هو يعني ايه تسقيط الموتور ؟؟

[terry.Ahmed]

سؤال عايز اجابته هوا يعني ايه تسقيط الموتور وايه فوايده وعيوبه وايه نوع المواتير اللي تتسقط في 127 فيات مو 84 ؟؟

[Injection]

تسقيط موتور هو تغيير موتور السيارة القديم بأخر, أما بسبب عطل فى الموتورالقديم أو لزيادة سرعة السيارة بوضع محرك أقوى من القديم وده بيتعمل بأخراج الموتور القديم بكل متعلقاته ووضع موتور أخر مكانه.
فوائده: ممكن تسقط موتور أقوى وده بيديك سرعة قصوى أعلى وتسارع أقوى بكتير من الموتور القديم, ولو الموتور القديم فيه عطل غير قابل للأصلاح كشرخ فى بلوك الموتور بيتم تغييره بأخر تجنبا لوجع الدماغ والمصاريف الكتير.
عيوبه: الموتور الأقوى غالبا بيبقى أتقل من القديم, فبيحتاج مساعدين وسوست جداد علشان يشيلوا وزن الموتور, وفرامل أقوى علشان تتلائم مع السرعة الأعلى, وفى حالة العربيات القديمة بيتطلب تقويات فى الشاسيه وحوض الموتور علشان وزن الموتور و"أهتزازاته"وغالبا تعديل على قواعد الموتور, والكلام ده لو ماتعملش صح(وده الغالب) ممكن الموتور يقع من الحوض, أو المساعدين القدام يضربوا وهكذا.
وللأسف مقدرش أفيدك فى موضوع مواتير127, وبأذن الله حد من الأعضاء غيرى يفيدك فيه؟

[issoPolo]

شكرا على الافادة

[driv3r]

ممكن تسقط اال 127 موتور فيات 131 لانه صغير وبيتعدله فى الحوض ويركب ويبقى تمام

[Eng . Mano]

انا عامل كده بالظبط فى عربيتى ال 127 ، اللى حصل ان الموتور القديم دخله فى عمرة و كان حيكلفنى كتير ، روحت جبت موتور فيات باندا 1100سى سى ب 1400 جنيه من عزبة شلبى ,
انزل انت بس هناك و حتلاقى 10000000000 واحد شغالى فى المواتير الصغيرة دى .