و تتوالى مفاجآت الجميلة M11

[ahmed_darhos]

و دى يا جماعة هى أحدث مواقف الجميلة M11 معاى...

يوم السبت اللى فات كنت رايح العيادة بالليل و كنت ماشى و كله تمام و مافيش أى مشاكل .. ركنت و طلعت شغلى و بعدين نزلت الساعة 12 بالليل....
أول لما دورت العربية سمعت صوت غريب جدا شبه صوت غليان الميه ( صوت فقاقيع هوا) ...لما قفلت الأزاز فضلت سامع نفس الصوت و حسيت انه جاى من ناحية الدركسيون المهم ,, قلت يا واد طنش خالص و روح التوكيل بكرة شوف ايه الحكاية .. و بالمرة اعمل صيانة ال 15000كم..
قلت باسم الله و جيت أمشى لقيت الدركسيون تقييييييييييييييييييييييي يييييل جدا جدا و بيلف معاى بالعافية..
قلت يبقى الباور هو اللى فصل...
المهم روحت طبعا ماشى باتمختر و براحتى على الاخر و تانى يوم الصبح رحت تكنوسيرفيس و قلتلهم الحكاية..
بعد ساعة تقريبا جه المهندس و قاللى علبة الدركسيون عاوزة تتغير وهى مش موجودة عندنا و هنطلبها من أبورواش و ربنا يسهل و تيجى على بكرة....
أنا بصراحة أول ماسمعت الكلام ده .. قلت له طب ايه اللى بوظها ,, قاللى عادى بتحصل أحيانا.. بس مافيش سبب محدد.. المهم طبعا أنا بقيت خبير فى التعامل مع مراكز الخدمة.. شوية كلام جامد على حبة زعيق و قلتله أنا جاى بكرة علشان أستلم العربية و لو ماكانتش خلصت مش عاوزها .. خليها عنكم و ادينى ما يثبت لأن كده كده أنا مستنى ميعاد لجنة الفحص اللى جهاز حماية المستهلك هيحدده .. أنا هقضيها مواصلات و مترو لغاية لما ترجعولى فلوسى..
المهم رحت تانى يوم الظهر و لقيتهم الحمد لله خلصوا كل حاجة و عملوا الصيانة و مشيت و لقيت الدركسيون بقى أخف من الأول... مش أخف كتير بس أخف بدرجة ملحوظة.

اللى نفسى أفهمه هو ايه اللى حصل و ايه السبب.؟؟
أنا عربيتى عاملة 15000كم بالظبط..
غيرت بوجيهات عند 8000كم
و غيرت دينامو عند 11000كم
و غيرت علبة دركسيون عند 15000كم

[IMG]http://www.**********.net/Nile/images/smilies/majd(4).gif[/IMG] [IMG]http://www.**********.net/Nile/images/smilies/majd(4).gif[/IMG] [IMG]http://www.**********.net/Nile/images/smilies/majd(4).gif[/IMG]

ده غير الناس الأفاضل اللى غيروا بطارية .. سربنتينة تكييف..الباور ..... طنابير.. تيل فرامل (عند 9000كم) ...و طبعا عماد اللى هيغير التابلوة كله ....!!!!!!!

أنا عاوز حد من الناس اللى بتدافع عن الاسبيرانزا عمال على بطال يقول لى هل اللى بيحصل ده طبيعى فى عربيات لسه زيرو... و كل اللى شاريها كان هدفه الأساسى انه يريح دماغه أول 4 أو 5 سنين و مايعملش أى حاجة غير الصيانات الدورية و بس..
اسف للأطالة يا شباب .. و ياريت تكون الردود مقنعة لأن الحاجات دى حصلت فى عربيات كتير .. يعنى مش حالات فردية..<!-- google_ad_section_end -->

[أحمد فاروق سيد]

قدر الله وما شاء فعل
وألف حمد لله على حل المشكلة
لا أخفى عليك .... الـ M11 سوف تنهار
وتكون خليفة الـ 620 و 213
إن لم يعتنى بها أبو الفتوح أكثر من ذلك

اللى حصل معاك ده
فيه شق مُفرح وشق مُحزن
المُفرح : أنك تنجح فى تغيير شئ بالسيارة ويعتبر بدون مجهود
على عكس اللى بيحصل فى بعض التوكيلات التانية
المُحزن : أن الـ M11 أبو الفتوح يعمل فيها كده
ويطلع فيها كمية العيوب ده
والأدهى والأمر هو خسارة أستثمارك عندما
قام بخفض سعر السيارة 5000 ج
مع علمى التام أن خفض سعر السيارات
أتجاه عام " مش أبو الفتوح وبس "
هيونداى ،،،، شيفرولية

وأخيراً ... قل دائماً الحمد لله

[odaoda]

الف حمد لله

[حازم شاهين]

ربنا يعوض عليك و يرزقك بعربية تسعدك إن شاء الله

[lol64]

الحمد لله على كل شئ وان شاء الله تفرح بعربيتك بعد العذاب النفسى ده