ياترى تغير دفيرة الكهرباء هو الحل ؟؟؟؟

[ahmedraafat00]

السلام عليكم
بسم الله الرحمن الرحيم

مشكلة التقطيع ايوه مشكله التقطيع يا جماعه مجننانى فى الجيب شيروكى و فاضلى شويه و اكره العربيات المشكله بدأت لما مره كنت نزلت بيها النادى وانا مروح باليل
تقريبا المارش علق و معرفتش ادورها المهم سيبتها ووالدى بعت تانى يوم عربيه قطرتها
1-وديتها كهربائى مشهور فى المدينه الصناعيه عندنا فى الاسكندريه
ومن هنا و لأول مره تظهر مشكله التقطيع
المهم الراجل ظبت المرش و كمان التكيف كان ادائه مش قد كده ظبته و خدناها
المهم بقى يوم و التانى وألاقى العربيه كل ما ادورها تبطل ولازم ادوس بنزين عشان مش تبطل و وانا ماشى تقطع و تفرقع و تدى مدافع
2- وديناها لميكانيكى مشهور هو متخصص جيب وليه سمعته وده اللى احنا بنتعامل معاه و ساعتها كانت عطلانه هو بعت عربيه قطرتها لحد عنده و قالنا ان كارته الكهرباء كانت بايظه و لما جرب واحده من عنده اشتغلت فركبلنا واحده جديده
طب تمام و خدت العربيه و طلعت انا و والدى و مشينا بس الطريق كان زحمه فا قعدنا تقريبا نص ساعه ماشين فى الزحمه و اول ما الطريق فتح و همشى بقى على تقريب 60-70 العربيه قطعت جاااااااامد و فى صوت فرقعه و مدافع !!!!!!!
وطبعا ربنا بيسترها كل مره ان مش يبقى فى عربيات جايه ورايا بسرعه
وركنت و بعد كده كلمناه بعت واحد خدها و فضلت عند فتره و ظبت الطرمبه و بعد كده خدناها ووالدى راح استلمها و والدى مش بيسوق بعت معاه واحد من عندى و هما جايين فى الطريق الراجل كان ماشى على 100 وشايل ايده من على الدريكسيون
والعربيه زى الفل و مش بتقطع ولا بتحدف ولا بتعوم و خدتها انا بس صراحه كنتش بنزل بيها لظروف امتحاناتى بس مره وانا بغسلها يوم الجمعه شغلت التكيف و بطلته و روحت مشغله تانى راحت راعشه و مبطله !! انا قلقت خوفت تكون مشكله التقطيع رجعت المهم قولت انا اخدها بكره اجربها عشان اطمن و فعلا مشيت بيها على 80 و كانت كويسه و مش بتقطع
المهم انا اطمنت و سيبتها بقى حوالى اسبوعين مش بسوقها لانى كان عندى امتحانات و مشغول جدا و انا اساسا فى العادى مش بنزل بيها كتير لقله مشاويرى حاليا
بس كنت كل يوم بنزل باليل اسخنها مده لاتقل عن ربع ساعه عشان البطاريه
و لاحظت انها ساعت صوت البنزين مش مريحنى و ساعات ترعش و تبطل بعد ما ادورها بتلات دقايق ومره كنت بلف بيها عشان اغير مكان الركنه قطعت من فى السكه
3- كلمت الميكانيكى يا خدها وفعلا باعتلى واحد جه اخدها و بعد كده والدى راح يبص عليها قاله ولا حاجه كان في البنزين شويه ميه بس !!! هو الميه فى البنزين تخليها تقطع و ترعش وتبطل ؟؟
المهم والدى شك برده فى الكهرباء و قاله يغير الدفيره كلها و نريح دماغنا و هو قال ان ععنده واحده اصليه بتاعة جيب برده نفس الموديل لان الراجل ده تخصص جيب و عندى محل قطع غيار جيب و هيا حاليا عنده فى مرحله تغير الدفيره فهل يا ترى ده الحل و مش هتقطع تانى خلاص ولا لأ يعنى هل بتغير الدفيره كل المشاكل كده انتهت ؟؟؟؟؟؟؟؟؟؟؟؟؟؟؟؟ ارجوكم الافاده عشان هتجنن انا كده شرحتلكم كل القصه من أولها الى اخرها

[hazem_khidr]

مش عارف اقولك ايه الصراحه
المشكله عندك لا في الكارته و لا الضفيره
في رأيي و دا في الغالب المشكله مشكله الاسبراتير
لما بيسخن العربيه بتقطع.
اما بالنسبه للتكييف ممكن يكون اللي ضلحه ما ظبطش الجزء الخاص بأنه يعلي العربيه لما تشغل تكييف.
يا ريت لو الميكانيكي دا عنده سبراتير مستعمل خده جربه يوم و اتنين و تلاته لو العربيه اتظبطط يبقي خلاص كده هو الاسبراتير السبب

[ahmedraafat00]

شكرا يا استاذ حازم على اهتمامك
وربنا يسهل و المره دى تتظبط

[mohamed100230]

باشا
ممكن تكون طرمبه البنزين هي اللي بايظه
ده حصل معايا في جيب موديل 80
تمشي زي الفل في الاول وبعد ما الطرمبه تسخن يبدا التقطيع
لكن صوت الفرقعه ده غالبا اسبراتير عايز يتنضف

[hazem_khidr]

يا رب يا احمد
المشاكل العفاريتي دي بتتعب الصراحه
و في الاخر بتلاقيها حاجه هايفه
عموما ابقي عرفني بآخر الخطوات دايما