عربية شبه الفيرنا

[abdo verna]

بزمتكوا مش شبه الفيرنا
هههههه

[abdo verna]

عينة لمشروع تجهيز سيارات شرطة امريكية حديثة

[AbOnOrA]

حرام عليك يا راجل ديه زى الفيرنا برضو

ديه واحدة من احدث العربيات المطورة خصيصاً لاستخدام الشرطة ومتوقع انتاجها تجارياً فى 2012
الشركة اسمها كربون واسم العربيه كاربون e7 لكن اسم الدلع جوتشا و سى يا او افشتك وشايفك بالعامية الامريكية
يقال ان ادائها اقرب للبى ام الفئة الثالثة والخامسة الديزل لان موتورها مزود بشاحن تربو مزدوج يعمل مع موتور 3000 سى سى بقوه 300 حصان وعزم 570 nm وفتيس من 6 سرعات يؤمن سرعة انطلاق 6.5 ثوانى من الصفر ل100 كم
والسرعة القصوى تتصل ل250 كم فى الساعة لزوم المطاردات على الدائرى وطريق العين السخنة
وللتاكيد على قوة العربيه واعتماديتها تزعم الشركة ان عمرها الافتراضى يصل الى 400 الف كيلو متر

اما عن الكماليات فحدث ولا حرج مابين نظم مراقبه وكاميرات للتصوير حوالين العربيه من كل اتجاه الى كاميرات داخلية ومسجلات صوت ونظام الكترونى لقرائه وتسجيل نمر اللوحات المعدنية للسيارات الاخرى قدرة على تحمل صدمات على سرعات كبيرة مقصورة خلفيه للاحتفاظ بالمجرمين نظم ملاحة اماكن لتخزين الاسلحة انظمة تنبيه ضوئيه وصوتيه والعشرات من الكماليات المعدة خصيصاً للاغراض الامنية مع امكانيه تزويد كماليات اخرى حسب الطلب بس تيجى فين الكماليات ديه كلها قدام كماليات عربيات غبور

شبه الفيرنا خالص مش كده

[lol64]

اعتقد غبور ممكن ينزلها لشرطه مصر هنا بس هايشيل منها الجنوط

بيكرهها بيكرهها

ينفع كدا يا ابو فيرنا تتريق علي الفيرنا بردك اشحال اليوزر نيم بتاعك علي اسم العربية

وبعدين تيجي ايه العربية ديه جنب عربيتنا علي الاقل التبلوه عندي اشد من التبلوه ده

وسع يا عم لو ديه عمرها الافتراضي 400000 كيلو احنا لمؤاخذه كسرنا الرقم القياسي الفيرنا عندانا بتجري من ايام الفرعنه يعني احسب مشيت كام كيلو يعني لو في السنة بتمشي 20000 كيلو اضربهم في 7000 سنة يا معلم

الفيرنا كانت ايام الفرعنه اسمها فيرهع وزاهي حواس لاقيلها صور علي معبد غبور في الاقصر وكان في معلومه بتقول ان من 7000 سنة غبور صمم انه مينزلهاش بجنوط ولا abs ولا ايرباج علشان كل ديه حاجات ملهاش لازمه في عربيتة ديه من وجهة نظره