افيدوني اشتري نيو اكسنت ولا نيسان صني

[ramygobara]

السلام عليكم ورحمة الله وبركاته
بالله عليكم افيدني لاني في حيرة كبيرة
هل اشتري نيو اكسنت لاني سمعت انها كويسة وقطع غيارها رخيصة بس كوري
ولا اشتري نيسان صني على الاقل ياباني مع انها تقفيل محلي
هوا بصراحة انا محتار وامكانياتي لغاية تسعين الف جنيه
وبردو بصراحة محتار هل الماتريكس كويسة ولا ايه الافضل من التلاتة دول في حدود المبلغ المتوفر معايا
برجاء الافادة لاني عاوز اشتري قبل شهر رمضان ضروري
لان محتاج السيارة الللي تكون متوفر قطع غيار بسعر مناسب وايضا تكون عائلية وقوية وتعيش مع الواحد
بامانة منتظر افادتكم ضروري

[Grey_Fox]

من رأي طالما وصلت لل 90 ارشحلك الانسر وبعدها الالنترا .. الصني ممتازه في التحمل بس قطع الغيار اغلى من الهيونداي وفي نفس الوقت الهيونداي مش بتستحمل بهدله زي الصني

[zezo 2010]

انا نصيحتى ليك الاوبترا فخامة و قطع غيار متوفرة و سرعة تداول و ناعمة و الصاج جامد دة رايى و ممكن بعدها النيو اكسنت

[ramygobara]

انا معاك بس اللانسر ها تكون مانويال مش اوتوماتيك وطبعا انت عارف زحمة مصر بامانة مش عارف
وبردو الاستازzezo مشكلتي اني سالت على الاوبترا والغالبية قالم ان فيه مشكلة في الفتيس الاوتوماتيك وعلبة الدريكسيون
يعني يا جماعه نيو اكسنت ولا صني ولا الماتركيس

[amrmohamed1975]

استاذ رامي انا مش هقدر احكم على الصني و لا الاكسينت لاني مجربتهموش كتير لكن انا معايا ماتريكس 2010 مانيوال من 3 شهور عامل بيها لحد دلوقتي 18 الف و العربية عملية جدا و عائلية جدا بالاضافة لقطع غيار متوفرة سهولة الصيانة سعر اعادة بيع جيد استهلاك بنزين جيد ايضا و اخير استخير ربنا اولا و بالتوفيق انشاء الله