الفرق بين ماتريكس 2001 وماتركس 2010

[tham1010]

لو سمحتم عاوز اعرف الماتركس 2001 الكورى مانيول من حيث

1- هل فى الماتركس 2001 بور ستيرنج
2- هل العدادات والمؤشرات فى المنتصف ولا خلف عجلة القبادة
3- هل فيها مصابيح شبورة
4- ما عدد السماعات الموجودة
5- هل فيها ريموت للقفل
6- هل الزجاج الكهربى فى الأبواب الأمامية والخلفية
7- هل فيها كمليات أخرى


متشكر جدا على الإجابة

[tham1010]

أصيغ السؤال بشكل تانى

هل شركة هيونداى عملت تحديث كبير على العربية ماتركس 2010 عن العربية ماتركس 2001. أعتقد ان النجاح اللى بتحققة العربية بتجعل الشركة لا تلتف إلى تغير شىء من اساسيات العربية وبيكون التغير فى الشكل الخارجى فقط لان العربية عليها إقبال اصلا. هل الكلام دة صحيح؟

[amrmohamed1975]

المشاركة الأصلية كتبت بواسطة tham1010 أصيغ السؤال بشكل تانى هل شركة هيونداى عملت تحديث كبير على العربية ماتركس 2010 عن العربية ماتركس 2001. أعتقد ان النجاح اللى بتحققة العربية بتجعل الشركة لا تلتف إلى تغير شىء من اساسيات العربية وبيكون التغير فى الشكل الخارجى فقط لان العربية عليها إقبال اصلا. هل الكلام دة صحيح؟

بداية احب اصحح معلومة بالنسبة للمتاريكس فى مصر او موديلاتها كان فى2005مش فى 2001 التغيرات فى السيارة من 2005 لبداية الشكل الجديد 2009 و 2010كانت فى الشكل الخارجي عبارة عن رفع وش السيارة من الامام و تغيير شكل الفوانيس الامامية و الشبكة و من الخلف اضافة اثنان عاكس ضوء فى الاكصدام الخلفي اما التغيرات الداخلية فكانت فى بعض الاشياء للاحسن و البعض الاخر للاسوأ بمعني تم استبدال الكاسيت الشرائط بأخر CD MB3 مع وصلة usb و مخرج aux لتشغيل ipod اما بالنسبة لتتغيرات السيئة فكانت عبارة عن استئصال بعض الاضافات الموجودة فى الموديلات السابقة من 2005 حتي 2008 و هي كانت موجودة فى ظهر الكراسي الامامية مسند على مساعد يستخدم كصنية ماكولات و مشروبات للراكب فى المقعد الخلفي تم استئصاله و اسفل المقعد الامامي يمين كان هناك درج عدة ايضا تم استئصاله كل ده على حد علمي و ايضا تجربتي البسيطة مع الماتريكس مع العلم ان انا معايا ماتريكس 2010 من شهر تقريبا

[tham1010]

أولا شكرا على الرد والإهتمام يا أ / عمر.

لقد قصدت بماتركس 2001 السيارة الكورية التى تأتى مستوردة من الخارج للمعاقين.

أم بالنسبة للتحديثات اللى حضرتك قلت عليها أعتقد أنها تغيرات بسيطة لا ترقى للطفرة التى حدثت فى السيارات التى يقترب ثمنها من 100 ألف جنية. فمثلا أعرف ان السيارة الماتركس الموديل 2001 الكورية بها نظام مانع إنزلاق ASB بالرغم مع أن سنة الصنع قديمة ولم يكن نظام مانع الإنزلاق مشهور فى هذا الوقت. أنا لا أعرف لماذا لم يتم إضافة نظام مانع الإنزلاق لسيارات غبور بالرغم من وجودها فى العربية الأصلية المصنعة فى كوريا والتى موديلها قديم جدا. هل هذا النظام لا يناسب الشوارع المصرية؟ أعتقد أن سعر الماتركس من غبور يساوى سعرها فى كوريا رغم تمتع الكورية بميزات افضل.

أسئلة محيرة أطرحها للنقاش وتبادل الأفكار.

[amrmohamed1975]

المشاركة الأصلية كتبت بواسطة tham1010 أولا شكرا على الرد والإهتمام يا أ / عمر. لقد قصدت بماتركس 2001 السيارة الكورية التى تأتى مستوردة من الخارج للمعاقين. أم بالنسبة للتحديثات اللى حضرتك قلت عليها أعتقد أنها تغيرات بسيطة لا ترقى للطفرة التى حدثت فى السيارات التى يقترب ثمنها من 100 ألف جنية. فمثلا أعرف ان السيارة الماتركس الموديل 2001 الكورية بها نظام مانع إنزلاق ASB بالرغم مع أن سنة الصنع قديمة ولم يكن نظام مانع الإنزلاق مشهور فى هذا الوقت. أنا لا أعرف لماذا لم يتم إضافة نظام مانع الإنزلاق لسيارات غبور بالرغم من وجودها فى العربية الأصلية المصنعة فى كوريا والتى موديلها قديم جدا. هل هذا النظام لا يناسب الشوارع المصرية؟ أعتقد أن سعر الماتركس من غبور يساوى سعرها فى كوريا رغم تمتع الكورية بميزات افضل. أسئلة محيرة أطرحها للنقاش وتبادل الأفكار.

طبعا انا من مؤيدي كلامك بس فى معلومة عايز اوضحها ماتريكس الكوري او الموصفات غير المصرية فيها حاجات كتير اوي غير ABS مثل EBD و كذلك ايرباج و حاجات كتير اوي بس البركة فى عم غبور و كل وكلاء السيارات فى مصر الي بيتعاملوا مع المستهلك على انه خزينة فلوس و بس و كمان مبيفهمش و مش من حقه انه يكون عنده الحد الادني من وسائل الامان فى عربيته الا لما يدفعوه دم قلبه العربية فاضية بكذا العربية كماليات نص نص بكذا العربية كاملة بس مش اوي بكذا العربية كاملة خالص بكذا العربية سبورت و كل فسفوسة فى العربية بفلوس و الي ممعهوش مايلزموش دي طريقة التعامل مع المستهلك الغلبان نسيت اضيف حاجة العربية غبور هو الي بينفضها عشان هامش الربح يبقي اكبر و يدي نفسه مساحة تنزل اكتر من مواصفة فى الموديل الواحد و كله بثمنه