العربيه ما بتدورش

[xabi]

الحمد لله ربنا وفقنى واشتريت عربيه بولو99 من يومين..هيا العربيه كويسه الحمد لله وكل حاجه تمام بس لقيت مشكلتين ظهرهم ..اول مشكله ان امبير البنزين ما بينزلش من على علامه full بالرغم من انى مشيت ولفيت بيها كتير اووووى..والمشكله التانيه العربيه ساعات لما بدورها بلاقيها مش بتدور خالص ولا حتى بسمع صوت المارش نهائى بالرغم من ان النور شغال والكهرباء شغاله فى العربيه كلها فبضطر انى استنى 5 دقايق وبعدين ادور تانى ..واسف على الاطاله

[hazem_khidr]

مشكله الامبير ممكن يكون فيه حاجه ملمسه مش بتخلي الامبير ينزل
اما بالنسبه لمشكله التشغيل كده ممكن يكون العيب في المارش او البطاريه.
من الافضل زياره لكهربائي نضيف يشوف المشكلتين و يلف علي باقي كهرباء العربيه

[xabi]

[QUOTE=hazem_khidr;222412]مشكله الامبير ممكن يكون فيه حاجه ملمسه مش بتخلي الامبير ينزل
اما بالنسبه لمشكله التشغيل كده ممكن يكون العيب في المارش او البطاريه.
من الافضل زياره لكهربائي نضيف يشوف المشكلتين و يلف علي باقي كهرباء العربيه[/QUOTEشكرا ياحازم باشا على ردك...بس بالنسبه للمشكله الاولى فساعات الامبير بينزل على الصفر وكأن العربيه مفيهاش ولا نقطه بنزين بس الكلام ده بيقعد لثوانى وبيرجع تانى على علامهfull .
ممكن دى تكون مشكله عوامات ..وشكرا لرد حضرتك

[xabi]

المشاركة الأصلية كتبت بواسطة hazem_khidr مشكله الامبير ممكن يكون فيه حاجه ملمسه مش بتخلي الامبير ينزل اما بالنسبه لمشكله التشغيل كده ممكن يكون العيب في المارش او البطاريه. من الافضل زياره لكهربائي نضيف يشوف المشكلتين و يلف علي باقي كهرباء العربيه

شكرا ياحازم باشا على ردك...بس بالنسبه للمشكله الاولى فساعات الامبير بينزل على الصفر وكأن العربيه مفيهاش ولا نقطه بنزين بس الكلام ده بيقعد لثوانى وبيرجع تانى على علامهfull .
ممكن دى تكون مشكله عوامات ..وشكرا لرد حضرتك

[احمد السمان]

المشاركة الأصلية كتبت بواسطة xabi الحمد لله ربنا وفقنى واشتريت عربيه بولو99 من يومين..هيا العربيه كويسه الحمد لله وكل حاجه تمام بس لقيت مشكلتين ظهرهم ..اول مشكله ان امبير البنزين ما بينزلش من على علامه full بالرغم من انى مشيت ولفيت بيها كتير اووووى..والمشكله التانيه العربيه ساعات لما بدورها بلاقيها مش بتدور خالص ولا حتى بسمع صوت المارش نهائى بالرغم من ان النور شغال والكهرباء شغاله فى العربيه كلها فبضطر انى استنى 5 دقايق وبعدين ادور تانى ..واسف على الاطاله

ربنا يباركلك فيها ويكفيك شرها بالنسبة لموضوع امبير البنزين ممكن العوامة بتاعة التنك بايظة او السلك اللى موصل ليها فيه مشكلة ممكن تروح لبتاع عدادات عشان الموضوع ده مهم ممكن تكون رايح مشوار مهم والعربية تقطع بنزين منك اما موضوع الدواره ممكن اوتوماتيكي المارش ضعيف ممكن تركبله كتاوت تقويه بيها وممكن تعمل التجربة دي تمور العربية تفتح الكونتكت تفتح الكابوت تبص على المارش هتلاقي كابل رايح من المارش الى البطارية جنب مخرج الكابل اللى خارج من المارش هتلاقي فيشة صغيره شلها وتجيب سلكة توصلها كوبري من طرف الموجب في البطارية الى مكان الفيشة الصغيرة اللي في المارش ( تلمسها ) هتلاقي العربية دارت ده في حالة لو غلبت في دوارته وتروح لمتخصص كهرباء يشيكلك عليها