أول مرة اعرف اني فيه عربية تويوتا كورونا

[khaled_1993m]

انا من اسبوع كده ركبت مع واحد صحبي عربيته و بعدين كنت فاكرها تويوتا كورولا القديمة بس فوجئت انه بيقولي دي كورونا انا ول مرة اسمع عنها الصراحة بس هي شكلها كده عربية جامدة مش عارف لسه بينزل منها و لا لأ....... تخيلوا ان عربيته كانت موديل 81 و فيها abs و الدريكسيون باور و علي فكرة دي كانت 2000 cc بس ده اللي لاحظته .... فياريت لو حد يعرف عنها حاجة يقولها

[luckyman]

فعلا العربية دى منتشرة جدا فى الاردن وموديلات التسعينات نزلت السعودية وكانت شبيهة جدا بالكورولا لكنها اكثر اداءا ونشاطا من الكورولا
وكانت بتنزل بنفس محرك التزيزتا السيليكا الشهيرة والغنية عن التعريف طبعا هى منتشرة جدا فى اليابان ومعظم انتاجها مخصص لشرق اسيا والسوق المحلى اليابانى

[zoomaa&mizaa]

من أنجح سيارات تويوتا وهى كانت منتشرة فى مصر فى منتصف الثمانيات الى أواخر التسعينات وكانت مسمعة أوى مع المدرسين اللى راجعين من الخليج .

[horas3000]

فعلا الكرونا تعتبر من انجح العربيات اللي عملتها تويوتا في التمانينات و اوائل التسعينات
و هي كانت فئة ما بين الكرولا و الكرسيدا انذاك و ان كانت اقرب في الحجم للكرولا و في الاداء للكرسيدا
لكن مع تطور الكرولا و نمو حجمها اصبح الحاجة ليها غير منطقي خصوصا بعد تقديم الترسيل و من بعدها الايكو/ الياريس اللي احتلت مكانت الكرولا قديما فتوقف استيرادها لمنطقتنا
و حاليا الوريث الشرعي للكرونا هي الافنسيس لكنها زي ما انتم عارفين مش متوفرة لكل الاسواق

و دي صور اشهر و اخر موديلات منها

[hazem_khidr]

الكورونا فئه السيارات العائليه الصغيره في الثمانينات زي ما شريف باشا قال
و كانت وسط بين الكورولا و الكريسيدا
و كانت بتنزل بكماليات اكتر من الكريسيدا نفسها و فعلا من اكتر العربيات المحترمه من تويوتا