العودة   مصر موتورز مجتمع السيارات > منتديات السيارات العامة > منتدى السيارات العام

منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم


إضافة رد
 
أدوات الموضوع
  #1  
قديم 08-08-2010, 02:31 PM
mohamed ibiza mohamed ibiza غير متواجد حالياً
من انا؟: MOHAMED IBIZA
التخصص العملى: STUDENT
هواياتي: AUTOS
 
تاريخ التسجيل: Jul 2008
الموقع: AL-HARAM
المشاركات: 2,023
mohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond repute
افتراضي انا ماشي غلط ايه المشكلة !!

هو ده كان الرد .. !! ..

الرد ده انا سمعته امبارح

الموقف كان كالأتي :

نزلت الصبح لقيت شكمان عربية والدي واقع و الكاوتش بتاعه مقطوع و واقع تحته

قلت اخد العربية اغير الكاوتش و اثبت الشكمان و تمت المهمة بالفعل

و راجع البيت و علي بعد شارعين من بيتي

سايق عربية والدي بمنتهي الهدوء لان الشارع مينفعش فيه اي نوع من انواع الجري ضيق و مليان ناس

و انا ماشي في اتجاهي الصحيح جيت عند حته معينه و هناك u-turn وسعت لنفسي و اديت اشارة و بدأت اخد الملف عشان اخش الشارع اللي في وش الملف ..

و انا في نص اليو تيرن فوجئت بشئ اصفر اللون يصطدم بيا صدمة شنيعه و قوية لدرجة اني اتنطرت الناحية التانيه و و الازاز كله وقع عليا

نزلت و انا مندهش و مصدوم و ببص لباب العربية اللي هي مرسيدس موديل 84 و انتوا عارفين الصاج بتاعها عامل ازاي ببص لقيت الباب بتاع السواق بقي بومبيه !!!

ببص عليه كده لقيته عربية نص نقل قديمة من اللي صاجها عامل زي القفص !

معلومة !

هو كان ماشي في الاتجاه المعاكس المفروض ده كان يبقي ماشي في الصف بتاعي لا البيه لقي الناحية التانيه من الطريق فاضية اكتر قام واخدها مع انها عكس الاتجاه

بقوله ينفع كده يعني ماشي غلط و خبطتني و بوظتلي الباب و الازاز ..

و بلاقي نفسي بتصدم برد انا ماشي غلط ايه المشكلة ما انت عارف ان هنا كله بيمشي عكسي !!!!

بيبرر غلطته ! بأن المشي العكسي بقي عادي دلوقتي !!!!!!!!!

الرد ده فوقني من الصدمة قلتله ماشي استني بقي اجبلك صاحب العربية ( والدي)

قام رد عليا صاحب عربية ايه و بتاع ايه و بيركب عربيته و هيمشي قلت لا الادب مش نافع كده قلة الادب للاسف لازم تشتغل قمت داخل فيه شمال و شاتمه و صوتي علي جداا و الناس جت و وقفت و غلطوه و هو مصمم و بدأ كلام الحقد الطبقي انت ماشي مشغلي التكييف و مش باصص حواليك ولا شايف حاجة ( انا مكنتش مشغل التكييف انا قفلت الازاز للحظة بس عشان كان فيه تراب و عفره)

قلتله انت شكلك مينفعش معاك ذوق و لازم تتلسع فيها و انا همشيها رسمي و محضر و هبهدلك و مش هتشوف سواقه تاني و تدفع غرامه 1200 جنيه و تتحبس شهر و تعويض ليا

والدي وصل ساعتها و شاف المنظر و التاني مستمر في كلامه و عايز يلبسني الغلط

و كعادة المصريين اللي من النوعية دي تحديدا سكت و حط وشه في الارض و دفع و هو اقل من ..... بعد ما اتهدد بالحبس و الغرامه و هكذا

خدت منه تمن الباب اللي تم تدميره

الخسائر عنده

رفرف .. فانوسين .. اكصدام حديد

عندي باب و ازاز

300 جنيه باب بالاكره بالكالون بالباكتات بحليات داخلية بالازاز

و الرش كان عندي رفرف مخبوط قلت نظبطه و نرشه بالمرة ب 500 جنيه باب و رفرف

الخلاصة و اللي عايز اقوله ان مبقاش فيه اي نوع من انواع الاعتراف بالخطأ ولا التقدير

نظام تلبيس و خلاص عشان ميدفعش

السير عكس الاتجاه في رأي الناس دلوقتي او علي الاقل اللي من النوعية دي بقي عادي و مش غلط و مش مشكلة !!!

