سؤال عن العربيه اليوفو؟

[طارق فاروق]

إلى أصحاب الخبره و المتابعه و المعلومات ياريت تدلونى على اللى منزل العربيه اليوفو فى مصر (JONWAY UFO-A380) لأنى كنت أعرف إن اللى منزلها هو المسلمى بإسم جراند إكسبلوجن و رحت سألت عليها فى معرض ألماظه مكانوش عارفين عنها حاجه وواحد كان قاعد قال دى موجوده فى فرع مدينة نصر بس 3 باب فسألت فى فرع مدينة نصر و فرع جسر السويس قالوا مبقتش تنزل و منعرفش مين اللى خد التوكيل بس للأسف أنا شفتها فى معرض أوتوماك بجوار قاعة عرض جيلى و كانوا عارضينها لوحدها و لما سألت على سعرها قالوا لى تقريبا على ما أفتكر 94000 و قلت لهم ليه غاليه كده مقارنة بالتيجو الـ 1600 قالوا علشان موتور متسوبيشي بس ماأهتمتش ساعتها لأنى مكنتش بفكر أشترى و هى شبه التيجو إلى حد كبير بس الفرق بينها و بين التيجو إن الموتور متسوبيشى و فيها فتحة سقف و GPS و كاميرا رجوع و مكيف ديجيتال و تاره مالتي فياريت لو حد عارف أو فاكر مين اللى منزلها دلوقتى يقوللى و لو حد جابها يقوللى رأيه فيها إيه لأنى شايفها عربيه ممتازه و مناسبه لأحتياجاتى و طبيعة عملى و لكم جزيل الشكر

[Ahmed.gunners]

بصراحة حضرتك كل الي اعرفوا ان العربية اكسبلوجن دي تبع المسلمي ومن راي حرام لما تدفع 94 الف ج في عربية صيني عندك مليون عربية احلي منها بكتيررر
عندك حضرتك سيراتو مانوال
النترا اتوماتيك
ماتريكس اتوماتيك
رينو سكالا
نيسان صني

[طارق فاروق]

المشاركة الأصلية كتبت بواسطة Ahmed.gunners بصراحة حضرتك كل الي اعرفوا ان العربية اكسبلوجن دي تبع المسلمي ومن راي حرام لما تدفع 94 الف ج في عربية صيني عندك مليون عربية احلي منها بكتيررر عندك حضرتك سيراتو مانوال النترا اتوماتيك ماتريكس اتوماتيك رينو سكالا نيسان صني

شكرا على رأي حضرتك بس العربيات اللي ذكرتها سيدان ماعدا الماتريكس و طبيعة عملى إنى ساعات بحتاج أحمل إرتفاعات فشكل السيدان ميناسبنيش و الأوبشنز اللى موجوده فى اليوفو مش موجوده فى الماتريكس زى فتحة السقف و الـ GPS و التاره المالتى إلخ و الكماليات دى بتفرق فى الراحه مع الأعتماديه .

[حازم شاهين]

الموزع فى معرض أتوماك كان

الشركة العربية للتجارة و التصنيع و خدمات النقل ATM
العبور أتومول - بلوك 11 ، 13 شارع 100 - مدينة العبور
تليفون 46105173
فاكس 46105174

و لكن يبقى التسائل عن توافر خدمات ما بعد البيع مثل قطع الغيار و الصيانة !!

[طارق فاروق]

المشاركة الأصلية كتبت بواسطة حازم شاهين الموزع فى معرض أتوماك كان الشركة العربية للتجارة و التصنيع و خدمات النقل ATM العبور أتومول - بلوك 11 ، 13 شارع 100 - مدينة العبور تليفون 46105173 فاكس 46105174 و لكن يبقى التسائل عن توافر خدمات ما بعد البيع مثل قطع الغيار و الصيانة !!

شكرا يا حازم باشا يا موسوعه هو ده الكلام و أنا أتصلت بيهم دلوقتي و قالوا لي إن العربيات موجوده بس قطع الغيار متأخره و مستنيينها تيجي علشان يبدأوا التوزيع و تقريبا هتيجي بعد شهر وواضح إنهم فاهمين و مش عاوزين يغلطوا غلطة التوكيلات اللي أستعجلت و نزلت العربيات و مع أول مشكله للعميل يروح يركنها في التوكيل و يسيبها بالشهرين و التلاته و قالوا لي إن مكانهم في العبور في المنطقه الصناعيه الأولى خلف تويوتا للمعاينه من 9 ص - 5 عصرا و إن العربيه كانت معروضه في المعرض بـ 98000 و مفيش حجز دلوقتي بس بتسيب إسمك و تليفونك و أول ما يبدأوا البيع يتصلوا بيك .