رد: لانسر ولا كيا كارينز
على فكرة يا جماعة الكارينز اللى فى مصر تعتبر عربية هاتش باك و 5 راكب يعنى عادى جدا تتقارن بالانسر او السيراتو هى اه واسعه بس لو خدت اى مطب و انت راكب لوحدك العربية تروح حكه فى المطب و بعدين انا و الله العظيم كنت فى نفس الموقف كنت ناوى على الكارينز الخليجى و ماكنتش عارف اشتريها منين قريت اعلانات ملحق الاهرام بتاع السيارات لاقيت فى معرض اسمه Gear One كلمتهم و اتفقت على السعر على كارينز خليجى اسود كاملة ما عدا فتحة سقف و الحمد لله كنت جاهز بالفلوس و روحت المعرض فى مدينة نصر و اول مانزلت من التاكسى لاقيت العربية واقفة برة و مغسولة و الناس كانو بيظبطوها و كان موجود مرسيدس وجيتا و باسات و مازدا و سيراتو كل ده كان بره المعرض و اول ما دخلت لاقيت عربية فى وشى بتبصلى بصه غريبه جدا ببص لاقيتها لانسر بومه سبورت دخلت على المدير و كان راجل محترم جدا و عينى متابعة العربية و بصراحة انا كنت حاببها جدا و قمت خدت المفتاح بتاع الكارينز و دخلت و بتفرج عليها و داخل ادفع خلاص و النصيب فى انى اشتريت العربية اللى بحبها و هى اللانسر سبورت لانى بصراحة لغاية دلوقتى انا من كارهى السيراتو و كمان حمدت ربنا انى مااشتريتش الكارينز لانها واطية جدا و بتاخد اى مطب ...............نصيحه من اخ الى اخوه خليك فى المضمون و هات اللانسر لان الكارينز و السيراتو اللى واكله دماغ الناس و الله العظيم العربية شكل و كماليات بس مش اكتر لانى واحد جارى مشتريها وخد مطب المقص اتكسر و لسه ماكملتش 1000 كيلو لكن اللانسر اه هى عربية بقالها حوالى 6سنين شكل واحد بس عربية جبارة بجد و بتسد فى اى حاجة
|
13-07-2010, 04:58 PM
