ايه راى سيادتكم

[acer]

السلام عليكم ورحمه الله وبركاته
السادة المحترمين اعضاء المنتدى
انا عندى موضوع احب ان يشارك جميع الاعضاء فيه حيث من وجهة نظرى حتعم الفائدة على الجميع طبعا كلنا بنعانى الامرين فى حوار التوكيل وموضع الصيانة وطبعا كلنا بندفع وبنضيع وقت كتيرفىالانتظار وطبعا مبتعرفش ايه اللى حصل فى العربيه وياترى الحاجه كلها الى انتى عايزها اتعملت ولا لاءة
فاحب ان نتبادل الاراء فى اننا كل واحد يعرف ميكانيكى بيشتغل فى الفيرنا كويس واسعارة كويسه انه يقول عنوانه فين ونبدى نروح على اساس ان بجد غبور واسعار المصنعيات غاليه وياريت نبدى بالقاهرة وبعدين اسكندريه وهكذا
يعنى مثال على مدى فشل مركز غبور من وجهة نظرى امبارح كنت باعمل صيانه 5000 لاقيت مهندس الاستقبال بيقلى ايه عندنا زيت 7000 وزيت عشرة الاف فقلت ايه ليه فقال ليه اصل 5000 ناقص فقلت ليه طب انتو كتالوج الصيانه بتاعكم كل 5000الاف يبقى ازى تجيبوا زيت 5000الاف يرد يقول ايه بقى خلاص حضرتك حط 10الاف قلت ليه فى الصيف احط 10الاف ازاى يعنى بجد مركز وعامل كتالوج كل 5000الاف تغير زيت والمركز مفيش فيه 5000الاف اتمنى ان نقدر بجد نعمل قاعدة بيانات كويسه ونستغنى بقى عن غبور ولا ايه رايكم شكرا على سعة صدركم

[esafegypt]

والله هو موضوع ميكانيكى يبق فاهم فى الفيرنا دى صعبة لكن ممكن تلاقى ميكانيكى فاهم فى الهيونداى بصفة عامة وده موجود كتير فى مصر والحمد لله انا من الفيوم وعندى ابن خالى كان عامل حادثة بالاكسيل بتاعتة وراح لميكنيكى كويس تقريبا هو الوحيد اللى بيفهم فى الهيونداى فى الفيوم وايده حلوة ركبلة كل شئ كويس وغير المتور كمان بمتور جديد بس اهم شئ انك تقراء كتير وتفهم عن العربية اللى معاك علشان لما تروح لميكانيكى تبق فاهم انت عايز تعمل ايه وكمان ميضحكش عليك وعموما فى الاول اى حد بينضحك عليه من اى ميكانيكى او مركز صيانة لكن بعد فترة الواحد بيتعلم وبيفهم اصول اللعبة وبيحاول يظبطت العربية بأقل التكاليف وياريت يا جماعة اى حد يعرف ميكانيكى كويس فى الهيونداى والفيرنا يبق يقول ويساعدنا

[luckyman]

مش عارف اقولك اية غير حسبى الله ونعم الوكيل
الواحد بيروح للتوكيل او لمصدر موثوق علشان يرتاح باله مش يتبهدل كل دة مع توكيلات لها تاريخ وثقل ووزن وحجم كبير من حصة السوق اومال لو كانوا مبتدئين كان حصل اية
لية يا مصر كدة

[Mo7amed Elnimr]

انا اعرف ميكانيكى فى اسكندرية كان شغال فى التوكيل ودلوقت فتح ورشة برة و90% من العربيات اللى بتجيلة فيرنا
عنوانة صعب شوية
سيدى بشر عند الحى الشارع اللى موازى للقطر تانى شارع شمال فى اول شارع يمين ادامة ساحة كبيرة فاضية

انا الصراحة لسة مجربتهوش بس صحابى بيقولو علية كويس وحافظ الفيرنا

[lol64]

والله والله لو كان عندى خبره فى اللى بيتعمل فى التوكيلات قبل مااشترى الالنترا كنت جبتها خليجى افضل وفعلا التوكيلات دى قله قيمه وبهدله واغلب الشغل فيها نصب على الزبون وانا مسئول عن كلامى ده
واحد صاحبى راح صيانه الالف بالسيراتو ومفروض انه غير الزيت 5000 كيلو واكتشف فى صيانه ال 5000 ان الزيت متغيرش واقسم انه هايولعلهم فى التوكيل ده لو مااخدش حقه وعلى حد علمى ماوصلش لاى حاجه معاهم