و انا اللي ماشي صح بقيت غلطان و كان لازم اخد بالي !

مفيش احترام للمرور مفيش تقدير للناس مفيش احترام للنفس حتي !!

خدوا بالكم من نفسكم و ربنا يحمينا جميعا

لكي الله يا مصر !
__________________

IBIZA
رد مع اقتباس
  #2  
قديم 08-08-2010, 03:05 PM
محمد شهاب محمد شهاب غير متواجد حالياً
 
تاريخ التسجيل: May 2009
المشاركات: 424
محمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond reputeمحمد شهاب has a reputation beyond repute
افتراضي رد: انا ماشي غلط ايه المشكلة !!

والله موقف يحرق الدم
كان الله فى عونك
خبطة ومصاريف وعطلة
وكفاية وقفة الصنايعية اللى الواحد بقى بيهرب منها ومن قرفها




تحياتى للجميع
رد مع اقتباس
  #3  
قديم 08-08-2010, 04:11 PM
الصورة الرمزية MEMOO_1ST
MEMOO_1ST MEMOO_1ST غير متواجد حالياً
 
تاريخ التسجيل: Nov 2009
المشاركات: 841
MEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond reputeMEMOO_1ST has a reputation beyond repute
افتراضي رد: انا ماشي غلط ايه المشكلة !!

فعلاً مفيش دم خالص يعني غلطان ومش عاجبة حاجة تحرق الدم ربنا يرحمنا برحمتة ويحفظنا جميعاً.
__________________

الحمد لله والشكر لله.
رد مع اقتباس
  #4  
قديم 08-08-2010, 04:20 PM
الصورة الرمزية ابو جودة
ابو جودة ابو جودة غير متواجد حالياً
من انا؟: متواضع لله
التخصص العملى: احدى شركات الغاز
هواياتي: قيادة السيارات
 
تاريخ التسجيل: Sep 2009
الموقع: القاهرة
المشاركات: 1,105
ابو جودة has a brilliant futureابو جودة has a brilliant futureابو جودة has a brilliant futureابو جودة has a brilliant futureابو جودة has a brilliant futureابو جودة has a brilliant futureابو جودة has a brilliant futureابو جودة has a brilliant futureابو جودة has a brilliant futureابو جودة has a brilliant futureابو جودة has a brilliant future
افتراضي رد: انا ماشي غلط ايه المشكلة !!

ده كان المفروض يتحبس احسن بس معليش
رد مع اقتباس
  #5  
قديم 08-08-2010, 05:04 PM
الصورة الرمزية Abu_mazen
Abu_mazen Abu_mazen غير متواجد حالياً
من انا؟: أمجد الكيال
التخصص العملى: Management Information Systems
هواياتي: الكمبيوتر والقراءة والسيارات
 
تاريخ التسجيل: May 2010
الموقع: مغترب في الخليج
المشاركات: 164
Abu_mazen has a spectacular aura aboutAbu_mazen has a spectacular aura about
افتراضي رد: انا ماشي غلط ايه المشكلة !!

بجد حاجة تخنق مفيش ريحة الدم عند بعض الناس الذين يسمونهم البشر ، امبارح حصلي موقف زى الزفت راكن عربيتي فى امان الله فى الباركنج ورحت اشترى شويه حاجات المهم رجعت بعد ساعة واحدة فقط لقيت ايه يا جماعة الرفرف اليمين مخبوط والعربية لسه فابريكة طبعا اتحرق دمي وناديت على السايس بتاع الباركنج وطبعا قالى انا ماشفتش حاجة وكمان مصمم ان العربية متخبطتش فى الباركنج أصلا، المهم كان معايا المدام والاولاد ومش هاخد حق ولا باطل معاهم ومشيت وقلت حسبي الله ونعم الوكيل فى اللى كان السبب 0

التعديل الأخير تم بواسطة Abu_mazen ; 08-08-2010 الساعة 05:12 PM
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 04:59 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017