استفسار بخصوص السيارة الشاهين

[kane4]

انا كنت عايز اركب تكيف للشاهين S.L 1.4 موديل 2004 فعايز اسال عن الاسعار و انواع التكيفات و هل حيضر التكيف من اداء العربية و اية احسن الاماكن للشراء منها ويكون جديد زيرو مش مستعمل و سعر التكيف الجديد بلاخص
و موتور العربية 1400cc فهل حيأثرعلي الموتور
ارجوا الرد ضروري و شكرا

[hazem_khidr]

التكييف في الشاهين غير عملي بالدرجه الكافيه
يعني في عز الحر مش حتلاقيه فعال زي ما انت متخيل
و بالليل طبيعي جدا يكون كويس.
من رأيي بلاش لعب في العربيه

التكييف في ال 1400 هيهد حيل العربية وهتحس ان مفيش ريحة العزم لو كانت 1600 كان هيبقي اوك ولعلمك في ال 1600 بردك بيخلي عزم العربية ضعيف بردك

[فادى]

التكييف لا يؤثر على الشاهين و لا على المحرك,
المشكلة الوحيدة اللى ممكن تقابلها هى عدم جهوزية دورة التبريد للتكيف فى ال1400. الحل غالبا بيكون تغيير الرادياتير ال2 ماسورة بأخر 3 ماسورة و طبعا الرجل اللى هيركب التكييف هيقولك تعمل ايه.
انا معايا ال1600 بتكيفها الاصلى و التكييف جيد جدا و تأثيره بسيط على المحرك حتى فى أسوأ الظروف الجوية,
للجالسين فى الامام التكييف اكثر من رائع, لكنه ليس فعال لمن يجلس فى الخلف. و هو ليس ضعيفا كما يشاع.

[Abu_mazen]

كلمة حق

الشاهين عربية أصيلة بجد وقضيت معاها أحلى فترة وفضلت معايا حوالى 8 سنين اشترتها من الزيرو وبعتها ولم أصرف عليها سوى تغيير بوجهات وسير كاتينة ودينمو يعنى الصيانة العادية وعمرها ماقلت بأصلها معايا سواء على الطرق أو داخل المدن صحيح هى خشنة شوية بس حمالة القاسية بجد ليها معايا أحلى الذكريات لم يكن فيها اية كماليات سوى انى ركبت فيها سنتر+انذار فقط بجد عربية المهام الصعبة غير قطع الغيار الاصلى برخص التراب ، من العربيات التى احترمتها فى حياتي0