وربنا يباركلك فيها ويكفيك شرها

[Injection]

المشاركة الأصلية كتبت بواسطة corsair ههههههههههههههههههههههههه ههههههههه ايه ده ايه ده ايه الحلاوه والجمال ده انتا متاكد ان البقعه ديه بيبسي هههههههههههههههههههه تتربي في عزك يا سكر وربنا يديك خيرها ويكفيك شرها ويسترها عليك وبعدين ليه بس حلقة الدراما اللي علي الصبح في اول يوم رمضان ده بدل ما تعملنا موضوع يفرحنا تعملنا موضوع ينكد علينا ههههههههههههههههههههه ولا يهمك انا دعتلك وكدا انا برأه

مش لازم نبدأ رمضان بموعظة علشان نتعظ ,ربنا يخليك للغلابة ياشيخ كورسير وميحرمناش منك.

المشاركة الأصلية كتبت بواسطة Bendary اللانوس ما تستاهلش منك كده هيجيلك وقت تزهق من شكلها حافظ عليها عشان تحافظ عليك وربنا يباركلك فيها ويكفيك شرها

ياباشا والله والحمد لله الحوادث دى قديمة جدا, أقدم حادثة فيهم بقالها سنة, والحمد لله الواحد بقى أحسن بكتير.

والحاجات دى نقط لصالح اللانوس مش ضدها, ماشاء الله يعنى عربية بتستحمل كل حاجة.

وأنا لو عليا عايز أشدها, بس الحاجة تجهل تماما كل ما يتعلق بالسيارات وبتقولى مش هصلحها الا لما تقف أو وقت الفحص ومتعرفش حاجة عن الصيانة الوقائية, بس أنا معتنى بالموتور كويس قوى والشكل يتعمل فى أى وقت.

وبصراحة وعن تجربة الحاجات اللى فيها دى بتاخد الحسد
, الحمد لله من بعد شكلها بقى عامل كده معملتش ولا حادثة (الحمد لله) ولا حد أتكلم عنها كلمة حلوة, بس لسه ماشاء الله وحش.

وشكرا يا بندارى باشا على ردك.

[فادي مكرم]

باين عليها عبق التااااااااااريخ
ربنا يكفيك شرها
ويجيلك "x-zibit" بتاع " Pimp My Ride " و ترجعلك عروسة....