استهلاك البنزن ( استفسار هام )

[محمدالمنياوى]

الساده خبراء فرنا


عاوز استفسر عن استهلاك فرنا للبنزن وده علشان انا اشترت فرنا كسر زرو 2010 عامله 24000 ك بس بتسحب بنزن جامد جدا لدرجه انها سحبت 15 لتر فب 100 ك متر ارجو معرفه السبب .

[lost2008]

عندى جوة البلد و مع تشغيل التكيف بتستهلك من 11 الى 12 لتر / 100 كم

[pido132]

عندى جوة البلد 180 فى الصفيحه !!!!!!!

[احمد على 1999]

ممكن تكون حسبتك مش دقيقة
انا جربت طريقة حسبة دقيقة يا ريت تقدر تطمنك :

1. ادخل البنزينة الى انت متعود عليها و فول
2. اثناء التموين سجل المسافة الموجودة على عداد المسافة الكلية ( مش عداد الرحلات لا التانى الكبير )
3. امشى بالعربية زى ما تمشى جوة البلد سفر تكييف ناس راكبة
4. المهم تسجل كل مرة تمون حطيت اد ايه
5. و بعد مدة و مسافة محترمة تحسب الحسبة كالتالى

1. ادخل البنزينة و فول
2. اثناء التموين سجل المسافة الكلية الى قاريها العداد دلوقتى
3. اجمع كميات الوقود السابقة من اول واحدة خالص لغاية اخر واحدة
4. اطرح المسافة الاولانية من الاخرانية يديك المسافة الكلية الى انت قطعتها
5. يبقى الصفيحة بتعمل معاك = 20 مضروبة فى المسافة ( الناتج بتاع خطوة 4 ) و الناتج اقسمه على كمية الوقود ( ناتج خطوة 3 )

ميزة الطريقة دى انها دقيقة بالذات لو مشيت اكتر و بعدين بتديك متوسط الاستهلاك طبقا لظروف التشغيل المختلفة

يا راجل ده عربيتي عملت بالظبط 13 لتر بنزين في 300 كيلو وانا جي من اسكندرية لازم تروح تكشف عليها في التوكيل لان كدا استهلاك عالي جدا