ياريت ياجماعه بعد اذنكو حد يساعدني في تسعير العربيه دي .. ضروري جدا

[kareem10]

دلوقتي يا جماعه انا قدامي عربيه ابيزا 98 بالمواصفات دي:

1400 سي سي
دواخل فابريكه
تكييف
سنتر بالريموت
2 ازاز كهربا
هاف باور
جنوط سبور
فرش جلد جديد

الراجل صاحب العربيه بيتكلم في 32 .. هل ده سعر معقول ولا ممكن ينزل شويه و يبقا كام

مع الاخذ في الاعتبار ان رخصة العربيه هتخلص اخر الشهر ده .. والحته البلاستيك الطويله اللي ورا بين الفانوسين دي مش موجوده .. ياريت حد يقولي سعرها كام

والميكانيكي بيقولي الابيزا عموما بتسخن .. الكلام ده صح ولا ايه ؟؟؟؟

معلش ياجماعه الموضوع طويل بس بجد انا محتاج مساعدتكو لان معنديش خبره اوي ومتأكد انكم ان شاء الله هتفيدوني

شكرا جزيلا..........

[IMG]http://www.**********.net/Nile/images/statusicon/wol_error.gif[/IMG]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 219KB.

[mohamed ibiza]

السعر كويس عشان 1400 لو حالتها نضيفه انما لو محتاجه مصاريف ينزل طبعا

و العواكس اللي بين الفانوسين ورا اللون الاسود موجود في الوكاله ب 200 جنيه 2 جزء و الاحمر ب 400 2جزء برضه يمين و شمال

و الميكانيكي ده ملوش فيها لان انا معايا ابيزا 94 و شاريينها من الزيرو و حتي الان بعد 16 سنة عمري ما عانيت من مشكلة حراره بتوصل لدرجة معينه تقوم المروحه تشتغل تنزلها شوية و تثبت علي كده لو الدنيا حر اوي اوي و زادت سنه المروحه بتشتغل و مش بتخليها تعلي

[MEMOO_1ST]

باشا الابيزا فعلا عربيات ممتازة وانا شايف السعر معقول لو الحالة نضيفة.

[kareem10]

انا متشكر اوي يا جماعه على مساعدتكو والله وده اصلا اللي كنت متوقعه من المنتدي المحترم ده

انا هنزل انهرده ان شاء الله اشوف وحده ابيزا 94 وهشوف وحده جولف 2 لو مخلصتش في وحده منهم يبقا ان شاء الله هخلص في دي

وشكرا ليكو للمره التانيه

[MIDO-SPICY]

أ/كريم
ابقى قولنا عملت ايه فى الجولف ولاقيت سعرها كام